თბილისი, 18 მაისი — Sputnik. მერვე კლასის მოსწავლე გოგონამ თბილისში, ქეთევან წამებულის გამზირზე, 87-ე სკოლასთან მეცხრეკლასელი ბიჭი სცემა, იუწყება საზოგადოებრივი მაუწყებლის პირველი არხი შსს-ზე დაყრდნობით.
მოსწავლეებმა ჯერ იკამათეს, შემდეგ კი იჩხუბეს. გოგონამ მეცხრეკლასელს საკანცელარიო ნივთით მიაყენა დაზიანება, მაგრამ, მიუხედავად იმისა, რომ დაზიანება მსუბუქი იყო, ბიჭი პირველი სამედიცინო დახმარებისთვის საავადმყოფოში გადაიყვანეს.
სკოლაში საპატრულო პოლიცია გამოიძახეს.
სისხლის სამართლის საქმე აღძრულია მუხლით „ძალადობა", რაც ისჯება ჯარიმით ან საზოგადოებისთვის სასარგებლო შრომით 120-დან 180 საათამდე, ან თავისუფლების აღკვეთით ერთ წლამდე ვადით. იმის გათვალისწინებით, რომ ეჭვმიტანილი არასრულწლოვანია და დანაშაული ნაკლებად მძიმე დანაშაულის კატეგორიაში გადის, მას თავისუფლების აღკვეთა არ ემუქრება.