დაკავება

თბილისში სისხლიანი გარჩევის საქმეზე კიდევ სამი ადამიანი დააკავეს

265
(განახლებულია 17:08 04.12.2017)
სკოლის მოსწავლეებს შორის საქმის გარჩევა პარასკევს მოხდა, რის შედეგადაც დანით მძიმე ჭრილობები მიიღეს 16 წლის მოზარდებმა - ლევან დადუნაშვილმა და დავით სალარიძემ. დადუნაშვილი საავადმყოფოში მიყვანამდე გარდაიცვალა, სარალიძეკი ერთი დღის შემდეგ, რეანიმაციულ განყოფილებაში.

თბილისი, 4 დეკემბერი — Sputnik. საქართველოს შსს-ს თანამშრომლებმა ხორავას ქუჩაზე ორი არასრულწლოვანის მკვლელობის ფაქტთან დაკავშირებით კიდევ სამი ადამიანი დააკავეს, ნათქვამია უწყების მიერ გავრცელებულ განცხადებაში.

სკოლის მოსწავლეებს შორის საქმის გარჩევა პარასკევს მოხდა, რის შედეგადაც დანით მძიმე ჭრილობები მიიღეს 16 წლის მოზარდებმა — ლევან დადუნაშვილმა და დავით სალარიძემ. დადუნაშვილი საავადმყოფოში მიყვანამდე გარდაიცვალა, სარალიძე კი მომხდარიდან ერთი დღის შემდეგ, რეანიმაციულ განყოფილებაში.

გამოძიების მტკიცებით, საქართველოს მოქალაქე თ.კ-მ იცოდა, რომ 16 წლის მოზარდმა მძიმე დანაშაული ჩაიდინა, თუმცა, ამის შესახებ არ განაცხადა. ის დანაშაულის დამალვისათვის დააკავეს. გარდა ამისა, დანაშაულის შესახებ იცოდნენ მისმა შვილებმაც ლ.კ-მ და მ.კ-მ. მათი დაკავების შესახებ ინფორმაცია არ ვრცელდება, მიმდინარეობს საგამოძიებო მოქმედებები. შსს-ში არ გამორიცხავენ, რომ შესაძლოა, გაიზარდოს დანაშაულის დაფარვისა და შეუტყობინებლობისთვის სისხლის სამართლის პასუხისგებაში მისაცემ პირთა წრე.

გარდა ამისა, გამოძიებამ დაადგინა, რომ მოქალაქეებმა — გ.შ-მ და ზ.წ.-მ ხელი შეუწყვეს სარალიძის მკვლელობაში ეჭვმიტანილის მიმალვას. შესაბამისად, მოქალაქეები გ.შ. და ზ.წ. დაკავებული არიან დანაშაულის დაფარვისთვის.

დანაშულიდან რამდენიმე საათის შემდეგ, სამართალდამცველებმა 2001 წელს დაბადებული ერთი პირის დაკავება შეძლეს. გამოძიებით დადგინდა, რომ ახალგაზრდებს შორის კამათი სისხლიან გარჩევაში გადაიზარდა, რა დროსაც არასრულწლოვანმა თანატოლს მრავლობითი ჭრილობა მიაყენა და შემთხვევის ადგილიდან მიიმალა. გარდა ამისა, კიდევ ერთი ბრალდებული, ასევე არასრულწლოვანი, მიმალვაშია.

265
თეგი:
შს სამინისტრო
თემები:
სისხლიანი გარჩევა მოზარდებს შორის (32)
საბერძნეთის პოლიცია

საქართველოს მოქალაქემ საბერძნეთის იზოლატორში თავი მოიკლა

113
(განახლებულია 16:08 29.05.2020)
ქალაქ ალექსანდრუპოლისის პოლიციის განყოფილების იზოლატორში 46 წლის ქართველი მამაკაცი უგონო მდგომარეობაში იპოვეს.

თბილისი, 29 მაისი — Sputnik. ტრეფიკინგში ბრალდებულმა საქართველოს მოქალაქემ საბერძნეთში დროებითი დაკავების იზოლატორში თავი მოიკლა, იუწყება ქართული მასმედია ბერძნული მედიასაშუალებების ინფორმაციაზე დაყრდნობით.

გავრცელებული ინფორმაციით, 46 წლის ქართველი მამაკაცი ქალაქ ალექსანდრუპოლისის პოლიციის განყოფილების იზოლატორში უგონო მდგომარეობაში იპოვეს.

საქართველოს საგარეო საქმეთა სამინისტროში აცხადებენ, რომ მიმდინარეობს ცხედრის ექსპერტიზა, იუწყება ტელეკომპანია Imedi.

„სალონიკში საქართველოს საკონსულოში შესულია ოფიციალური შეტყობინება, მიმდინარეობს ცხედრის ექსპერტიზა. საკონსულო მუდმივ კონტაქტზეა გარდაცვლილის ოჯახის წევრებთან“, – აღნიშნეს საგარეო უწყებაში.

რა გახდა თვითმკვლელობის მიზეზი, ჯერჯერობით უცნობია.

113
თემები:
შემთხვევები საქართველოში
პოლიცია ბათუმში

შსს-მ ბათუმში მომხდარ არეულობასთან დაკავშირებით ინციდენტის ვიდეოჩანაწერი გაავრცელა

176
(განახლებულია 20:54 27.05.2020)
რევაზ წულუკიძისა და ელდარ ანთაძის გათავისუფლების მოთხოვნით გამართულ აქციაზე ბათუმში პოლიციამ 30 პირი დააკავა

თბილისი, 27 მაისი - Sputnik. შინაგან საქმეთა სამინისტრო ასაჯაროებს კადრებს, სადაც ასახულია ხულიგნობის ფაქტი, რის საფუძველზეც ბათუმში სამართალდამცველებმა ორი პირი დააკავეს, ხოლო ოთხ პირს წარედგინა ბრალდება, ნათქვამია უწყების მიერ გავრცელებულ განცხადებაში.

არსებული ინფორმაციით, მიმდინარე წლის შვიდ მაისს, აჭარის პოლიციის დეპარტამენტის თანამშრომლებმა ბათუმში ორი პირი დააკავეს, ხოლო ოთხ პირს წარედგინა ბრალდება, სსკ-ის 239-ე მუხლით. დაკავებულები ამ დროისთვის იმყოფებიან წინასწარ პატიმრობაში.

საუბარია რევაზ წულუკიძესა და ელდარ ანთაძეზე, სწორედ მათ გათავისუფლებას ითხოვდნენ დღეს გამართულ საპროტესტო აქციაზე.

დაკავებულების ოჯახის წევრებმა და ახლობლებმა, ბრალდებულების გათავისუფლების მოთხოვნით, ბათუმში საპროტესტო აქცია გამართეს და ცენტრალური გზის გადაკეტვა სცადეს. პოლიციის არაერთი კანონიერი მოთხოვნის მიუხედავად, აქციის მონაწილეებმა განაგრძეს საზოგადოებრივი წესრიგის დაარღვევა და ძალადობრივი მეთოდებით შეეცადნენ გზის გადაკეტვას.

ბათუმში მიმდინარე აქციის დროს, ადმინისტრაციულ სამართალდარღვევათა კოდექსის 173-ე და 166-ე მუხლებით გათვალისწინებული სამართალდარღვევებისთვის სულ დაკავებულია 30 პირი, რაც გულისხმობს სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობას და წვრილმან ხულიგნობას.

რეზო წულუკიძისა და ელდარ ანთაძის ოჯახის წევრები მიიჩნევენ, რომ ისინი უკანონოდ არიან დაკავებულები და მათ გათავისუფლებას მოითხოვენ. ამავე მოთხოვნით ისინი 8 მაისსაც შეიკრიბნენ აჭარის მთავრობის სახლთან და აქცია გამართეს, სადაც პოლიციისთვის წინააღმდეგობის გაწევის გამო ოთხი პირი ადმინისტრაციული წესით დააკავეს. წულუკიძესა და ანთაძეს ბრალი ჯგუფურ ხულიგნობაში ედებათ.

176
თემები:
შემთხვევები საქართველოში
მომღერალი მარკუს მეტრეველი პირველ სამოდელო კოლექციას ამზადებს

„ძალიან მძიმეა, როდესაც შვილების დედა, აბსურდულ ბრალდებას გიყენებს“ - მარკუს მეტრეველი

0
(განახლებულია 14:51 30.05.2020)
მარკუსის წინააღმდეგ, მისი ყოფილი მეუღლე და ორი ვაჟის დედა არა ერთხელ გამოსულა. ისინი ერთმანეთს თოქ-შოუებშიც დაუპირისპირდნენ

„რთულია სხვის პირად ცხოვრებაზე კომენტარის გაკეთება. თუმცა მსგავსი ფაქტი , ჩემს წარსულ პირად ცხოვრებაზე გამახსენდა და პარალელს ვავლებ! ძალიან მძიმეა, როდესაც ყოფილი “მეუღლე” და შვილების დედა, აბსურდულ ბრალდებას გიყენებს ძალადობაზე და ფიზიკურ შეურაცხყოფაზე! მე ყველაზე კარგად მესმის და ვიცი რა დონის ზიანი შეიძლება მოგაყენოს გამწარებულმა ქალმა. ისიც ვიცი, თუ რა რთულია ამ ბრალდების მიღება და გადატანა მშვიდად ისე, რომ არ გამოხვიდე წყობიდან და თავი ხელში აიყვანო…”-  ასე ეხმაურება მარკუს მეტრეველი ქართველი ჩოგბურთელის გარშემო ატეხილ სკანდალს. ეპატაჟურმა მომღერალმა იგივე გზა გამოიარა, რასაც ახლა ნიკოლოზი გადის. მარკუსის წინააღმდეგ, მისი ყოფილი მეუღლე და ორი ვაჟის დედა არა ერთხელ გამოსულა. ისინი ერთმანეთს თოქ-შოუებშიც დაუპირისპირდნენ. ბევრი მცდელობის მიუხედავად, მარკუსსა და მის ყოფილ ცოლს შორის ურთიერთობა დღემდე არ დალაგებულა. მარკუსის ყოფილი ცოლი ჟურნალისტი ლალი ქურდაძეა.

View this post on Instagram

🆘ჩემი მხარდაჭერა და სოლოდარობა ნიკოლოზ ბასილაშვილს ✊🙏 🔺რთულია სხვის პირად ცხოვრებაზე კომენტარის გაკეთება.თუმცა მსგავსი ფაქტი , ჩემს წარსულ პირად ცხოვრებაზე გამახსენდა და პარალელს ვავლებ .. !!! 🔺ძალიან მძიმეა როდესაც ყოფილი “მეუღლე” და შვილების დედა, აბსურდულ ბრალდებას გიყენებს ძალადობაზე და ფიზიკურ შეურაცხყოფაზე!! 🔺მე ყველაზე კარგად მესმის და ვიცი რა დონის ზიანი შეიძლება მოგაყენოს გამწარებულმა ქალმა. ისიც ვიცი თუ რა რთულია ამ ბრალდების მიღება და გადატანა მშვიდად ისე რომ არ გამოხვიდე წყობიდან და თავი ხელში აიყვანო.. 🔺მე მესმის რომ ხალხიც გააღიზიანა ამ ფაქტმა მაგრამ ესე ერთი ხელის მოსმით ნუ აკეთებთ დასკვნებს და შეურაცხყოფილ კომენტარებს ნუ წერთ ადამიანზე რომელმლაც არაერთხელ ასახელა საქართველო!!! 🔺მჯერა რომ ნიკოლოზი თავს გაართმევს ამ სირთულეს და გადალახავს ამ პრობლემასაც ისე ლოიალურად რომ არცერთი მხარე არ დაზარალდეს!!!! 🔺მე მჯერა იმის რომ ნიკა ქალს ფიზიკურად არ გაუსწორდებოდა, მითუმეტეს შვილის თანდასწრებით. რასაკვირველია ქალის პოზიციაც მესმის და შეიძლება დიდი სტრესის ფონზე ისეთი ჩვენება მისცა რომ მორალური ზიანი მიეყენებინა ნიკასთვის. 🔺მჯერა რომ ამ ეტაპზე ვერ ხვდება მისი ყოფილი მეუღლე თუ რა დონის ზიანი მიაყენა ნიკოლოზს მაგრამ გავა დრო და დარწმუნებული ვარ რომ ინანებს ... 🔺მე გულით ვუსურვებ ორივე მხარეს მშვიდობას და იმედია გაითვალისწინებენ რომ ბავშვი იზრდება და სამომავლოდ არც დედის და არც მამის მიმართ გასროლილი ტალახი მისთვის ადვილი გადასატანი არ იქნება .მშვიდობა ორივე მხარეს და წარმატებები ნიკოლოზს @nikolozbasilashvili ♥️✊🙏

A post shared by MARCUS METREVELI (@marcus_metreveli) on

„მე მჯერა იმის რომ ნიკა ქალს ფიზიკურად არ გაუსწორდებოდა, მით უმეტეს შვილის თანდასწრებით. რასაკვირველია, ქალის პოზიციაც მესმის და შეიძლება დიდი სტრესის ფონზე, ისეთი ჩვენება მისცა, რომ მორალური ზიანი მიეყენებინა ნიკასთვის,“- ამ სიტყვებით ცდილობს მარკუსი საზოგადოების სიტუაციაში გარკვევას. ცნობილი მომღერალი მარკუს მეტრეველი პროფესიით ბერძნული ენის ფილოლოგია. მისი ცხოვრება არასდროს ყოფილა სკანდალების გარეშე. მეუღლე და ორი ვაჟი, 20 წლით უფროსი მდიდარი ქალბატონები, მისი ორიენტაცია, საქმიანობა და ფოტოსესიებიც კი, საზოგადოებას დიდი ხნის მანძილზე არ ავიწყდება.

View this post on Instagram

#საბადურისტყე🍁🍂🌲🌳

A post shared by MARCUS METREVELI (@marcus_metreveli) on

გარდა იმისა, რომ მუსიკალური კარიერა ადრეული ასაკიდან საბერძნეთში დაიწყო, მხოლოდ ერთ პროფესიას არ ჰკიდებს ხელს. მარკუს მეტრეველმა სამოდელო სფეროშიც წარმატებით სცადა თავი და დიზაინერობაც დაიწყო. მომღერალ მარკუს მეტრეველს მდიდრულად ჩაცმა-დახურვა და მოგზაურობა ძალიან უყვარს. ყველგან და ყოველთვის, ნებისმიერ გაუგებარ სიტუაციასშიც კი საუკეთესოდ გამოიყურება. შესაბამისა,  მას ბევრი განიხილავს, ზოგი კრიტიკულად, ზოგი აღფრთოვანებით.

0
თემები:
სელებრითების ცხოვრება