სეტყვა

ძლიერმა სეტყვამ ასპინძა დააზარალა

92
(განახლებულია 11:15 12.09.2018)
სეტყვამ ყველაზე მეტად სოფელი ნიჯგორი დააზარალა.

თბილისი, 12 სექტემბერი — Sputnik. ძლიერმა სეტყვამ ასპინძის მუნიციპალიტეტის სოფლები დააზარალა, იუწყება საზოგადოებრივი მაუწყებლის პირველი არხი.

ადგილობრივების თქმით, 11 სექტემბრის ღამით მოსული სეტყვა 10-15 წუთის განმავლობაში გრძელდებოდა.

სტიქიამ სოფელ ნიჯგორში, საროსა და ხიზაბავრაში სასოფლო-სამეურნეო სავარგულები, ხეხილი და ბოსტნეულის ნარგავები დააზიანა. განსაკუთრებული ზიანი სოფელ ნიჯგორის მოსახლეობას მიადგა – სეტყვამ ხეხილისა და ბოსტნეულის დაახლოებით 30% გაანადგურა.

სეტყვისგან მიყენებულ ზარალს ასპინძის მერიაში არსებული სპეციალური კომისია დაადგენს, რომელიც მუშაობას დღეს შეუდგება.

 

92
თემები:
შემთხვევები საქართველოში (1301)