საცხოვრებელი სახლის მშენებლობა

პარლამენტში მოსაზრებები კანონპროექტზე „სამშენებლო ამნისტიის შესახებ“ გაიყო

140
(განახლებულია 15:26 25.02.2021)
კანონპროექტი ქაოსურ მშენებლობასთან ბრძოლის ნაწილს წარმოადგენს და ითვალისწინებს ამნისტიასა და პატიებას გარკვეული დარღვევების გამო, ასევე რიგ პრევენციულ ზომებს.

თბილისი, 25 თებერვალი – Sputnik. კანონპროექტი „სამშენებლო ამნისტიის შესახებ“ ნეგატიურად აისახება სამშენებლო ბიზნესზე, მიაჩნია პარლამენტის თავმჯდომარის მოადგილეს, პარტია „მოქალაქეების“ გენერალურ მდივანს ლევან იოსელიანს.

კანონპროექტი განსახილველად პარლამენტში თბილისის მერიამ შეიტანა. ის წარმოადგენს ქაოსურ მშენებლობასთან ბრძოლის ნაწილს და დედაქალაქის იერსახის შენარჩუნებას ისახავს მიზნად. საკანონმდებლო პაკეტი ითვალისწინებს ამნისტიასა და პატიებას გარკვეული დარღვევების გამო, ასევე პრევენციულ ზომებს: სისხლისსამართლებრივ პასუხისმგებლობას რიგი დარღვევების გამო სამშენებლო სფეროში.

საკანონმდებლო პაკეტის ერთი ნაწილი შენობების ექსპლუატაციაში მიღებას ეხება. ის ითვალისწინებს ელექტროენერგიისა და ბუნებრივი გაზის მიწოდების აკრძალვას იმ შენობაში, რომელიც ჯერ არ არის ექსპლუატაციაში მიღებული. მოქმედი იურიდიული პრაქტიკით, საქართველოში შეიძლება ცხოვრება ისეთ შენობაში, რომელიც ჯერ ჩაბარებული არ არის ექსპლუატაციაში, რაც ხშირად პრობლემებს ქმნიდა.

„პანდემიურ სიტუაციაში ბევრად უფრო გაურთულებს სამშენებლო კომპანიებს შესაძლებლობას, რომ განავითარონ თავიანთი ბიზნესი. ისე გამოვა, რომ ყველაფერი გაჩერდება. ექსპლუატაციაში შესვლა არის ბოლო ეტაპი, მაგრამ თუ მანამდე კომპანიამ ბინა ვერ გაყიდა და თანხა ვერ მოიზიდა, როგორ დაასაქმებს ადამიანებს? ეს ის შეზღუდვაა, რომელიც ეკონომიკას ძალიან დიდ ზიანს მიაყენებს“, – განაცხადა ლევან იოსელიანმა „რუსთავი2“-ის ეთერში.

ამნისტია და გამკაცრებული პასუხისმგებლობა... ანუ შენების ახალი წესები...>>

პარლამენტის გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ, თავის მხრივ, განაცხადა, რომ კანონპროექტი გამორიცხავს ადამიანების ცხოვრებას დაუსრულებელ სახლებში, თუ იქ არ იქნება შეყვანილი ელექტროენერგია და გაზი.

„ეს არის უნიკალური შესაძლებლობა იმისთვის, რომ თბილისელებმა ოფიციალურად დაირეგისტრირონ ქონება და ისარგებლონ იმ მუნიციპალური სერვისებით, რაც 100%-ით ფინანსდება სახელმწიფოსგან“, – აღნიშნა მან.

რაც შეეხება თავად ამნისტიას, იგი შეეხება ყველა ტიპის მშენებლობას, პირველიდან მეხუთე კლასის ჩათვლით, რომელთა მშენებლობაც ხორციელდებოდა ნებართვების საფუძველზე და 2020 წლის 18 აგვისტომდე დასრულდა. 

თუ ასეთ შენობაზე დარღვეულია K1, K2, K3 პარამეტრი, ექსტერიერი ან ინტერიერი, მიჯნის ზონა, განაშენიანების რეგულირების ხაზები, განაშენიანების სიმაღლის რეგულირების ხაზები, ფუნქციური ზონა, ავტოსადგომების რაოდენობა ან პროექტის კონსტრუქციული ნაწილი, თუმცა მათი უსაფრთხოება დადასტურებულია აკრედიტებული ექსპერტის მიერ, ყველა ზემოჩამოთვლილი დარღვევა ჩაითვლება საპატიოდ და ჩამოიწერება დარღვევებიდან გამომდინარე დაკისრებული ჯარიმები.

140
თემები:
საქართველოს პარლამენტი (293)
საპატრიარქო

საპატრიარქო რიონის ხეობაში განვითარებულ მოვლენებზე: დაუშვებელია სიტუაციის  ესკალაცია

11
(განახლებულია 17:19 14.04.2021)
რიონის ხეობაში საპროტესტო აქციები არ წყდება, მომიტინგეებს დღეს სამართალდამცველებმა გზა ჩაუხერგეს.

თბილისი, 14 აპრილი – Sputnik. საქართველოს საპატრიარქო „ნამახვანჰესის“ მშენებლობასთან დაკავშირებით მიმდინარე პროტესტს ეხმაურება და რიონის ხეობაში განვითარებულ მოვლენებს შემაშფოთებელს უწოდებს. 

საპატრიარქო დაუშვებლად მიიჩნევს  სიტუაციის შემდგომ ესკალაციასა და კატეგორიულ ტონს, რომელიც, მათი განმარტებით,  არ ტოვებს ურთიერთმოსმენის შესაძლებლობას.

„პატივისცემით ვთხოვთ ყველა მხარეს, ხელი შეუწყონ პროცესების მშვიდობიანად და სამართლიანად წარმართვას“, - აღნიშნულია საპატრიარქოს  მიერ გავრცელებულ განცხადებაში.

საპატრიარქო მიიჩნევს, რომ აუცილებელია შედგეს დიალოგი, სადაც დაინტერესებულ მხარეებს, პასუხისმგებელ პირებსა და სპეციალისტებს მიეცემათ საშუალება მათთვის მნიშვნელოვანი კითხვების დასმისა და პასუხების მოსმენისა.

„ეს დიალოგი არ უნდა იყოს ფორმალური, არამედ ყველა საშუალება უნდა იქნას გამოყენებული, რათა აღარ დარჩეს გაუგებრობები „ნამახვანჰესის“ პროექტთან დაკავშირებით და საზოგადოებასაც ობიექტური ინფორმაცია მიეწოდოს“, - ნათქვამია განცხადებაში. 

„ნამახვანჰესის“ მშენებლობის წინააღმდეგ საპროტესტო აქციები ნახევარი წლის წინ დაიწყო. აქციის მონაწილეები მოითხოვენ, შეწყდეს ჰესის მშენებლობა, ხელისუფლებამ კი თურქულ კომპანია Enka-სთან კონტრაქტი გააუქმოს. საკუთარი პოზიციის გასამყარებლად მომიტინგეები საუბრობენ გარემოზე ჰესის დამანგრეველ ზემოქმედებასა და საეჭვო გარიგებაზე ინვესტორთან. პასუხად საქართველოს ხელისუფლებამ განაცხადა, რიმ მშენებლობას ექვსი თვით შეაჩერებენ, რათა კიდევ ერთხელ მოხდეს პროექტის გადამოწმება, თუმცა კონტრაქტის გაუქმებას არ აპირებენ.

თავის მხრივ, კომპანია ENKA-ს წარმომადგენლები აცხადებენ, რომ „ნამახვანჰესის“ კასკადის პროექტი სრულიად უსაფრთხოა, გარდა ამისა, თურქული კომპანიის წარმომადგენელმა ელენე გუბიანურმა განაცხადა, რომ პროექტზე 1600 ადგილობრივი მაცხოვრებელი დასაქმდება.

11
გალის რაიონი

ტესტი კარანტინის ნაცვლად აფხაზეთისა და ცხინვალის მოსახლეობისთვის შეზღუდვები მსუბუქდება

9
(განახლებულია 16:57 14.04.2021)
ამ დრომდე აფხაზეთისა და ცხინვალის რეგიონის მოსახლეობისთვის საქართველოს ტერიტორიაზე გადმოსვლისას ჯერ 14–დღიანი, შემდეგ კი ხუთდღიანი კარანტინი მოქმედებდა.

თბილისი, 14 აპრილი – Sputnik. უწყებათშორისი საკოორდინაციო საბჭო საქართველოს ხელისუფლების მიერ არაკონტროლირებადი აფხაზეთისა და ცხინვალის რეგიონის ტერიტორიებზე მცხოვრებთათვის მოქმედ რეგულაციებს ცვლის – ხუთდღიანი კარანტინის ნაცვლად, ისინი ტესტირებას დაექვემდებარებიან.

აღნიშნული ნორმა 19 აპრილიდან ამოქმედდება.
ანტიგენზე ტესტის ჩატარებასთან ერთად, ამ რეგიონების მცხოვრებლებს, რომლებიც მიეკუთვნებიან იმ ასაკობრივ კატეგორიებს, რომელთაც ვაქცინის გაკეთება შეუძლიათ, სურვილის შემთხვევაში შესაძლებლობა ეძლევათ იმუნიზაციის პროცესში ჩაერთონ. 

იმ პირებს, რომლებიც კორონავირუსი საწინააღმდეგო ვაქცინის ორ დოზას გაიკეთებენ, საქართველოს ტერიტორიაზე გადმოსვლისას ტესტის ჩატარება აღარ დასჭირდებათ.

საკოორდინაციო საბჭოს სხდომაზე ჯანდაცვის მინისტრმა ეკატერინე ტიკარაძემ წ ვაქცინაციის გაფართოების გეგმა წარადგინა.

აფხაზეთისა და ცხინვალის რეგიონის მოსახლეობისთვის, რომლებიც საქართველოს ტერიტორიაზე გადმოდიოდნენ, ადრე 14-დღიანი კარანტინი მოქმედებდა, რომელიც მოგვიანებით 5-დღიანი ვადით შეიცვალა. მოქალაქეების გარკვეული კატეგორიისთვის – პენსიონერებისთვის, სოციალურად დაუცველებისთვის, მრავალშვილიანი ოჯახებისა და შშმ პირებისთვის კი ახლა სავალდებულო კარანტინი საერთოდ უქმდება.

უწყებათაშორისი საკოორდინაციო საბჭო კიდევ ერთხელ მოუწოდებს მოქალაქეებს სწორად ატარონ პირბადე, დაიცვან სოციალური დისტანცია და მოერიდონ თავშეყრის ადგილებს.

9