სპეცტექნიკა თოვლისგან გზის გასაწმენდად

რთული მეტეოროლოგიური პირობების გამო საქართველოს გზებზე შეზღუდვები დაწესდა

42
(განახლებულია 16:44 06.04.2021)
დეპარტამენტის ინფორმაციით, საქართველოს საავტომობილო გზებზე შეზღუდვები თოვისა და ლიპყინულის გამო დაწესდა.

თბილისი, 6 აპრილი – Sputnik. უამინდობის გამო საქართველოს საერთაშორისო და შიდასახელმწიფოებრივი მნიშვნელობის საავტომობილო გზებზე შეზღუდვებია დაწესებული, ნათქვამია საავტომობილო გზების დეპარტამენტის მიერ გავრცელებულ განცხადებაში.

დეპარტამენტის ცნობით, თოვის გამო მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე აკრძალულია მისაბმელიანი და ნახევარმისაბმელიანი ავტოტრანსპორტის მოძრაობა, დანარჩენი სახის ავტოტრანსპორტის მოძრაობა კი თავისუფალია.

ასევე, მლეთა–გუდაურის (ფოსტა), გუდაური(ფოსტა)–კობის და სტეფანწმინდა–ლარსის მონაკვეთებზე ნებადართული ავტოტრანსპორტის მოძრაობა განხორციელდება გაუჩერებლად გავლის რეჟიმში. გუდაური(ფოსტა)–კობის მონაკვეთზე კი ავტოტრანსპორტი მხოლოდ ზვავდამცავი გვირაბების გავლით იმოძრავებს.

აღნიშნული რეჟიმით მოძრაობას საპატრულო პოლიცია გააკონტროლებს.

ასევე თოვისა და ლიპყინულის გამო ყველა სახის ავტოტრანსპორტის მოძრაობა აკრძალულია უშგული–ლასდილის მონაკვეთზე (ზუგდიდი–ჯვარი–მესტია–ლასდილის საავტომობილო გზის 186-198 კმ). ამავე გზის 150-186 კმ (მულახი–უშგული) მონაკვეთზე კი აკრძალულია მისაბმელიანი, ნახევარმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. ხოლო კალა–უშგულის მონაკვეთზე (171-186 კმ) ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა ასევე თავისუფალია.

უწყების ცნობით, ამავე საავტომობილო გზის ზუგდიდი–მულახის (1-150 კმ) მონაკვეთზე ავტოტრანსპორტის მოძრაობა თავისუფალია.

42
თემები:
ტრანსპორტი საქართველოში (421)
არ გადაკვეთო დანაშაულის ადგილი!

ბათუმში „ნაცმოძრაობის“ ოფისი დააზიანეს

5
(განახლებულია 13:15 15.04.2021)
მსხვილი ოპოზიციის წარმომადგენლები მომხდარს მმართველი პარტიის მხრიდან  პოლიტიკურ ანგარიშსწორებად აფასებენ.

 

თბილისი, 15 აპრილი – Sputnik. ბათუმში ოპოზიციური პარტია „ერთიანი ნაციონალური მოძრაობის“ ერთ–ერთი ოფისი დააზიანეს, იუწყება პირევლი არხი.

შემთხვევა აღმაშენებლის ქუჩაზე გუშინ, გვიან ღამით მოხდა – ჩამსხვრეულია ოფისის კარის მინები.

პარტიის ერთ–ერთი ლიდერის გიორგი კირთაძის განცხადებით, მათ ვანდალურ ფაქტთან დაკავშირებით ინფორმაცია უკვე მიაწოდეს სამართალდამცავ ორგანოებს.

„ადგილზე კრიმინალური პოლიციის წარმომადგენლები არიან მისული და ფაქტს სწავლობენ. თუმცა, არ გვაქვს მოლოდინი, რომ ვინმეს დაკავება მოხდება“, – განაცხადა კირთაძემ.

მომხდარ ფაქტზე გამოძიება სსკ–ის 187-ე მუხლით დაიწყო, რაც ნივთის დაზიანებას ან განადგურებას გულისხმობს.

 

 

5
თემები:
შემთხვევები საქართველოში
მეტეხის ხიდი

ამინდის ზუსტი პროგნოზი თბილისში 17 აპრილს

6
(განახლებულია 12:05 15.04.2021)
თბილისელებსა და დედაქალაქის სტუმრებს შაბათს გაზაფხულის თბილი ამინდი ელოდებათ, ჰაერი 22 გრადუსამდე გათბება.

თბილისი, 15 აპრილი – Sputnik. სინოპტიკოსები საქართველოს დედაქალაქში შაბათს, 17 აპრილს თბილ და ნაწილობრივ ღრუბლიან ამინდს ვარაუდობენ. 

მზე 06:18 საათზე ამოვა და 19:43 საათზე ჩავა.

ჰაერის მინიმალური ტემპერატურა ღამით პლუს 10–11 გრადუსი, დღისით კი პლუს 21–22 გრადუსია ნავარაუდები.

 

6
თემები:
ამინდის ზუსტი პროგნოზი თბილისში