ქრთამის სახით 10 ათასი დოლარი: ზუგდიდში ჩინოვნიკი დააკავეს

© photo: Sputnik / Ilya Pitalevდაკავება
დაკავება - Sputnik საქართველო
გამოწერა
ბრალდებულმა უცხო ქვეყნის მოქალაქეს ზუგდიდში რესტორნის მშენებლობის ნებართვის გაცემისა და სამშენებლო პროექტის დამტკიცების სანაცვლოდ, ქრთამის სახით 20 000 აშშ დოლარი მოსთხოვა

თბილისი, 4 დეკემბერი — Sputnik. საქართველოს სახელმწიფო უსაფრთხოების სამსახურის (სუს-ი) თანამშრომლებმა დიდი ოდენობით ქრთამის აღების ფაქტზე ზუგდიდის მუნიციპალიტეტის მერიის ზედამხედველობისა და არქიტექტურის სამსახურის უფროსი სპეციალისტი რამაზ ბეჭვაია დააკავეს, ნათქვამია უწყების მიერ გავრცელებულ განცხადებაში.

დაკავება - Sputnik საქართველო
„წინასაახალწლო პრემია“ 8 ათასი ლარი: ფოთის მერიის აპარატის თანამშრომელი დააკავეს

გამოძიებით დადგინდა, რომ ბრალდებულმა უცხო ქვეყნის მოქალაქეს, ზუგდიდში რესტორნის მშენებლობის ნებართვის გაცემისა და სამშენებლო პროექტის დამტკიცების სანაცვლოდ, ქრთამის სახით 20 000 აშშ დოლარი მოსთხოვა.

სუს-ის ინფორმაციით, ანტიკორუფციული სააგენტოს თანამშრომლებმა მიმდინარე წლის 30 ნოემბერს ბრალდებული მას შემდეგ დააკავეს, რაც მან წინასწარ აიღო მოთხოვნილი თანხის ნაწილი — 10 000 აშშ დოლარი.

„ვადასტურებ, რომ დაკავებულია ზუგდიდის მერიის ზედამხედველობისა და არქიტექტურის სამსახურის ერთ-ერთი თანამშრომელი. მიმდინარეობს გამოძიება, დამატებით ინფორმაციას არ ვფლობთ… თუმცა აქვე აღვნიშნავთ, რომ ნებისმიერი გადაცდომა იქნება კანონის შესაბამისად უმკაცრესად დასჯილი", — განაცხადა „Sputnik — საქართველოსთან“ ზუგდიდის მუნიციპალიტეტის მერიის საზოგადოებასთან ურთიერთობის სამსახურის უფროსმა მაგდალინა თოდუამ.

გამოძიება საქართველოს სსკ-ის 338-ე მუხლის მე-3 ნაწილით მიმდინარეობს, რაც განსაკუთრებით დიდი ოდენობით ქრთამის აღებას გულისხმობს და ითვალისწინებს თავისუფლების აღკვეთას 11-დან 15 —წლამდე ვადით.

შოთა ნოზაძე

ყველა ახალი ამბავი
0