მაკარონის უჩვეულო კერძი: დეტალური რეცეპტი ვიდეო-განმარტებით
(განახლებულია 17:54 06.04.2021)
ჩვეულებრივად მოხარშული მაკარონი მხოლოდ გარნირად თუ გამოდგება, მაგრამ საკმარისია, ის ჩვენ მიერ შემოთავაზებული რეცეპტით მოამზადოთ, რომ სარესტორნე კერძად იქცეს.
უჩვეულო რეცეპტისთვის ბევრი ინგრედიენტი არ დაგჭირდებათ. კერძი საკმაოდ მარტივია და ცოტა კომპონენტებს შეიცავს.
გემრიელი და უჩვეულო კერძების სხვა რეცეპტები შეგიძლიათ ნახოთ აქ:
ესენია:
- მაკარონი — 200 გ;
- მდნარი ყველის მთლიანი ბრიკეტი;
- რძე — 500 მლ;
- ზეთი, მარილი, ორეგანო და ნივრის ფხვნილი — გემოვნებით.
მომზადების წესი
გააცხელეთ ტაფა, მოასხით ზეთი და დაყარეთ ზედ მშრალი მაკარონი. მოხალეთ ის დაახლოებით ორი–სამი–წუთის განმავლობაში.
შემდეგ ტაფის შუაში, მაკარონების ზემოდან, დადეთ მდნარი ყველი ბრიკეტი და დაასხით რძე.
ამ ყველაფერს ზემოდან მოაყარეთ მარილი, ორეგანო და ნივრის ფხვნილი. არ მოურიოთ.
დაახურეთ ტაფას ხუფი და დატოვეთ დაბალ ცეცხლზე დაახლოებით 10–15 წუთის (ან ცოტა მეტი ხნის) განმავლობაში.
მომზადების პროცესში, როდესაც ყველი კარგად დარბილდება, ფაქიზად და საგულაგულოდ ამოურიეთ კერძს.
როდესაც მაკარონი ბოლომდე შეიწოვს რძეს და ყველიც ბოლომდე გადნება, კერძი მზადაა.
სუფრაზე მიტანამდე მოაყარეთ მას ცოტა დაჭრილი რეჰანი. ამგვარად მომზადებულ მაკარონს სხვებზე მეტად ეს მწვანილი უხდება.
გემრიელად მიირთვით!
თემები:
კვერცხიანი პომიდვრის უჩვეულო რეცეპტი: დეტალური ვიდეოაღწერა
(განახლებულია 14:32 14.04.2021)
კვერცხისა და პომიდვრისგან არაერთი კერძის მომზადება შეიძლება, მაგრამ რეცეპტი, რომელსაც ქვემოთ გაგაცნობთ, სრულიად განსხვავდება ყველა სხვა დანარჩენისგან.
თქვენ დაგჭირდებათ:
- პომიდორი — სასურველი რაოდენობით,
- კვერცხი — იმდენი, რამდენ პომიდორსაც შეარჩევთ;
- ყველი — თითო პომიდორზე საშუალოდ 30 გრამის გათვლით.
- მარილი, ორეგანო და სხვა სუნელები თქვენი გემოვნების მიხედვით;
- ზეითუნის ზეთი.
მომზადების წესი
აიღეთ პომიდვრები და მოაჭერით თავები, შემდეგ კი კოვზით ფაქიზად ამოუღეთ გულები. მოჭრილი თავები არ გადაყაროთ;
ჩაასხით სათითაოდ ყველა პომიდორში ცოტა ზეითუნის ზეთი და ჩაუშვით კვერცხი;
მოაყარეთ მარილი, შერჩეული სუნელები და ფრთხილად მოურიეთ კვერცხს კოვზით;
შემდეგ მოაყარეთ გახეხილი ყველი და პომიდვრებს დაახურეთ მოჭრილი თავები. უკეთ დასამაგრებლად შეგიძლიათ კბილის ჩხირები გამოიყენოთ;
მოაფინეთ ჰაერღუმლის ტაფას ფოლგა და დაალაგეთ ზედ პომიდვრები. შედგით 170 გრადუსამდე წინასწარ გახურებულ ღუმელში და დატოვეთ დაახლოებით 10 წუთის განმავლობაში.
როცა კერძი მზად იქნება, ამას თვალით შეატყობთ.
გამოიღეთ ღუმლიდან და გემრიელად მიირთვით!
თემები:
არომატული სუპი მაკაოდან: სოპა–ალენტეჟანა — დეტალური რეცეპტი
(განახლებულია 18:36 31.03.2021)
ეს უგემრიელესი და არომატული სქელი წვნიანი მაკაოს სამზარეულოს ერთ–ერთი ყველაზე პოპულარუალი სუპია ის მარტივად მზადდება ყველასათვის ხელმისაწვდომი პროდუქტებისგან და ჯანსაღი კვების ჩამონათვალში შედის.
სხვა გემრიელი და ორიგინალური რეცეპტები შეგიზლიათ იხილოთ აქ:
სოპა–ალენტეჟანას (იგივე სოპა-ალენტელიანას) მოსამზადებლად თქვენ დაგჭირდებათ:
- ქათმის ხორცი — 300 გ;
- ქათმის ბულიონი — 1,5 ლ;
- ტკბილი (ბულგარული) წიწაკა — ერთი ცალი;
- ათქვეფილი კვერცხი — ერთი ცალი;
- ნიორი — შვიდი კბილი (შეგიძლიათ გათვალოთ თქვენს გემოვნებაზე);
- ხმელი პურის კუბები — 250 გ;
- მწარე წიწაკა — საშუალო ზომის, ერთი ცალი;
- ქინძი და შავი პილპილი — გემოვნებით;
- ზეითუნის ზეთი — საჭიროებისამებრ.
მომზადების წესი
კარგად გარეცხილი ქათმის ხორცი მოხარშეთ მცირედ დამარილებულ წყალში — დაფნის ფოთლით, შავი და სურნელოვანი პილპილის მარცვლებით;
მოხარშული ხორცი დაჭერით წვრილად;
მწარე და ტკბილ წიწაკებს მოაშორეთ თესლები და თეთრი რბილობი და დაჭერით შეძლებისდაგვარად წვრილად. შეგიძლიათ დააბლენდეროთ;
დაჭრილი წიწაკას მოასხით ზეითუნის ზეთი, დაამატეთ წვრილად დაჭრილი (დანაყილი) ნიორი, დაფქული შავი პილპილი და ქინძი;
შემდეგ ეს ნარევი სქელძირიანი ქვაბში მოათავსეთ და შუშეთ მანამ, სანამ ნიორი და ქინძი ინტენსიურ არომატს არ გამოუშვებს;
ამის შემდეგ დაასხით ქათმის ბულიონი და მიყვანეთ ადუღებამდე;
ავარული პანკ-ჩურპა: გამაჯანსაღებელი და გემრიელი წვნიანი დაღესტნის მთებიდან>>
ცეცხლიდან გადმოდგმამდე ერთი წუთით ადრე წვენში წვრილ ნაკადად ჩაასხით კარგად ათქვეფილი კვერცხი, თან განუწყვეტლივ ურიეთ, რათა არ კორკოშელებად არ შეიკრას. თუმცა შეგიძლიათ რამდენიმე კვერცხი მთლიანად, აუთქვეფლად ჩაახალოთ სუპს და ისე ჩახარშოთ შიგ.
როცა სუპი მზად იქნება, დაამატეთ მას ხმელი პურის კუბები, მოხარშული და წვრილად დაჭრილი ქათამი და მიიტანეთ სუფრაზე.
გემრიელად მიირთვით!
თემები:
ფოთში სასწავლო პროცესი შეწყდა: სკოლები დისტანციურ რეჟიმზე გადავიდნენ
(განახლებულია 14:14 14.04.2021)
საქართველოში ბოლო 24 საათში გამოვლენილი კორონავირუსის 1.085 ახალი დადასტურებული შემთხვევიდან 120 სამეგრელო–ზემო სვანეთში დაფიქსირდათბილისი, 14 აპრილი - Sputnik. ფოთის მუნიციპალიტეტში გაზრდილი ინფიცირების შემთხვევის გამო, საჯარო და კერძო სკოლები სწავლების დისტანციურ რეჟიმზე გადავიდნენ, იუწყება პირველი არხი.
ფოთის რესურს–ცენტრის უფროსის გოჩა ქორქიას განცხადებით, ფოთის მასშტაბით 11 საჯარო და ოთხი კერძო სკოლა ონლაინ–ფორმატში ორი კვირის ვადით გააგრძელებს ფუნქციონირებას.
„აღნიშნული გადაწყვეტილება კორონავირუსის გავრცელების თავიდან აცილების მიზნით განხორციელდა. სასწავლო დაწესებულებებში კვლავაც გაგრძელდება პედაგოგთა ტესტირებები და სკოლის ადმინისტრაციები მოსწავლეთა ჯანმრთელობის მდგომარეობის მონიტორინგს განახორციელებენ“, – განაცხადა რესურს ცენტრის ხელმძღვანელმა, გოჩა ქორქიამ.
ქვეყნის მასშტაბით ინფიცირების მატების გამო საქართველოს განათლებისა და მეცნიერების სამინისტრო საზოგადოებას კიდევ ერთხელ მიმართავს თხოვნით, ზედმიწევნით დაიცვან ჯანდაცვის სამინისტროს მიერ შემუშავებული რეკომენდაციები, რათა მოსწავლეებმა სემესტრის დასრულება ბუნებრივ გარემოში, სასკოლო სივრცეში შეძლონ.
განათლების სამინისტროს ინფორმაციით, საქართველოში ამ ეტაპზე სრულ დისტანციურ სწავლებაზე 43 სკოლა და 174 ცალკეული კლასი იმყოფება.
თემები: