თელავის საკრებულოს წევრი ქრთამის აღების ფაქტზე დააკავეს

CC BY-SA 2.0 / Keith Allison / handcuffsეჭვმიტანილის დაკავება
ეჭვმიტანილის დაკავება - Sputnik საქართველო
გამოწერა
თელავის მუნიციპალიტეტის ჩინოვნიკს 15 000 აშშ დოლარის ქრთამის აღებისთვის 11-დან 15 წლამდე პატიმრობა ემუქრება.

თბილისი, 21 ივლისი — Sputnik. სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა თელავის მუნიციპალიტეტის საკრებულოს წევრი ზაზა ზაზაშვილი ქრთამის აღების ფაქტზე დააკავეს, ნათქვამია სუს-ის ვებ-გვერდზე გამოქვეყნებულ განცხადებაში.

"გამოძიებამ დაადგინა, რომ ზაზა ზაზაშვილი უცხო ქვეყნის მოქალაქეს თელავის მუნიციპალიტეტის სოფელ ვარდისუბანში მდებარე არასასოფლო-სამეურნეო დანიშნულების მიწის ნაკვეთის რეალურ ღირებულებაზე ნაკლებ ფასად აუქციონზე გატანას და აღნიშნულ აუქციონში გამარჯვებაში დახმარებას დაჰპირდა, რის სანაცვლოდაც ქრთამის სახით მოსთხოვა 30 000 აშშ დოლარის გადახდა", — ნათქვამია განცხადებაში.

ოთარ აბესაძე - Sputnik საქართველო
თბილისის მერიის თანამშრომელი ქრთამის აღების ფაქტზე დააკავეს

ზაზაშვილი დააკავეს, როდესაც უცხო ქვეყნის მოქალაქემ მას ანგარიშზე თანხის ნაწილი — 15 000 აშშ დოლარი გადაურიცხა.

გამოძიება განსაკუთრებით დიდი ოდენობით ქრთამის აღების ფაქტზე მიმდინარეობს (საქართველოს სსკ-ის 338-ე მუხლი). ბრალის დამტკიცების შემთხვევაში საკრებულოს დეპუტატს 11-დან 15 წლამდე პატიმრობა ემუქრება.

ზაზა ზაზაშვილი საკრებულოს საკუთრების უფლების აღიარებაზე უფლებამოსილი კომისიის თავმჯდომარეა. საკრებულოში ის დამოუკიდებელი კანდიდატის სტატუსით გავიდა, როდესაც ხელისუფლების ადგილობრივი ორგანოების არჩევნებში სოფელ რუისში გაიმარჯვა.

ყველა ახალი ამბავი
0