თბილისი, 24 სექტემბერი — Sputnik. თბილისში, ვარდების მოედანზე, სასტუმრო „რედისონის" წინ, მსუბუქი ავტომანქანა და მუნიციპალური ავტობუსი ერთმანეთს დღეს შეეჯახნენ.
ავტობუსის და მსუბუქი ავტომობილის შეჯახების შედეგად არავინ დაშავებულა, განუცხადეს „Sputnik-საქართველოს" შინაგან საქმეთა სამინსიტროს პრესსამსახურში.
როგორც შსს-ში აღნიშნეს, ავტომობილები ერთმანეთს მსუბუქად შეეჯახნენ. საქმის მოკვლევა ადმინისტრაციულ სამართალდარღვევათა კოდექსით დაიწყო. დამნაშავე მძღოლი კოდექსით გათვალისწინებულ ჯარიმას გადაიხდის.