თბილისი, 25 თებერვალი — Sputnik. საქართველოს ფინანსთა სამინისტროს საგამოძიებო სამსახურმა თამბაქოს ნაწარმის აქციზური მარკის გარეშე რეალიზაციის ფაქტზე სამი პირი დააკავა, ნათქვამია უწყების მიერ გავრცელებულ განცხადებაში.
გამოძიებით დადგინდა, რომ ბრალდებულებმა მოახდინეს დიდი ოდენობით სომხური წარმოების უაქციზო სიგარეტის,,BLACK TIP’’-ის რეალიზაცია.
საგამოძიებო სამსახურმა ბრალდებულები უაქციზო სიგარეტის რეალიზაციის ფაქტზე დააკავა.
გამოძიება საქართველოს სისხლის სამართლის კოდექსის მე-200 მუხლით მიმდინარობს, რაც სასჯელის სახით ითვალისწინებს თავისუფლების აღკვეთას 4-დან 6 წლამდე ვადით.
