სასწრაფო სამედიცინო დახმარების ბრიგადა

ქუთაისში 13 წლის გოგონა მეოთხე სართულიდან გადმოვარდა

204
(განახლებულია 21:18 10.07.2018)
ჯერჯერობით უცნობია, რა იყო შემთხვევის მიზეზი

თბილისი, 10 ივლისი – Sputnik. ქუთაისში, სოციალური საცხოვრებლის მეოთხე სართულიდან 13 წლის მოზარდი გადმოვარდა, იუწყება ტელეკომპანია Rustavi2.

გოგონას მენჯ–ბარძაყის დაზიანება აქვს და ქირურგიული ჩარევა ესაჭიროება.

მოზარდი დასავლეთ საქართველოს ინტერვენციული მედიცინის ცენტრშია გადაყვანილი. გავრცელებული ინფორმაციით, მის სიცოცხლეს საფრთხე არ ემუქრება.

მომხდარი მეზობლებს არ დაუნახავთ. ერთ–ერთი მეზობლის განცხადებით, გარეთ მას შემდეგ გამოვიდა, რაც ჩამოვარდნის ხმა გაიგო. მისი თქმით, თუ ადამიანის სკამზე არ დადგა, ფანჯრიდან გადმოვარდნა შეუძლებელია.

საზოგადოებრივი მაუწყებლის პირველი არხის ინფორმაციით, გოგონას მკურნალობის ხარჯებს ქუთაისის მერია დაფარავს.

მომხდარის მიზეზი ჯერჯერობით ცნობილი არ არის. შემთხვევის გამო დაწყებულია გამოძიება, აღძრულია სისხლის სამართლის საქმე 124–ე მუხლით, რაც გაუფრთხილებლობით ჯანმრთელობის დაზიანებას გულისხმობს.

 

204
თემები:
შემთხვევები საქართველოში (1310)