მოპედების მფლობელებს მალე მართვის მოწმობის აღება მოუწევთ: მინისტრის განმარტება

© photo: Sputnik / Stringerმოპედის მძღოლი
მოპედის მძღოლი - Sputnik საქართველო, 1920, 05.05.2021
გამოწერა
შინაგან საქმეთა მინისტრის თქმით, მოპედებით ავტოსაგზაო შემთხვევები ხშირად ხდება, მაგრამ ვიდეოკამერებით მათი გაკონტროლება ვერ ხერხდება.

თბილისი, 5 მაისი — Sputnik. საქართელოში უახლოეს ხანებში მოპედების დარეგისტრირება დაიწყება და მძღოლებს მართვის მოწმობის აღება მოუწევთ, იუწყება ტელეკომპანია „იმედი“ საქართველოს შინაგან საქმეთა მინისტრზე ვახტანგ გომელაურზე დაყრდნობით.

კურიერი მოპედით - Sputnik საქართველო, 1920, 22.02.2021
საქართველოში მოპედების მძღოლები გამოცდას ჩააბარებენ

მინისტრის განმარტებით, მოპედებით ავტოსაგზაო შემთხვევები ხშირია, თუმცა გზებზე დამონტაჟებული ვიდეოკამერებით მათი გაკონტროლება ვერ ხერხდება.

„მთავარი პრობლემა არის, რომ ვერ ხდება მათი გადაადგილების კონტროლი ვიდეოკამერებით, ვერ ვაჯარიმებთ. აქედან გამომდინარე, თავისუფლად დადიან და, სამწუხაროდ, ხშირია ავტოსაგზაო შემთხვევები. მალე მოხდება მოპედების რეგისტრირება და მათაც ექნებათ მართვის მოწმობები ასაღები“, – განაცხადა ვახტანგ გომელაურმა.

ამასთან ერთად მინისტრმა აღნიშნა, რომ ავტოსაგზაო შემთხვევები უფრო ხშირია მძლავრი მოტოციკლეტების შემთხვევაში, რომელთა მართვისთვისაც ადამიანს A კატეგორიის მართვის მოწმობა სჭირდება.

გომელაურის თქმით, შესაბამისი კანონპროექტი უკვე ორი მოსმენითაა გატანილი პარლამენტში და მალე დარეგისტრირდება.

ყველა ახალი ამბავი
0