თბილისი, 23 აპრილი — Sputnik. გონიოში ძლიერმა ქარმა საპატრული პოლიციის შენობის მიმდებარე ტერიტორიაზე საცხოვრებელ სახლს სახურავი გადახადა, იუწყება ტელეკომპანია "Imedi".
შემთხვევის შედეგად იქვე მდგომი ავტომობილები დააზიანა. მათ შორის ერთი მანქანა საპატრული პოლიციის ეკიპაჟს ეკუთვნის.
როგორც თვითმხილველები აცხადებენ ჯამში სულ 6 მანქანა დაზიანდა.
ადგილობრივები ზარალის ანაზღაურებასა და შენობის გადახურვას ითხოვენ.
ძლიერმა ქარმა გონიოში ერთ-ერთი სკოლაც დააზიანა – სახურავი გადახადა. შემთხვევის ადგილებზე სამაშველო სამსახურის თანამშრომლები არიან მობილიზებული.
