მართლმსაჯულება

მოწმის მოსყიდვა 200 ლარად: მერაბ მორჩაძეს წინასწარი პატიმრობა შეეფარდა

108
(განახლებულია 15:06 11.06.2018)
ხორავას ქუჩაზე მომხდარი მკვლელობის საქმეზე, ხელახალი გამოძიების ფარგლებში, პროკურატურის ყოფილი მაღალჩინოსანი მირზა სუბელიანიც დააკავეს.

თბილისი, 11 ივნისი — Sputnik. ხორავას ქუჩაზე მომხდარ მკვლელობასთან დაკავშირებით დაკავებულ მერაბ მორჩაძეს აღკვეთის ღონისძიების სახით პატიმრობა შეეფარდა, ნათქვამია თბილისის საქალაქო სასამართლოს მიერ გავრცელებულ ინფორმაციაში.

ხორავას ქუჩაზე მომხდარი მკვლელობის საქმეზე განმეორებითი გამოძიების ფარგლებში პირველი ბრალდებული, 45 წლის მერაბ მორჩაძე სამართალდამცველებმა 8 ივნისს დააკავეს. მას გამოძიება მოწმის მოსყიდვაში ადანაშაულებს.

„საქმის მასალების თანახმად, ბრალდებული ხორავას ქუჩაზე მომხდარი არასრულწლოვნების მკვლელობის საქმეზე ერთ-ერთ მოწმესთან სახლში მივიდა, გაეცნო როგორც ნათესავი და მკვლელობის საქმეზე ბრალდებულ გ.ჯ.-ს მამის მეგობარი. მ.მ.-მ მოწმეს გადასცა თანხა 200 ლარის ოდენობით და პერიოდულად თანხის გადაცემის მიზნით უკავშირდებოდა მას. მკვლელობის საქმეზე არსებითი განხილვის დაწყების შემდეგ ბრალდებული მ.მ. კვლავ ეწვია მოწმეს სახლში და ფულადი ანაზღაურების სანაცვლოდ მკვლელობაში ბრალდებულის სასარგებლოდ ჩვენების შეცვლა შესთავაზა (ურჩია)", — ნათქვამია სასამართლოს მიერ გავრცელებულ განცხადებაში.

აღნიშნულ საქმეზე წინასასამართლო სხდომა 2018 წლის 30 ივლისს, 12:00 საათზე გაიმართება.

ხორავას ქუჩაზე მომხდარი მკვლელობის საქმეზე განმეორებითი გამოძიების ფარგლებში 9 ივნისს პროკურატურის ყოფილი მაღალჩინოსანი მირზა სუბელიანიც დააკავეს. მას გამოძიება განსაკუთრებით მძიმე დანაშაულის შეუტყობინებლობას ედავება. სუბელიანს აღკვეთის ღონისძიების სახედ პატიმრობა გუშინ შეეფარდა.

რუსთაველზე პოლიციამ კარვები გადაიტანა: რა ინციდენტი მოხდა აქციის მონაწილეებს შორის>>>

ხორავას ქუჩაზე ორი მოზარდის მკვლელობის საქმე ხელახალი გამოძიებისთვის საქართველოს შინაგან საქმეთა სამინისტროს მთავარი პროკურატურისგან 1 ივნისს გადაეცა. შსს-ში აღნიშული საქმე მას შემდეგ დაბრუნდა, რაც სასამართლოს მიერ გამოცხადებულ განაჩენს ხალხის საპროტესტო აქციები და მთავარი პროკურორის ირაკლი შოთაძის თანამდებობიდან გადადგომა მოჰყვა.

31 მაისს თბილისის საქალაქო სასამართლომ ხორავას ქუჩაზე მოკლული №51 სკოლის მოსწავლის ლევან დადუნაშვილის მკვლელობის საქმეზე გამამტყუნებელი განაჩენი გამოიტანა. რაც შეეხება მეორე მოკლულს დავით სარალიძეს, მის საქმეზე მოსამართლემ ბრალი მკვლელობიდან მკვლელობის მცდელობაზე გადააკვალიფიცირა. შესაბამისად, ამ დროისათვის უცნობია, ვინ მოკლა არასრულწლოვანი დავით სარალიძე. სასამართლოს გადაწყვეტილებას თითქმის მთელი ქვეყნის მასშტაბით საპროტესტო აქციები მოჰყვა.

ხორავას ქუჩაზე ორი მოზარდი 2017 წლის 1 დეკემბერს დაჭრეს. ლევან დადუნაშვილი საავადმყოფოში მიყვანამდე გარდაიცვალა, დავით სარალიძე კი, ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს საავადმყოფოში დაიღუპა.

108
თემები:
მკვლელობა ხორავას ქუჩაზე – პროტესტის ტალღა თბილისში–2018 (131)
საბერძნეთის პოლიცია

საქართველოს მოქალაქემ საბერძნეთის იზოლატორში თავი მოიკლა

93
(განახლებულია 16:08 29.05.2020)
ქალაქ ალექსანდრუპოლისის პოლიციის განყოფილების იზოლატორში 46 წლის ქართველი მამაკაცი უგონო მდგომარეობაში იპოვეს.

თბილისი, 29 მაისი — Sputnik. ტრეფიკინგში ბრალდებულმა საქართველოს მოქალაქემ საბერძნეთში დროებითი დაკავების იზოლატორში თავი მოიკლა, იუწყება ქართული მასმედია ბერძნული მედიასაშუალებების ინფორმაციაზე დაყრდნობით.

გავრცელებული ინფორმაციით, 46 წლის ქართველი მამაკაცი ქალაქ ალექსანდრუპოლისის პოლიციის განყოფილების იზოლატორში უგონო მდგომარეობაში იპოვეს.

საქართველოს საგარეო საქმეთა სამინისტროში აცხადებენ, რომ მიმდინარეობს ცხედრის ექსპერტიზა, იუწყება ტელეკომპანია Imedi.

„სალონიკში საქართველოს საკონსულოში შესულია ოფიციალური შეტყობინება, მიმდინარეობს ცხედრის ექსპერტიზა. საკონსულო მუდმივ კონტაქტზეა გარდაცვლილის ოჯახის წევრებთან“, – აღნიშნეს საგარეო უწყებაში.

რა გახდა თვითმკვლელობის მიზეზი, ჯერჯერობით უცნობია.

93
თემები:
შემთხვევები საქართველოში
პოლიცია ბათუმში

შსს-მ ბათუმში მომხდარ არეულობასთან დაკავშირებით ინციდენტის ვიდეოჩანაწერი გაავრცელა

175
(განახლებულია 20:54 27.05.2020)
რევაზ წულუკიძისა და ელდარ ანთაძის გათავისუფლების მოთხოვნით გამართულ აქციაზე ბათუმში პოლიციამ 30 პირი დააკავა

თბილისი, 27 მაისი - Sputnik. შინაგან საქმეთა სამინისტრო ასაჯაროებს კადრებს, სადაც ასახულია ხულიგნობის ფაქტი, რის საფუძველზეც ბათუმში სამართალდამცველებმა ორი პირი დააკავეს, ხოლო ოთხ პირს წარედგინა ბრალდება, ნათქვამია უწყების მიერ გავრცელებულ განცხადებაში.

არსებული ინფორმაციით, მიმდინარე წლის შვიდ მაისს, აჭარის პოლიციის დეპარტამენტის თანამშრომლებმა ბათუმში ორი პირი დააკავეს, ხოლო ოთხ პირს წარედგინა ბრალდება, სსკ-ის 239-ე მუხლით. დაკავებულები ამ დროისთვის იმყოფებიან წინასწარ პატიმრობაში.

საუბარია რევაზ წულუკიძესა და ელდარ ანთაძეზე, სწორედ მათ გათავისუფლებას ითხოვდნენ დღეს გამართულ საპროტესტო აქციაზე.

დაკავებულების ოჯახის წევრებმა და ახლობლებმა, ბრალდებულების გათავისუფლების მოთხოვნით, ბათუმში საპროტესტო აქცია გამართეს და ცენტრალური გზის გადაკეტვა სცადეს. პოლიციის არაერთი კანონიერი მოთხოვნის მიუხედავად, აქციის მონაწილეებმა განაგრძეს საზოგადოებრივი წესრიგის დაარღვევა და ძალადობრივი მეთოდებით შეეცადნენ გზის გადაკეტვას.

ბათუმში მიმდინარე აქციის დროს, ადმინისტრაციულ სამართალდარღვევათა კოდექსის 173-ე და 166-ე მუხლებით გათვალისწინებული სამართალდარღვევებისთვის სულ დაკავებულია 30 პირი, რაც გულისხმობს სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობას და წვრილმან ხულიგნობას.

რეზო წულუკიძისა და ელდარ ანთაძის ოჯახის წევრები მიიჩნევენ, რომ ისინი უკანონოდ არიან დაკავებულები და მათ გათავისუფლებას მოითხოვენ. ამავე მოთხოვნით ისინი 8 მაისსაც შეიკრიბნენ აჭარის მთავრობის სახლთან და აქცია გამართეს, სადაც პოლიციისთვის წინააღმდეგობის გაწევის გამო ოთხი პირი ადმინისტრაციული წესით დააკავეს. წულუკიძესა და ანთაძეს ბრალი ჯგუფურ ხულიგნობაში ედებათ.

175
თემები:
შემთხვევები საქართველოში
მამუკა მდინარაძე

პარლამენტი საგანგებო მდგომარეობის რეჟიმის დარღვევისთვის დაწესებულ ჯარიმებს გადახედავს

0
საგანგებო მდგომარეობის რეჟიმისა და კომენდანტის საათის დარღვევისთვის ჯარიმა შემცირდება, მაგრამ მათ სრულად გაუქმებას პარლამენტი არ აპირებს

 

თბილისი, 29 მაისი - Sputnik. საქართველოს პარლამენტი გადახედავს საგანგებო მდგომარეობის რეჟიმისა და კომენდანტის საათის დარღვევისთვის დაწესებული ჯარიმების ოდენობას, განაცხადა საპარლამენტო უმრავლესობის ლიდერმა, ვიცე–სპიკერმა მამუკა მდინარაძემ. 

როგორც მდინარაძემ აღნიშნა, ჯარიმების ჩამოწერას ან სრულად გაუქმებას არავინ არ აპირებს, ვინაიდან მოსახლეობამ ეს, შესაძლოა, აღიქვას იმის მინიშნებად, რომ საფრთხემ ჩაიარა, ამან კი, თავის მხრივ, შეიძლება ქვეყანაში კორონავირუსის აფეთქების მეორე ტალღა გამოიწვიოს.

 „თუმცა, მეორე მხრივ, გასაგებია, რომ 3 ათასი ლარი - ძალიან დიდი თანხაა, მოსახლეობის 90% ასეთი ჯარიმის გადახდას ვერ შეძლებს. გამომდინარე აქედან, ჩვენ შუალედური გადაწყვეტილება უნდა მივიღოთ“, - განაცხადა მდინარაძემ.

რამდენით შეიკვეცება ჯარიმა, დეპუტატის თქმით, ეს განსახილველი საკითხია.

ოპოზიციური პარტია „ევროპული საქართველოს“ მონაცემებით, საგანგებო მდგომარეობის მოქმედების დროს გამოწერილი ჯარიმების საერთო მოცულობამ 25 მილიონ ლარს გადააჭარბა.

ოპოზიცია საგანგებო მდგომარეობის დროს გამოწერილი ჯარიმების ჩამოწერას მოითხოვს>>>

საგანგებო მდგომარეობის დროს, რომელიც 21 მარტიდან 23 მაისამდე მოქმედებდა, 7 777 ჯარიმა გამოიწერა. ჯარიმა ფიზიკური პირებისთვის შეადგენდა 3 ათას ლარს, იურიდიული პირებისთვის - 15 ათას ლარს.

 „ევროპული საქართველოს“ ერთ-ერთი ლიდერის, სერგი კაპანაძის თქმით, მათ გასულ კვირას მთავრობას შესთავაზეს ამ ჯარიმების ჩამოწერა, თუმცა, ინიციატივას რეაგირება არ მოჰყოლია. ამიტომ პარტიამ გადაწყვიტა ინიციატივის პარლამენტში დარეგისტრირება კანონპროექტის სახით.

საგანგებო მდგომარეობის დროს ყველა ადმინისტრაციული ჯარიმის გადახდა მის დასრულებამდე გადაიდო.

 

 

0
თემები:
COVID-19 საქართველოში