დაკავება

დაკავებულია რუსეთის მოქალაქე: პოლიციამ 1709 სამალავიდან ნარკოტიკი ამოიღო

135
(განახლებულია 12:51 26.05.2018)
ბრალდებული ნარკოტიკებს თბილისში სამალავებში ათავსებდა, გარიგებებს კი ინტერნეტით ახორციელებდა

თბილისი, 26 მაისი — Sputnik. შსს-ს თანამშრომლებმა 30 წლის რუსეთის მოქალაქე განსაკუთრებით დიდი ოდენობით ნარკოტიკის ინტერნეტით რეალიზაციის ბრალდებით დააკავეს, ნათქვამია უწყების ვებგვერდზე გავრცელებულ განცხადებაში.

პოლიციამ ნარკოტიკების ონლაინ შესყიდვის სქემა გაშიფრა — დაკავებულია ახალგაზრდა ქალ-ვაჟი >>

საქმის მასალებიდან გამომდინარე, დაკავებული ნარკოტიკულ საშუალებებს ინტერნეტისა და მობილური აპლიკაციების საშუალებით სისტემატურად ასაღებდა. რუსეთის მოქალაქე ბოლო სამი თვის განმავლობაში საქართველოში სამჯერ ხუთ-ხუთი დღით ჩამოვიდა, იმდენჯერ ვითომდა ტურისტული ვიზიტით, და ნარკოტიკების გასაღებით იყო დაკავებული.

„ბიზნესის“ სქემა ასე გამოიყურებოდა: ბრალდებული ნარკოტიკებს ქალაქის კონკრეტულ ადგილებზე ტოვებდა, სურათებს უღებდა და შესაბამისი ნუმერაციით აღრიცხავდა. შემდეგ სამალავების ადგილმდებარეობის შესახებ ინფორმაციას შემკვეთებს აწვდიდა, რომელიც მიდიოდა ადგილზე და იღებდა ნარკოტიკს.

შსს ამტკიცებს, რომ სამი თვის განმავლობაში რუსეთის მოქალაქემ ნარკოტიკი 1709 ადგილას მოათავსა. ეს ადგილები პოლიციამ დაკავებულის კუთვნილი მობილური ტელეფონისა და კომპიუტერის დათვალიერების შემდეგ აღმოაჩინა.

ეჭვმიტანილი თბილისის ზღვის მიმდებარე პარკში იმ დროს დააკავეს, როდესაც იგი ნარკოტიკულ საშუალებას სამალავებში ათავსებდა. დაკავებულის პირადი ჩხრეკისას ამოღებულ იქნა 18 შეკვრად დაფასოებული ნარკოტიკული საშუალება „ჰაშიში“.

რეივ-აქცია ქუჩის ნაცვლად ღამის კლუბ „ბასიანში“ გაიმართება >>

აგრეთვე, პოლიციამ პარკის და დაკავებულის დროებითი საცხოვრებელი სახლის ჩხრეკისას 180 შეკვრად დაფასოებული „ჰაშიში“ ამოიღო.

სისხლის სამართლის საქმე სსკ-ის 260-ე მუხლით მიმდინარეობს (ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა, გადაგზავნა ან გასაღება), რაც 8-დან 20 წლამდე ან უვადო თავისუფლების აღკვეთით ისჯება.

ნარკოტიკების უკანონო ბრუნვის პრობლემა საქართველოში განსაკუთრებით აქტუალური მას შემდეგ გახდა, რაც აპრილ-მაისში ხუთი ახალგაზრდა დაიღუპა, ხოლო რვა საავადმყოფოში მოხვდა. მედია ამტკიცებს, რომ ადამიანების გარდაცვალება ახალი „საკლუბო ნარკოტიკის“ მეფედრონის მოხმარებას უკავშირდება.

მაისის დასაწყისში შსს-მ განაცხადა ნარკოგასაღების სქემის გახსნის და 27 წლის ნინო გეგელაშვილის და 24 წლის გიორგი გოგებაშვილის დაკავების შესახებ. პოლიციამ ნარკოტიკი სამალავის, ქალის მანქანის და მისი პირადი ჩხრეკისას აღმოაჩინა.

თბილისის საქალაქო სასამართლომ ბრალდებულებს პატიმრობა შეუფარდა. 

ცნობილია, საიდან შემოდის საქართველოში ნარკოტიკი >>

მოგვიანებით 11-12 მაისის ღამეს პოლიციამ თბილისში ჩაატარა რეიდები რამდენიმე ცნობილ ღამის კლუბში, მათ შორის „ბასიანსა“ და „კაფე გალერიში“. რეიდის შედეგად აღნიშნული დაწესებულებების ფარგლებს გარეთ ნარკოგასაღების ბრალდებით რვა ადამიანი დააკავეს.

 


135
თემები:
კრიმინალი საქართველოში – 2018 (1086)
პატრული

სენაკში მიტროპოლიტი საბას ოჯახი დააყაჩაღეს

31
(განახლებულია 12:27 09.08.2020)
გავრცელებული ინფორმაციით, წაღებულია მობილური ტელეფონები, გაურკვეველი რაოდენობის თანხა და სხვა ნივთები

 

თბილისი, 9 აგვისტო — Sputnik. სენაკში ხონისა და სამტრედიის მიტროპოლიტი საბას ოჯახი დააყაჩაღეს, იუწყება ტელეკომპანია Rustavi 2.

შემთხვევა გუშინ, ღამით მოხდა.

გავრცელებული ინფორმაციით, დაყაჩაღების დროს სახლში ოჯახის წევრები არ იმყოფებოდნენ.  წაღებულია მობილური ტელეფონები, გაურკვეველი რაოდენობის თანხა და სხვა ნივთები.

მომხდარ ფაქტზე გამოძიება დაწყებულია სსკ-ის 179-ე მუხლის მეორე და მესამე ნაწილით, რაც, ბინაში უკანონო შეღწევით ჯგუფურად ჩადენილ ყაჩაღობას გულისხმობს.

31
თემები:
კრიმინალი საქართველოში
არ გადაკვეთო დანაშაულის ადგილი

ტყიბულში მამაკაცი მოკლეს

56
გავრცელებული ინფორმაციით, მკვლელობა ორ ადამიანს შორის ურთიერთშელაპარაკების ნიადაგზე მოხდა. დაღუპული მამაკაცი თერჯოლის მკვიდრია.

თბილისი, 9 აგვისტო — Sputnik. ტყიბულში ახალგაზრდა მამაკაცი მოკლეს, იუწყება ტელეკომპანია Rustavi 2.

შემთხვევა ქალაქის ცენტრში გუშინ ღამით მოხდა.

დაღუპული მამაკაცი თერჯოლაში ცხოვრობდა.

გავრცელებული ინფორმაციით,  მკვლელობას წინ ურთიერთშელაპარაკება უძღოდა.  

მომხდარ ფაქტზე გამოძიება დაწყებულის სსკ-ის 108-ე მუხლით დაიწყო, რაც განზრახ მკვლელობას გულისხმობს.

56
თემები:
კრიმინალი საქართველოში
სარფი

საქართველოს მთავრობა: თურქეთში გადასვლაზე თანხმობა 101 პირს მიეცა

18
თურქეთთან საზღვრის გადაკვეთის უფლება ექნებათ მხოლოდ იმ მოქალაქეებს, რომლებსაც სამთვიანი ოფიციალური მიწვევა ექნებათ თურქი დამსაქმებლისგან.

თბილისი, 9 აგვისტო — Sputnik. საქართველოს მთავრობის გადაწყვეტილებით, თურქეთის რესპუბლიკაში გადასვლაზე დადებითი პასუხი 101 პირს მიეცა. რამდენიმე მათგანმა უკვე გადაკვეთა საქართველო-თურქეთის საზღვარი, იუწყება აჭარის ჯანდაცვის სამინისტრო ავრცელებს. 

საქართველოს მოქალაქეები თურქეთში სამუშაოდ წასვლას იმ შემთხვევაში შეძლებენ, თუ მათ ექნებათ დამსაქმებლის მიერ გაცემული ოფიციალური სამთვიანი მიწვევა, აღნიშნული გადაწყვეტილება საქართველოს მთავრობასთან შექმნილ უწყებათშორისი საკოორდინაციო საბჭოს სხდომაზე მიიღეს.

თურქეთში გამგზავრების მსურველებმა რეგისტრაციის პროცედურა საქართველოს ჯანდაცვის სამინისტროს მიერ შექმნილ სპეციალურ ვებგვერდზე, ასევე აჭარის დასაქმების სააგენტოს დახმარებით abroadworkers.moh.gov.ge-ზე უნდა გაიარონ.

განაცხადს ის მოქალაქეები ავსებენ, რომლებმაც თურქეთის რესპუბლიკაში რეგისტრირებული ფიზიკური ან იურიდიული პირისგან მოწვევა უკვე მიიღეს და ნოტარიულად ქართულ ენაზე დაამოწმეს.

„პროცედურა მარტივია, პირადი ნომრისა და მობილურის ნომრის შეყვანის შემდეგ განმცხადებელი ღებულობს აქტივაციის კოდს, რომლის შემდეგაც საშუალება ეძლევა ატვირთოს თურქეთის რესპუბლიკიდან მიღებული მოწვევა. განმცხადებელს პასუხი უმოკლეს ვადაში, არაუგვაინეს შვიდ დღეში ეცნობება“, – ნათქვამია აჭარის ჯანდაცვის სამინისტროს მიერ გავრცელებულ ინფორმაციაში.

პროცესს კოორდინაციას უწევს აჭარის მთავრობა, სპეციალური სამუშაო ჯგუფი, ადგილობრივი თვითმმართველობების პირველი პირები და დასაქმების სააგენტო, რომლებიც იზრუნებენ რეგისტრაციის პროცესსა და შემდგომ მონიტორინგზე. 

როგორც აჭარის ჯანმრთელობისა და სოციალური დაცვის მინისტრმა, ნინო ნიჟარაძემ სარფის საბაჟოზე განაცხადა, საქართველოს შესაბამისი უწყებები ყველაფერს აკეთებენ, რომ უმოკლეს ვადებში დასრულდეს ნებართვის გაცემასთან დაკავშირებული ყველა პროცედურა და იმ პირებმა, რომლებმაც უკვე მიიღეს მოწვევა თურქეთში მცხოვრები ფიზიკური ან იურიდიული პირის მხრიდან, მალე გადაკვეთონ საქართველო-თურქეთის საზღვარი და დანიშნულების ადგილზე მივიდნენ.

კორონავირუსის პანდემიის გამო საქართველომ 20 მარტიდან, გამონაკლისი შემთხვევების გარდა, უცხოელებისთვის საზღვრები ჩაკეტა და ყველა მიმართულებით ავიამიმოსვლა შეაჩერა.

პანდემიის პერიოდში სრულდება მხოლოდ ჩარტერული რეისები საქართველოს მოქალაქეების სამშობლოში ეტაპობრივად დაბრუნების მიზნით.

ოთხთვიანი წყვეტის შემდეგ საქართველომ საჰაერო სივრცე გახსნა ხუთი ქვეყნისთვის, რომელთა მოქალაქეებს ქვეყანაში შემოსვლა უპირობოდ შეუძლიათ. ეს ქვეყნებია: გერმანია, საფრანგეთი, ლატვია, ლიეტუვა და ესტონეთი. განსაკუთრებული შემთხვევების გარდა, სახმელეთო საზღვრები დღემდე ჩაკეტილია.

18
თემები:
COVID-19 საქართველოში