სისხლიანი დაპირისპირება თბილისში – ფალიაშვილის ქუჩაზე ორი ახალგაზრდა დაჭრეს

© Sputnik / Alexander Imedashviliსასწრაფო სამედიცინო დახმარება
სასწრაფო სამედიცინო დახმარება - Sputnik საქართველო
გამოწერა
ერთ-ერთი დაშავებული როგორც ცეცხლსასროლი, ასევე, ცივი იარაღით არის დაჭრილი.

თბილისი, 21 სექტემბერი — Sputnik. თბილისში, ფალიაშვილის ქუჩაზე ორი ახალგაზრდა მამაკაცი დაჭრეს, იუწყება ტელეკომპანია Rustavi2.

შემთხვევა გუშინ, გვიან ღამით ფალიაშვილის ქუჩის N7 სახლის მიმდებარე ტერიტორიაზე მოხდა. დაჭრილები 20-25 წლის ახალგაზრდები არიან.

დაკავება - Sputnik საქართველო
ზუგდიდში სიძემ ცოლისძმა სასიკვდილოდ დაჭრა

არსებული ინფორმაციით, შემთხვევას წინ სიტყვიერი დაპირისპირება უძღოდა. ადგილობრივებმა რამდენიმე გასროლის ხმა გაიგეს, მოგვიანებით კი დაშავებული ახალგაზრდები ალადაშვილის კლინიკაში გადაიყვანეს.

ექიმების თქმით, დაჭრილების მდგომარეობა სტაბილურია. ერთ-ერთ მათგანს რამდენიმე ჭრილობა მიყენებული ჰქონდა როგორც ცივი, ასევე ცეცხლსასროლი იარაღით.

ადგილზე მობილიზებული იყო საპატრულო პოლიციის რამდენიმე ეკიპაჟი. არსებული ინფორმაციით, დამნაშავე ადგილიდან მიიმალა. მიმდინარეობს სამძებრო სამუშაოები.

გამოძიება საქართველოს სსკ-ის ორი მუხლით დაიწყო – 117-ე (ჯანმრთელობის განზრახ მძიმე დაზიანება) და 236-ე ( ცეცხლსასროლი იარაღის მართლსაწინააღმდეგო შეძენა-შენახვა-ტარება).

 

ყველა ახალი ამბავი
0