ნათია თურნავა

თურნავა: ვეცდებით ლოკდაუნის, მკაცრი შეზღუდვებისა და ბიზნესის დახურვის გარეშე გავიდეთ ფონს

147
(განახლებულია 20:49 23.04.2021)
ეპიდვითარების გაუარესების გამო უახლოეს დღეებში შესაძლოა საქართველოს ხელისუფლებამ შეზღუდვების გამკაცრებისა და გაფართოების გადაწყვეტილება მიიღოს.

თბილისი, 23 აპრილი – Sputnik. ტურიზმის ინდუსტრია კვლავაც რჩება ყურადღების ცენტრში და ყველაფერი გაკეთდება, რომ ამ ინდუსტრიის შეზღუდვის გარეშე გავიდეთ ფონს, განაცხადა ეკონომიკისა და მდგრადი განვითარების მინისტრმა ნათია თურნავამ.

დაწესდება თუ არა დამატებითი შეზღუდვები – საკოორდინაციო საბჭო მომავალ კვირაში იმსჯელებს>>

მინისტრის განცხადებით, ტურიზმის ინდუსტრიასთან, მათ ცალკეულ წარმომადგენლებთან და ასოციაციებთან კომუნიკაცია არასდროს შენელებულა. მისი თქმით, პრემიერ-მინისტრი ირაკლი ღარიბაშვილი მაისში პირადად აპირებს ეტაპობრივად შეხვდეს ყველა ბიზნესინდუსტრიის, ყველა დარგის წარმომადგენლებს.

თურნავას განცხადებით, ერთ-ერთი პრიორიტეტული მიმართულება იქნება ტურიზმი. ამასთან მინისტრმა დასძინა, რომ ტურიზმის ინდუსტრიის აღდგენა და პარალელურად პანდემიასთან ბრძოლა მარტივი ამოცანა არ არის.

როგორც მინისტრმა აღნიშნა, პანდემიის პერიოდში ტურიზმი ყველაზე მეტად დაზარალდა და სწორედ ამიტომ ეს არის სფერო, რომელსაც მთავრობა სხვადასხვა სახელმწიფო პროგრამით ყველაზე მეტად ეხმარება და მომავალშიც დაეხმარება.

„ეს არის საგადასახადო შეღავათები, ეს არის სპეციალური პროგრამები, მათ შორის პროგრამის „აწარმოე საქართველოში“ ახალი კომპონენტები, რაც ჩვენ შევქმენით, ასევე ბევრი სხვა სახის ხელშეწყობა“, – აღნიშნა ნათია თურნავამ.

თურნავას თქმით, მიუხედავად იმისა, რომ ეპიდემიოლოგიური თვალსაზრისით კორონავირუსის პანდემიის მესამე ტალღის ეტაპზე ვართ, ქვეყანაში მაინც გაიხსნა საერთაშორისო ფრენები, რასაც თანდათან მოჰყვა ტურისტული ინდუსტრიის აღდგენა.

საქართველოში კორონავირუსის მესამე ტალღა დაიწყო. ინფიცირების დღიური მაჩვენებელი 1 ათასს აჭარბებს. 23 აპრილის მონაცემებით, ქვეყანაში ინფიცირებულთა საერთო რაოდენობამ 301 ათას ადამიანს გადააჭარბა. გარდაიცვალა 3.992 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

147
თემები:
კორონავირუსი საქართველოში: ბოლო ცნობები (684)
მსახიობი გიორგი ყიფშიძე

„ასაკობრივი ზღვარი წაიშალა... არც შეზღუდვები გვაქვს ერთმანეთთან“ - გიორგი ყიფშიძის ცოლი

11
(განახლებულია 13:11 18.05.2021)
მსახიობ გიორგი ყიფშიძის 20 წლით უმცროსი მესამე ცოლი ენი გასიევა მათ ოჯახზე და ურთიერთგაგებაზე საუბრობს.

გიორგი ყიფშიძე მცირე ხნის წინ მეოთხე შვილის მამა გახდა. მას მესამე ცოლთან მეორე შვილი შეეძინა, პირველი ქორწინებებიდან კი ასევე ორი შვილი ჰყავს, გოგონა და ვაჟი. გიორგი ყიფშიძისა მეუღლე ენი გასიევა ჟურნალ „თბილისელებთან“ ყვება როგორ გაუმართლა, რომ გიორგი იპოვა.

ენი ამბობს, რომ გიორგი ისეთი ქმარი აღმოჩნდა, როგორიც ვერასდროს წარმოიდგენდა, რადგან მას მსგავსი კაცები არ ხვდებიან და რომ არა გიორგი, ალბათ მარტო იქნებოდა. მისი თქმით, ბავშვების აღზრდის პროცესში ცნობილი ბაბუაც, მსახიობი ზურა ყიფშიძეც აქტიურადაა ჩართული და რაც ლუნა დაიბადა, კოსმო სულ მის გვერდით იძინებს. რომ ეძინება, ბაბუს ოთახში გარბის. ერთად ვცხოვრობთ და ზურა ძალიან გვეხმარება ბავშვების გაზრდაში…

„როცა მე და გიორგიმ ცხოვრება დავიწყეთ, იმდენად კარგად შევეწყვეთ, რისკებზე და გამართლებაზე არც მიფიქრია, ასაკობრივი ზღვარი წაიშალა. თავიდანვე ისე კარგად გავუგეთ ერთმანეთს, იდეალური მეგობარი და მეუღლე გახდა. არც შეზღუდვები გვაქვს ერთმანეთთან და არც საიდუმლოებები, სადაც ჰარმონია და კომფორტია, იმ ურთიერთობას, წესით, საფრთხე არ ემუქრება“, - ამბობს ენი.

მსახიობ გიორგი ყიფშიძეს და ფოტოგრაფ ანა გასიევას გასული წლის მარტში ბიჭუნა – კოსმო ყიფშიძე შეეძინათ. მსახიობმა სოციალურ ქსელში ახალშობილთან ერთად გადაღებული პირველი ფოტო გამოაქვეყნა და უამრავი მილოცვაც მიიღო. ბიჭუნას დაბადებამდე რამდენიმე ხნით ადრე გიორგის ახალმა მეორე ნახევარმა სოციალურ ქსელში ბეჭდების ფოტო გამოაქვეყნა ქორწინების მოწმობის ფონზე და ამით ცნობილი გახდა, რომ გიორგი ყიფშიძემ 24 წლის ფოტოგრაფზე იქორწინა. წყვილმა ქორწილი „ზაზანოვაში“ გადაიხადა.

გიორგი დაახლოებით 15 წლის წინ დაშორდა მოდელ კრისტი ყიფშიძეს, რომელიც დღემდე მის გვარს ატარებს. მასთან გიორგის ყველასთვის საყვარელი გოგონა ნატალია ყიფშიძე ჰყავს. კრისტისთან დაშორების შემდეგ მან მხატვარ ანი ჩიკვილაძეზე იქორწინა. ხმები მათი დაშორების შესახებ წლების მანძილზე ვრცელდებოდა, თუმცა ისინი კვლავ ერთად ჩნდებოდნენ საზოგადოებაში. ანის და გიორგის საერთო ვაჟი სანდრო ჰყავთ. შემდეგ კი ცნობილი გახდა, რომ ყიფშიძე ანი ჩიკვილაძესაც დაშორდა.

43 წლის გიორგი ყიფშიძე მიხეილ თუმანიშვილის კინომსახიობთა თეატრის მსახიობია 2002 წლიდან. მონაწილეობდა ფილმებში „რევერსი (უბრალოდ თამაში)“, „თბილისური Love Story“, „გასეირნება ყარაბახში 2“, „ქუჩის დღეები“, „მარილივით თეთრი“.

გიორგი ყიფშიძე დიდი ხანია ცნობილი მამის ჩრდილიდან გამოვიდა და ახლა მას მოიხსენიებენ, როგორც გიორგის და არა როგორც ზურას შვილს. იგი შესანიშნავი მსახიობია. განსაკუთრებით პოპულარული გახდა ტელესერიალიდან „ცხელი ძაღლი“, ხოლო მისმა პოპულარობამ პიკს მიაღწია მას შემდეგ, რაც მონაწილეობდა ქართულ სერიალში „ჩემი ცოლის დაქალები“, სადაც ვერსკის როლი შეასრულა.

11
თემები:
ქართველი სელებრითები
ახალი სკვერი თბილისში

კერძო ავტოფარეხების ნაცვლად ახალი სკვერები მოეწყო

12
(განახლებულია 14:54 18.05.2021)
ხმალაძის განმარტებით, მერია მომავალშიც აქტიურად გააგრძელებს დედაქალაქში რეკრეაციული სივრცეების მოწყობას.

 

თბილისი, 18 მაისი — Sputnik. თბილისში 446 კერძო ავტოფარეხის ადგილზე 34 სკვერი გაშენდა, განაცხადა თბილისის ვიცე–მერმა ირაკლი ხმალაძემ ქალაქში  ურბანული განვითარების პოლიტიკის მიმართულებით განხორციელებული პროექტების პრეზენტაციაზე. 

ხმალაძის თქმით, აღნიშნული პროექტი არის იმის ნათელი მაგალითი, რომ მთლიანი ქალაქისთვის „ერთი გადაწყვეტილებით შეიძლება შექმნა ურბანული სიკეთე“.

 „მოსახლეობასთან კომუნიკაციის გზით და გამგეობების აქტიური მუშაობის შედეგად, ავტოფარეხები სკვერებით ჩანაცვლდა“, – განაცხადა ხმალაძემ.

თბილისის ვიცე-მერის თქმით, პროექტის ფარგლებში თბილისში დამატებით 4 მლნ კვადრატული მეტრის ფართობს მიენიჭა მწვანე სივრცის სტატუსი და განისაზღვრა ხუთი ახალი საპარკე არეალი.

დედაქალაქის მთავრობისთვის რეკრეაციული ზონების შექმნა და აღდგენა ერთ–ერთი პრიორიტეტული მიმართულებაა. ბოლო სამი წლის მანძილზე თბილისში არაერთი პარკისა და სკვერის აღდგენითი სამუშაოები ჩატარდა. სულ ახლახანს მერიამ ორი მასშტაბური პროექტის – ვაკის პარკის განახლებისა და ყოფილი იპოდრომის ტერიტორიაზე ახალი ცენტრალური პარკის მშენებლობის განხორციელება დაიწყო.

12
თემები:
თბილისის მერია