თბილისი, 24 იანვარი — sputnik. თურქეთის ქალაქ მარმარისში, სარაიას რაიონში პროსტიტუციის ბრალდებით ხუთი ადამიანი დააკავეს, რომელთაგან სამი უცხოელი ქალბატონია, იტყობინება თურქული ინტერნეტ-გამოცემა aydindenge.
საინფორმაციო საშუალებების ცნობით, დაკავებულთაგან ერთ-ერთი 26 წლის ე.ნ. საქართველოს მოქალაქეა.
ასევე დაკავებული არიან 20 წლის რუსეთისა და 35 წლის უზბეკეთის მოქალაქეები.
ამასთან გამოცემა აღნიშნავს, რომ უზბეკეთის მოქალაქე მანამდე 7-ჯერ იყო დაკავებული პროსტიტუციისთვის და მართლმსაჯულებას თავი ჯარიმის გადახდით დააღწია.
თურქული მასმედიის ინფორმაციით, დაკავებულები საიმიგრაციო სამსახურს გადასცეს და მათ ქვეყნიდან დეპორტაცია ელოდებათ.
