ნავთობის მილსადენი

პოლიციამ ბაქო-სუფსის მილსადენიდან ნავთობის მოპარვის მცდელობის ფაქტი გამოავლინა

79
(განახლებულია 12:01 11.10.2018)
დაუდგენელი პირები მილსადენიდან ნავთობის მოპარვას სპეციალური მოწყობილობით ცდილობდნენ.

თბილისი, 11 ოქტომბერი — Sputnik. სამართალდამცველებმა ბაქო-სუფსის მილსადენიდან ნავთობის მოპარვის მცდელობის ფაქტი გამოავლინეს, იუწყება ტელეკომპანია Imedi.

შემთხვევა გორის მუნიციპალიტეტის სოფელ რეხაში მოხდა.

გავრცელებული ინფორმაციით, დამნაშავეებმა მილსადენზე შესაბამისი მოწყობილობა დაამაგრეს და ნავთობის მოსაპარად ემზადებოდნენ.

აღნიშნულ ფაქტთან დაკავშირებით სამართალდამცველებს ეჭვმიტანილები ჯერ არ დაუკავებიათ.

მომხდარ ფაქტზე გამოძიება სისხლის სამართლის კოდექსის 19-177-ე მუხლით მიმდინარეობს, რაც ქურდობის მცდელობას გულისხმობს და ჯარიმით ან შინაპატიმრობით ან თავისუფლების აღკვეთით ისჯება.

 

79
თემები:
შემთხვევები საქართველოში (1388)