თბილისი, 14 იანვარი — Sputnik. შინაგან საქმეთა სამინისტროს კახეთის პოლიციის დეპარტამენტის თანამშრომლებმა, ხე-ტყის უკანონოდ გადამუშავების ფაქტზე 1969 წელს დაბადებული ი.ჩ. ამხილეს, ნათქვამია უწყების პრესსამსახურის ვებგვერდზე გავრცელებულ განცხადებაში.
ახმეტის მუნიციპალიტეტის სოფელ პიტნიანში, ი.ჩ.-ს საამქროდან წიფლის ჯიშის ხის 5 მორი, 1,6 კუბური მეტრი დახერხილი ხის მასალა და 2,25 კუბური მეტრი დახერხილი ფიცარი ამოიღეს, ასევე, ამოღებულია სხვადასხვა სახის 5 სახერხი დაზგა, ნათქვამია განცხადებაში.
სისხლის სამართლის საქმე აღძრულია სსკ-ის 303-ე მუხლით (ხე-ბუჩქნარის უკანონოდ გაჩეხვა), რაც ჯარიმას ან სამ წლამდე ვადით თავისუფლების აღკვეთას ითვალისწინებს.
