თბილისი, 27 დეკემბერი — Sputnik. შინაგან საქმეთა სამინისტროს თანამშრომლებმა ქურდობის ბრალდებით 15 წლის მოზარდი თბილისში დააკავეს, ნათქვამია უწყების მიერ გავრცელებულ განცხადებაში.
გამოძიებით დადგინდა, რომ ბრალდებულმა ვაჟა-ფშაველას გამზირზე მდებარე მაღაზია გაქურდა. სამართალდამცველებმა მოპარული ნივთები ნივთმტკიცებად ამოიღეს. დაკავებულმა იმავე დღეს ჩადენილი ორი მაღაზიის გაქურდვის ფაქტიც აღიარა.
შსს-ს ინფორმაციით, 2003 წელს დაბადებული მოზარდი წარსულში ქურდობის ფაქტზე 27-ჯერ არის მხილებული და იგი პირობითი მსჯავრის ქვეშ იმყოფება,
გამოძიება მიმდინარეობს სსკ-ის 177-ე მუხლით, რაც გულისხმობს ქურდობას და ითვალისწინებს ოთხიდან შვიდ წლამდე ვადით თავისუფლების აღკვეთას.
