მოსამართლის ჩაქუჩი

ირანის მოქალაქეს საქართველოში ნარკოტიკების შემოტანისთვის 17 წლით პატიმრობა მიესაჯა

102
(განახლებულია 10:14 08.08.2018)
ირანელი ქართველმა პოლიციელებმა თბილისის აეროპორტში დააკავეს

თბილისი, 8 აგვისტო — Sputnik. რუსთავის საქალაქო სასამართლომ ირანის მოქალაქეს საქართველოში 168 გრამი ჰეროინის შემოტანისთვის 17 წლით თავისუფლების აღკვეთა შეუფარდა, ნათქვამია საქართველოს მთავარი პროკურატურის ვებ-გვერდზე განთავსებულ განცხადებაში.

ირანელი საქართველოში ამა წლის თებერვალში ჩამოვიდა. ქართველმა სამართალდამცველებმა ის თბილისის საერთაშორისო აეროპორტში დააკავეს. პოლიციამ გამოარკვია, რომ მან ნარკოტიკები ირანში შეიძინა, დამალა სხეულში და ისე შემოიტანა საქართველოში.

სისხლის სამართლის საქმე აღძრული იყო მუხლებით „ნარკოტიკული საშუალების უკანონო შეძენა-შენახვა, ჩადენილი განსაკუთრებით დიდი ოდენობით" და „საქართველოში ნარკოტიკული საშუალების უკანონოდ შემოტანა, ჩადენილი განსაკუთრებით დიდი ოდენობით". დანაშაული ისჯება 8-დან 20 წლამდე ან უვადო პატიმრობით.

102
თემები:
კრიმინალი საქართველოში (640)