სამართალდამცველებმა გურიაში დიდი ოდენობით ნარკოტიკი ამოიღეს

CC0 / Pixabay / eliasfalla / ნარკოტიკი
ნარკოტიკი - Sputnik საქართველო
გამოწერა
დაკავებული პირი ნარკოტიკის ზემოქმედების ქვეშ იმყოფებოდა.

თბილისი, 4 აგვისტო — Sputnik. სამართალდამცველებმა დაბა ურეკში განსაკუთრებით დიდი ოდენობით ნარკოტიკული საშუალების შეძენა-შენახვა-გადაზიდვის ბრალდებით 1978 წელს დაბადებული, წარსულში ნასამართლევი დ.ს. დააკავეს, ნათქვამია უწყების მიერ გავრცელებულ განცხადებაში.

გიორგი მარგველაშვილი - Sputnik საქართველო
გიორგი მარგველაშვილი მარიხუანის ლეგალიზების შესახებ - კარგი და ცუდი მხარეები

დაკავებულის პირადი ჩხრეკისას სამართალდამცველებმა 132 აბი „სუბოქსინი“, 21 აბი „ექსტაზი“, 3,2 გრამი ჰეროინის შემცველი ნარკოტიკული საშუალება და მორფინის მარილი ნივთმტკიცების სახით ამოიღეს.

ნარკოლოგიური შემოწმების შედეგად დადგინდა, რომ დაკავებისას დ.ს. ნარკოტიკის ზემოქმედების ქვეშ იმყოფებოდა.

ბრალდებული ჩადენილ დანაშაულს აღიარებს.

გამოძიება განსაკუთრებით დიდი ოდენობით ნარკოტიკული საშუალების შეძენა-შენახვა-გადაზიდვის ფაქტზე, საქართველოს სსკ-ს 260-ე მუხლით მიმდინარეობს, რაც  8-დან 20 წლამდე ან უვადო თავისუფლების აღკვეთას ითვალისწინებს.


ყველა ახალი ამბავი
0