საბერძნეთში სამი ქართველი დააკავეს

© photo: AFP 2020 / NOEL CELISხელბორკილები საკნის გისოსზე
ხელბორკილები საკნის გისოსზე - Sputnik საქართველო
გამოწერა
ბრალდებულები სახლებიდან ფულს, ძვირფას ნივთებს და მობილურ ტელეფონებს იპარავდნენ.

თბილისი, 15 აპრილი — Sputnik. საბერძნეთის პოლიციამ სახლების ქურდობაში ეჭვმიტანილი სამი ქართველი დააკავა, იუწყება საზოგადოებრივი მაუწყებლის პირველი არხი.

დაკავებულებმა 10 თებერვლიდან 13 აპრილამდე პერიოდში ქალაქ ვოლოსში სულ მცირე, ოთხი სახლი გაქურდეს. პოლიციამ 24, 35 და 39 წლის ქართველი მამაკაცები დააკავა.

იტალიის პოლიცია - Sputnik საქართველო
ავსტრიაში ქართველები დააკავეს: ქურდობის 11 ფაქტი, ყალბი სანომრე ნიშნები და მართვის მოწმობა

გამოძიების ცნობით, ისინი სახლებიდან ფულს, ძვირფას ნივთებს და მობილურ ტელეფონებს იპარავდნენ. მოპარული ნივთების ღირებულება სულ 4 400 ევროს შეადგენს.

დაკავების დროს ეჭვმიტანილებს აღმოაჩნდათ კარის გასატეხად საჭირო ხელსაწყოები, რამდენიმე მოპარული ნივთი და მსუბუქი ავტომობილი, რომლითაც სავარაუდოდ, ისინი  დანაშაულის ჩადენის დროს გადაადგილდებოდნენ.

გამოძიების ცნობით, ერთ-ერთი დაკავებული ათენის პოლიციის მიერ ბინის ძარცვისთვის იძებნებოდა. 

სამივე დაკავებული ქალაქ ვოლოსის წინასწარი დაკავების იზოლატორშია გადაყვანილი.

ყველა ახალი ამბავი
0