ფუნთუშა

დედოფლის საყვარელი დესერტი: სამეფო კარის შეფ-მზარეული ვიდეო-რეცეპტს გთავაზობთ

338
(განახლებულია 16:06 20.04.2020)
დედოფალ ელისაბედის ყოფილი შეფ-მზარეული მონარქის საყვარელი დესერტის რეცეპტს ამხელს, რომლის ინგრედიენტებიც ყველა ოჯახშია, ხოლო მომზადება - ძალიან მარტივი.

თბილისი, 20 აპრილი — Sputnik. დიდი ბრიტანეთის სამეფო სახლის ყოფილმა შეფ-მზარეულმა დარენ მაკგრედიმ, რომელიც 11 წელი ემსახურებოდა მონარქიულ ოჯახს, საკუთარ YouTube-არხზე დედოფალ ელისაბედ მეორის საყვარელი დესერტის English Tea Scones-ის რეცეპტი გაამხილა.  

ნუგბარი „დისნეილენდიდან“ - გამჟღავნდა Dole Whip-ის უმარტივესი რეცეპტი>>

საუბარია ჩაისთვის მისაყოლებელ ფუნთუშებზე, რომლის მოსამზადებლად დაგჭირდებათ:

  • ფქვილი — ჭიქის სამი მეოთხედი;
  • კარაქი — 100 გ;
  • შაქარი – ნახევარი ჭიქა;
  • საფუარი — სამი ჩაის კოვზი;
  • კვერცხი – ერთი ცალი;
  • რძე — ჭიქის სამი მეოთხედი;
  • კვერცხის გული — ერთი ცალი.

ინგრედიენტების რაოდენობა გათვლილია 16 ცალი ფუნთუშისთვის.

მომზადების წესი:

  • შეურიეთ ერთმანეთს ფქვილი, შაქარი, საფუარი და კარაქი. მიიღებთ მარცვლოვან მასას;
  • ამის შემდეგ ცომის ცენტრში გააკეთეთ ღრმული, ჩააგდეთ შიგ კვერცხი და ნელ–ნელა, მცირე დოზებით დაასხით რძე;
  • ეს ყველაფერი კარგად აზილეთ. მიღებული ცომი ჭურჭლის კედლებს იოლად უნდა სცილდებოდეს;
  • გააბრტყელეთ ცომი ფქვილმოყრილ ზედაპირზე — სისქე დაახლოებით 2 სმ–ს უნდა შეადგენდეს;
  • დაჭერით ცომი მრგვლად ნაჭრებად (შეგიძლიათ გამოიყენოთ ორცხობილის ფორმა ან ჭიქა);
  • დაალაგეთ ისინი ჰაერღუმლის ტაფაზე და მოუწვით ზემოდან გათქვეფილი კვერცხის გული;
  • გამოაცხვეთ ფუნთუშა 15–20 წუთის განმავლობაში 175 გრადუსზე, შემდეგ კი გაგრილება დააცადეთ.
  • ესაა და ეს, დედოფლის საყვარელი დესერტი მზადაა.

დარენ მაკგრედი განმარტავს, რომ გაგრილების შემდეგ შეგიძლიათ ფუნთუშა შუაზე გაჭრათ და, დედოფალ ელისაბედის მსგავსად, ერთ ნაწილზე კარაქი წაუსვათ, მეორეზე კი ჯემი და ისე მიირთვათ.

338
თემები:
გემრიელი სამზარეულო (90)
ტოსტი

განსაკუთრებული ტოსტი დისნეილენდის მზარეულებისგან: ვიდეო-რეცეპტი

284
(განახლებულია 19:09 22.04.2020)
დისნეილენდის მზარეულები განაგრძობენ კარანტინში მყოფი მკითხველების განებივრებას თავისი უნიკალური რეცეპტებით და ამჯერად უგემრიელეს საუზმეს გვთავაზობენ.

თემატური პარკის ოფიციალურ ვებ-გვერდზე გამოქვეყნდა ცნობილი საუზმის რეცეპტი — ფრანგული ბანანის ტოსტი შოკოლადითა და არაქისის კარაქით. 

მოსამზადებლად დაგჭირდებათ:

  • რბილი, ფუმფულა პურის 8 ნაჭერი (უმჯობესია ტრადიციული ებრაული პურის — ჰალას გამოყენება. სწორედ ჰალათი მზადდება საუკეთესო ფრანგული ტოსტები),
  • 2 მწიფე ბანანი,
  • 1/4 ჭიქა შოკოლადის ბურბუშელა,
  • ნახევარი ჭიქა არაქისის ნაღების კარაქი, 
  • 6 კვერცხი,
  • 3/4 ჭიქა უცხიმო შოკოლადის რძე,
  • 1 ჩ/კ დაფქვილი დარიჩინი,
  • 1/4 ჩ/კ მარილი.  

მომზადების წესი:

დიდ თასში მოათავსეთ 2-3 სმ ზომის კუბიკებად დაჭრილი პური, დაუმატეთ ბანანის ნაჭრები (დაახლოებით 1,5 სმ სისქისა) და შოკოლადის ბურბუშელა.

ცალკე შეურიეთ ერთმანეთს არაქისის კარაქი, კვერცხი, შოკოლადის რძე, დარიჩინი და მარილი ერთგვაროვანი მასის მიღებამდე.

ეს ნაზავი დაასხით პურსა და ბანანს და ორიოდე წუთით დააყოვნეთ, რათა კარგად გაიჟღინთოს.

შემდეგ ეს ყველაფერი გადაიტანეთ საცხობ ფირფიტაზე და აცხვეთ 35-40 წუთის განმავლობაში 175 გრადუსზე.

მზა ტოსტი შეგიძლიათ დანამოთ შოკოლადის სიროფით ან მორთოთ შაქრის პუდრით.

გემრიელად მიირთვით!

284
თემები:
გემრიელი სამზარეულო (90)
დისნეილენდის ნუგბარი Dole Whip

ნუგბარი „დისნეილენდიდან“ - გამჟღავნდა Dole Whip-ის უმარტივესი რეცეპტი

161
(განახლებულია 19:19 15.04.2020)
როგორც ირკვევა, ამ პოპულარული და უგემრიელესი დესერტის დამზადება არც რთულია და არც ბევრ ინგრედიენტს მოითხოვს. თანაც, ყველა პროდუქტი ხელმისაწვდომია.

თბილისი, 15 აპრილი — Sputnik. თუ „დისნეილენდში“ ყოფილხართ, მაშინ აუცილებლად გექნებათ დაგემოვნებული მაგიური ნუგბარი სახელწოდებით Dole Whip — გაყინული დესერტი, რომელიც მხოლოდ დისნეის თემატურ პარკებში იყიდება, წერს გამოცემა The Sun და მკითხველებს რეცეპტს სთავაზობს.

როგორც ირკევევა, ამ პოპულარული და უგემრიელესი დესერტის დამზადება არც რთულია და არც ბევრ ინგრედიენტს მოითხოვს. თანაც, ყველა პროდუქტი ხელმისაწვდომია.

თქვენ დაგჭირდებათ:

  • ვანილის ნაყინის მოზრდილი ბურთულა;
  • გაყინული ანანასის ნაჭრები — 250 გ;
  • ანანასის წვენი — 120 მლ.
  • შეგიძლიათ შეურიოთ ცოტა ლიმონისა და ლაიმის წვენიც.

ეს ყველაფერი მოათავსეთ ბლენდერში და ურიეთ მანამ, სანამ ერთგვაროვან მასას არ მიიღებთ.

მათთვის, ვისაც რძის ნაწარმი არ უყვარს, ან ალერგია აქვს მასზე, არსებობს Dole Whip-ის ალტერნატიული რეცეპტი:

  • ნაყინის ნაცვლად შეგიძლიათ გამოიყენოთ ორი ცალი ბანანი, ოღონდ ერთი ოთახის ტემპერატურისა, მეორე კი — გაყინული;
  • შაქრის პუდრი – გამოვნების მიხედვით — ნახევარი ჩაის კოვზიდან ორ კოვზამდე;
  • ქოქოსის რძე — ჭიქის მეოთხედი ან ნახევარი.

მომზადების წესი იგივეა — ბლენდერში კარგად გათქვეფა. 

ეს არის და ეს.

გემრიელად მიირთვით!

161
თემები:
გემრიელი სამზარეულო (90)
პეპელა

კვირის ასტროპროგნოზი: რას გვიმზადებენ ვარსკვლავები 1–7 ივნისის პერიოდში

0
(განახლებულია 22:16 31.05.2020)
ვარსკვლავებისა და პლანეტების ენერგეტიკა ამ კვირაში საკმაოდ ხელსაყრელია, ამიტომ თავისუფლად შეგიძლიათ შეუდგეთ მნიშვნელოვანი საქმეების გაკეთებას

ეცადეთ, მიჰყვეთ ასტროლოგების რჩევებს, რათა ზაფხულ პოზიტიური განწყობით დაიწყოთ. მთავარია, არ იზარმაცოთ და აპათიას  არ აჰყვეთ

ვერძი

იღბალი მუდამ თქვენ გვერდით იქნება, უბრალოდ, ხელი უნდა გაიწოდოთ, საკუთარ თავსა და საქმეებს სწორი იმპულსი მისცეთ. ენდეთ ინტუიციას და მიჰყევით მის ნაკარნახევ გზას. კარგი იქნება, თუ რამე ახალ საქმეს წამოიწყებთ ან სასიყვარულო სფეროში გააქტიურდებით.

ეცადეთ, არ აჰყვეთ ნეგატიურ განწყობას, მან პრობლემების ზრდის პროვოცირება შეიძლება გამოიწვიოს. არ „ჩაიციკლოთ უარყოფით მოგონებებზე ნაკლებად მოუსმინეთ ადამიანებ, რომლებიც ძაბავენ ვითარებას, სკეპტიციზმს ამჟღავნებენ და მუდამ „ცხვირჩამოშვებული“ არიან.

კურო

კვირის პირველ ნახევარში, შესაძლოა თქვენი განწყობა ძალიან შეირყეს. თავს შეგახსენებთ ნოსტალგია და სენტიმენტალიზმი. ეცადეთ, განდევნოთ ცუდი აზრები, აიმაღლოთ პროდუქტიულობა და წინსვლის სურვილი დაიბრუნოთ.

კვირის მეორე ნახევარი, 4–7 ივნისი პლანეტების ჰარმონიული ურთიერთმოქმედების ეგიდით ჩაივლის. ეს იქნება იდეალური დრო რომანტიკისთვის, საყვარელ ადამიანთან ურთიერთობებისთვის. მარტოხელებმა შეგიძლიათ, თამამად განაცხადოთ თქვენი გრძნობების შესახებ, თუმცა, სიფრთხილეც არ დაივიწყოთ, რათა ადამიანი, რომელიც მოგეწონათ, არ დააფრთხოთ.

ტყუპი

ტყუპებისთვის ხელსაყრელი პერიოდი იწყება, მაგრამ თუ შინაგან დემონებსა და ნეატოვს არ შეებრძოლებით, ყველაფერი კარგად ვერ წარიმართება. გაერკვიეთ თქვენს წყენებში, შურში, ბრაზში. რაც უფრო კარგ განწყობაზე იქნებით, მით უფრო მეტ წარმატებას მიაღწევთ სხვადასხვა სფეროში.

იქნება სტაბილური კვირა, თვითონ შეგიძლიათ შეარჩიოთ, დრო რას დაუთმოთ – მეტ მუშაობას თუ მეტ დასვენებას, თავად დაგეგმოთ თქვენი ცხოვრება სურვილის მიხედვით. ვარსკვლავები ქარიზმას შეგმატებენ, ამიტომ სიყვარულში უფრო გაგიმართლებთ, ვიდრე საქმეებში.

კირჩხიბი

კვირის პირველ ნახევარში ვარსკვლავები ძლიერ დისჰარმონიაში იქნებიან, რამაც თქვენში, შესაძლოა, მავნე ჩვევები გაააქტიუროს. 1 და 2 ივნისი ნეგატიური დღეებია, მაგრამ თუ ცუდზე არ იფიქრებთ, მიზნების მიღწევაში ვერაფერი შეგიშლით ხელს. არ იჩქაროთ დასკვნების გამოტანა და მნიშვნელოვანი გადაწყვეტილებების მიღება.

ოთხშაბათიდან ვარსკვლავების ენერგეტიკა მკვეთრად გაუმჯობესდება და შესაბამისად, თქვენი განწყობაც გამოკეთდება. შესაძლებელი გახდება, გაარკვიოთ საკუთარი დანიშნულება ცხოვრებაში, დაისახოთ მნიშვნელოვანი მიზნები შემდეგი რამდენიმე თვისთვის, გვერდი აუაროთ საშიშროებებს და დაივიწყოთ უსიამოვნო მოვლენები.

ლომი

ამ კვირაში თქვენთვის მხოლოდ ერთი დღე – 3 ივნისი შეიძლება იყოს საშიში და არაპროგნოზირებადი. ამ დღეს ვარსკვლავები დესტრუქციულ ენერგიას გამოასხივებენ, მაგრამ თუ რთულ სიტუაციებში ოპტიმიზმს შეინარჩუნებთ, თავდაჯერებულობა და იღბალი არ მიგატოვებთ.

კვირის მეორე ნახევარი იდეალურია სულიერი ძიებების, დასვენებისა და ღრმა თვითანალიზისთვის. უქმეები დინამიკური და არასტანდარტული გელოდებათ. შეიძლება ისე დასვენება, როგორზეც დიდი ხანია, ოცნებობდით, მაგრამ ვერ ახერხებდით. ირგვლივ მყოფები თქვენს განწყობაზე მნიშვნელოვან როლს შეასრულებენ.

ქალწული

ასტროლოგები ქალწულებს გირჩევენ, ყურადღებიანი იყოთ საყვარელი ადამიანების გრძნობებისა და აზრების მიმართ. არ ღირს ამ ადამიანების პროვოცირება ნეგატივზე, სჯობს, იზრუნოთ მათზე. ეს ყველაზე კარგად შეგიძლიათ, ასე რომ, ამ კვირაში იყავით ის, ვინც ხართ.

უქმეებზე გაგიჭირდებათ სულიერი ქაოსის, გაუგებრობებისა და მერყეობის თავიდან აცილება. შესაძლოა, დასვენება ან სახლში ფუსფუსი გჭირდებათ. წაგადგებათ საყვარელი ფილმის ყურება, წიგნის წაკითხვა, განმარტოება, ან, თუნდაც, საყვარელ მეგობრებთან დროსი გატარება.

სასწორი

ზაფხულის დასაწყისი თქვენთვის ხელსაყრელი დროა სასიყვარულო თავგადასავლებისთვის. იდეალური დროა მეორე ნახევრის მოსაძებნად, ფლირტისა და ხანმოკლე რომანებისთვის.

ვისაც ჰყავს პარტნიორი, სასურველია, მას მეტი დრო დაუთმოს, მაგრამ სამუშაოც არ დაივიწყოთ. ამ კვირაში მნიშვნელოვანი გადაწყვეტილებების მიღება მოგიწევთ, საჭიროა მხოლოდცოტაოდენი თავდაჯერებულობა და სითამამე.

მორიელი

მორიელებს ამ კვირაში საქმეებსა და ბიზნესში ძალიან გაგიმართლებთ. იდეალური დროა გარიგებების დადების, შეთანხმებებზე ხელმოწერის, სამუშაოს შეცვლისთვის... წარმატება ელოდება ასევე შემოქმედებით ადამიანებს. სიფრთხილე მართებს მათ, ვისაც ხშირად უწევს მივლინებებში წასვლა.

პარასკევსა და შაბათს, ვარსვლავებისა და პლანეტების „ხელშეწყობით“, შესაძლოა, თქვენი ნიშნისთვის ტიპური შეცდომები დაუშვათ. ამ დღეებში აჯობებს, თუ ნაკლებად იაქტიურებთ სამსახურში და მეტ დროს დაუთმობთ ოჯახს, მეგობრებს, სახლის საქმეებსა და დასვენებას.

მშვილდოსანი

ძალზე პოზიტიური პერიოდი გელოდებათ. ვარსკვლავები და პლანეტები ძალიან მშვიდი არიან, მათი ენერგია კი აღმშენებლობითია. შეგიძლიათ, ამბიციური გეგმები დაისახოთ. ვერავინ შეაჩერებს მოტივირებულ და პოზიტივით დამუხტულ მშვილდოსნებს.

ამ კვირაში შეგიძლიათ დაიმკვიდროთ თავი, აიმაღლოთ ავტორიტეტი გარემომყოფების თვალში. ასტროლოგები გირჩევენ, იყოთ მეტად მოქნილი და მზადმყოფნი იდეოლოგიის შეცვლისთვის. უნდა შეებრძოლოთ სიხარბესა და ეჭვიანობას – ეს უკან დაგხევთ და იღბალს დააფრთხობს.

თხის რქა

კვირის დასაწყისი ხელსაყრელი იქნება. პირველი ორი დღე სამუშაოსა და სახლის საქმეებს მიუძღვენით. გადადეთ გასართობი ღონისძიებები. ოთხშაბათიდან მოსალოდნელი მკვეთრი ცვლილებები და მოულოდნელი მოვლენები.

თუ საქმეებში არ გაგიმართლებთ, სიყვარულის სფეროზე გადაიტანეთ ყურადღება და პირიქით, ვისაც სიყვარულში გაუცრუვდება იმედები, მუშაობაზე გადაერთეთ. მთავარია, არ დაკარგოთ საკუთარი თავის რწმენა და ხელები არ ჩამოუშვათ, თუ რამე ისე არ წავა, როგორც დაგეგმილი გქონდათ. ასევე გაითვალისწინეთ, რომ არ ღირს საკუთარი გეგმების სხვებისთვის განდობა.

მერწყული

ძალზე ხელსაყრელი და პროდუქტიული პერიოდი გელოდებათ. ვარსკვლავები დაგეხმარებიან ოცნებების ახდენაში, მნიშვნელოვანი მიზნების მიღწევაში სიყვარულშიცა და სამუშაოზეც. ბევრი იფიქრეთ კარგზე და უკუაგდეთ ნეგატიური ფიქრები.

საქმეებშიცა და სასიყვარულო ფრონტზეც ეცადეთ, არ ითავხედოთ და არ იეშმაკოთ. ტყუილი კარგ არაფერს მოგიტანთ, ხოლო გულწრფელობა და პოზიტიური განწყობა დაგეხმარებათ მოტივაციის ამაღლებაში. იდეალური კვირაა ახალი ცოდნის მიღებისთვის.

თევზები

ეცადეთ, დაძლიოთ სტერეოტიპული აზროვნებისადმი სწრაფვა. ასტროლოგები გირჩევენ, ხშირად იფიქროთ საკუთარი თავით და დასკვნები არ გამოიტანოთ სხვისი სუბიექტური მოსაზრების საფუძველზე. ეცადეთ, ჭეშმარიტებას ჩაწვდეთ.

სიყვარულში იუმორის გრძნობა და ინტუიცია დაგეხმარებათ – მეექვსე გრძნობა ამ კვირაში საკმაოდ გამძაფრებული გექნებათ და დაგეხმარებათ სხვადასხვა პრობლემის გადაჭრაში. ასევე მოუსმინეთ უფროსი თაობის რჩევებს.

0