თბილისი, 22 თებერვალი — Sputnik. რუსთავში მდებარე ქარხანა „რუსთავის აზოტიდან" უცნობმა პირებმა შვიდი ტონა სასუქი — ამონიუმის გვარჯილა მოიპარეს, იუწყება საინფორმაციო სააგენტო Новости-Грузия შინაგან საქმეთა სამინისტროზე დაყრდნობით.
ქურდობის ფაქტი ორი დღის წინ აღმოაჩინეს, თუმცა ცნობილი ამის შესახებ ხუთშაბათს გახდა. როგორ გაქრა შვიდი ტონა სასუქი, უცნობია.
სისხლის სამართლის საქმე აღძრულია სსკ-ის მუხლით „ქურდობა", რაც ისჯება ჯარიმით, ან თავისუფლების შეზღუდვით ერთიდან სამ წლამდე, ან ამავე ვადით თავისუფლების აღკვეთით.
ამონიუმის გვარჯილა ყველაზე გავრცელებული აზოტის სასუქია (შეიცავს 34,7% აზოტს). ნივთიერებას სათანადო შენახვა ესაჭიროება — სპეციალურ ხის სადგამებზე, ჰერმეტულ ჭურჭელში. ის ფეთქებადსაშიშია. აუცილებელია ტექნიკური უსაფრთხოებისა და საწარმოო სანიტარიის დაცვა.
