თბილისი, 20 თებერვალი — Sputnik. თბილისის საკრებულოს თანამშრომლების ევაკუაცია მოხდა მას შემდეგ, რაც შენობის სახურავს ხანძარი გაუჩნდა, იუწყება საინფორმაციო სააგენტო Новости-Грузия უწყების პრეს-სამსახურზე დაყრდნობით.
ადგილზე ცხრა სახანძრო ბრიგადაა მობილიზებული.
„ამჟამად არსებული ინფორმაციით, ცეცხლი საკვამლე მილშია. ადგილზე ცხრა მანქანა მუშაობს. ინფორმაცია რამდენიმე წუთის წინ შემოვიდა. მიდის ლოკალიზების სამუშაო“, — განაცხადა საგანგებო სიტუაციების მართვის სააგენტოს პრეს-სამსახურის თანამშრომელმა ანა ფილაურმა.