თბილისი, 24 მაისი — Sputnik. ქუთაისის სასამართლომ 2017 წლის 2 დეკემბერს წყალტუბოს რაიონში 17 წლის მოზარდის განზრახ მკვლელობაში ბრალდებულს 14 წლით თავისუფლების აღკვეთა მიუსაჯა, იუწყება საზოგადოებრივი მაუწყებლის პირველი არხი.
მკვლელობა სოფელ ოფშკვითში, სასაფლაოზე ურთიერთშელაპარაკების ნიადაგზე მოხდა. ბრალდებული 18 წლის ყოფილი თანაკლასელი აღმოჩნდა. მან გარდაცვლილს რამდენიმე ჭრილობა გულმკერდის არეში ცივი იარაღით მიაყენა, დაჭრილი მიატოვა და გაიქცა.
სისხლის სამართლის საქმე სსკ-ის 108-ე მუხლით („განზრახ მკვლელობა") მიმდინარეობდა, რაც თავისუფლების აღკვეთას 7-დან 15 წლამდე ითვალისწინებს. ბრალდებულის ადვოკატი საქალაქო სასამართლოს გადაწყვეტილების გასაჩივრებას აპირებს.
