ქართველმა მესაზღვრეებმა კონფლიქტის ზონაში კანონის დარღვევით ყოფნის გამო რუსეთის ფედერაციის მოქალაქე დააკავეს

გამოწერა
სასაზღვრო პოლიციის მეორე სამმართველოს თანამშრომლებმა საგამოძიებო-ოპერატიული ღონისძიებების შედეგად რუსეთის მოქალაქე მამუკა ბერულავა დააკავეს.

თბილისი, 22 სექტემბერი - ”ახალი ამბები - საქართველო”, ნატალია სმოლნიკოვა. სასაზღვრო პოლიციის მეორე სამმართველოს თანამშრომლებმა საგამოძიებო-ოპერატიული ღონისძიებების შედეგად რუსეთის მოქალაქე მამუკა ბერულავა დააკავეს, იუწყება ოთხშაბათს საქართველოს სასაზღვრო პოლიციის პრეს-სამსახური.

მამუკა ბერულავა მესაზღვრეებმა საქართველოს ოკუპირებულ ტერიტორიაზე - აფხაზეთში შესვლის წესების დარღვევის გამო დააკავეს.

ფაქტთან დაკავშირებით აღიძრა სისხლის სამართლის საქმე საქართველოს სისხლის სამართლის კოდექსის 322-ე მუხლის მიხედვით - ”უცხო ქვეყნის მოქალაქის ან მოქალაქეობის არმქონე პირის ოკუპირებულ ტერიტორიებზე შესვლა „ოკუპირებული ტერიტორიების შესახებ“ საქართველოს კანონით დადგენილი წესის დარღვევით”. 

ეს დარღვევა ისჯება ჯარიმით ან თავისუფლების აღკვეთით ვადით ორიდან ოთხ წლამდე.

ყველა ახალი ამბავი
0