სახანძრო

ხანძარი ქუთაისში - ცეცხლმოკიდებული ტაქსიდან მძღოლმა გადმოსვლა მოასწრო

158
სავარაუდოდ, ხანძრის გაჩენის მიზეზი ავტომობილში ჩამონტაჟებული გაზის მოწყობილობა გახდა.

თბილისი, 8 აგვისტო — Sputnik. ქუთაისში ტაქსის ცეცხლი გაუჩნდა და დაიწვა, იუწყება საზოგადოებრივი მაუწყებლის პირველი არხი.

შემთხვევა აღმაშენებლის ქუჩაზე დღეს მოხდა. ხანძარი  „კრაისლერის" მარკის ტაქსის გაუჩნდა.

წინასწარი ინფორმაციით, ხანძრის გაჩენის მიზეზი, სავარაუდოდ, ავტომობილში ჩამონტაჟებული გაზის მოწყობილობა გახდა.

ავტომობილში მხოლოდ მძღოლი იმყოფებოდა. მან ცეცხლმოდებული ავტომობილიდან გადმოსვლა მოასწრო.

შემთხვევის შედეგად არავინ დაშავებულა. ადგილზე მობილიზებულია საპატრულო პოლიციისა და სახანძრო ეკიპაჟები.

158
თემები:
შემთხვევები საქართველოში (1377)