თბილისი, 19 ოქტომბერი — Sputnik. იტალიის ქალაქ ბარიში 31 წლის ქართველი მამაკაცი გარდაცვლილი იპოვეს, იუწყება ტელეკომპანია Imedi.
ადგილობრივებმა ახალგაზარდა კაცის ცხედარი 18 ოქტომბერს სან-ანტონიოს სანაპიროსთან აღმოაჩინეს და პოლიცია გამოიძახეს. ადგილზე სამართალდამცველები და სანაპირო დაცვის სამსახური იყო მობილიზებული.
საქართველოს მოქალაქის გარდაცვალების ზუსტი მიზეზი ჯერჯერობით უცნობია. ერთი -ერთი ვერსიით, იგი წყალში დაიხრჩო, თუმცა იტალიური საინფორმაციო საშუალებების ცნობით, ქართველი ემიგრანტი, სავარაუდოდ, მოკლულია, რადგან სხეულზე დაზიანებები აღენიშნება.
მომხდართან დაკავშირებით მიმდინარეობს გამოძიება.