თბილისი, 16 იანვარი – Sputnik. საქართველოს შინაგან საქმეთა სამინისტროს თანამშრომლებმა თბილისში მკვლელობის ბრალდებით 49 წლის მამაკაცი დააპატიმრეს, ნათქვამია უწყების მიერ გავრცელებულ განცხადებაში.
პოლიციის მონაცემებით, ბრალდებულმა ორშაბათს, 16 იანვარს ალექსეევკის დასახლებაში ურთიერთშელაპარაკების ნიადაგზე ცივი იარაღით 62 წლის ნაცნობი სასიკვდილოდ დაჭრა, რომელიც შემთხვევის ადგილზე გარდაიცვალა. მკვლელობას წინ უძღოდა აღნიშნულ პირებს შორის ჩხუბი.
სამართალდამცველებმა დამნაშავე მომხდარი ფაქტიდან რამდენიმე საათის შემდეგ დააკავეს. მკვლელობის იარაღი ნივთმტკიცების სახით ამოღებულია.
სისხლის სამართლის საქმე „განზრახ მკვლელობის“ მუხლითაა აღძრული, რაც 7-დან 15 წლამდე ვადით თავისუფლების აღკვეთას ითვალისწინებს.
