პრეზიდენტი სალომე ზურაბიშვილი

უმაღლესმა მთავარსარდალმა თავდაცვის ძალებს ახალი წელი მიულოცა

105
(განახლებულია 14:37 01.01.2021)
საქართველოს პრეზიდენტმა მადლობა გადაუხადა ქართულ ჯარს როგორც ქვეყნის შიგნით გაწეული სამსახურისთვის, ასევე საერთაშორისო მისიებში მონაწილეობისთვის

თბილისი, 1 იანვარი – Sputnik. საქართველოს პრეზიდენტმა, ქვეყნის თავდაცვის ძალების უმაღლესმა მთავარსარდალმა სალომე ზურაბიშვილმა თავდაცვის ძალებს ახალი წელი მიულოცა და ქვეყნის ერთგული სამსახურისათვის მადლობა გადაუხადა, იუწყება პრეზიდენტის ადმინისტრაცია.

თავდაცვის მინისტრმა ქართველ სამშვიდობოებს დამდეგი ახალი წელი მიულოცა>>

პრეზიდენტმა აღნიშნა, რომ ეს წელი სამხედრო მოსამსახურეების ოჯახებისათვის ისევე, როგორც მთელი საქართველოსათვის, საკმაოდ მძიმე და რთული იყო, მაგრამ ქვეყანამ მოახერხა ამის გადატანა. 

„იწყება 2021 წელი, რომელიც, დარწმუნებული ვარ, ჩვენი ქვეყნისა და სამშობლოსთვის წარმატებული წელი იქნება. ჩვენ დავძლევთ არა მხოლოდ პანდემიას, დავძლევთ მის შედეგებს და მივაღწევთ იმას, რომ შევინარჩუნოთ ის, რაც იყო ამ ქვეყნის მთავარი მიღწევა, რომ ჩვენ რეგიონში სტაბილურობის ერთ-ერთი კუნძული და მშვიდობის კუნძული ვართ - და ეს თქვენი დამსახურებაა!“ - აღნიშნა ზურაბიშვილმა.

პრეზიდენტმა მადლობა გადაუხადა ქართულ ჯარს იმისთვის, რომ ის საქართველოს სამსახურში დგას ქვეყნის შიგნითაც და გარეთაც.

„მინდა მადლობა გითხრათ იმისთვის, რასაც თქვენ დღეს აკეთებთ საზღვარგარეთ, ჩვენს საერთაშორისო მისიებში. ამისთვის მთელი საზოგადოება ჩემი სახელით მადლობას გიხდით! ეს ძალიან მნიშვნელოვანია, რამეთუ თქვენი მეშვეობით აფასებენ ქართველის მამაცობას, ქართველის მზადყოფნას დაიცვას არა მხოლოდ თავისი ქვეყანა და თავისი ტერიტორია, არამედ მსოფლიო მშვიდობა“, - განაცხადა სალომე ზურაბიშვილმა.

პრეზიდენტმა ჯარისკაცებს უსურვა, რომ რომ ეს წელი მათთვის და მათი ახლობელბისთვის ბედნიერი წელი ყოფილიყოს.

105
ე.წ. სამხედრო გზა

გუდაური-კობის მონაკვეთზე გზის გაწმენდითი სამუშაოები მიმდინარეობს: ბოლო მონაცემები

7
(განახლებულია 15:36 20.01.2021)
საერთაშორისო მნიშვნელობის საავტომობილო გზის კობი–გუდაურის მონაკვეთზე ზვავსაშიშროების გამო ტრანსპორტის მოძრაობა 11 იანვრიდან აიკრძალა

თბილისი, 20 იანვარი – Sputnik. მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე როგორც გუდაურიდან, ასევე კობიდან გზის გაწმენდითი სამუშაოები მეორე დღეა ინტენსიურ რეჟიმში გრძელდება, ნათქვამია საავტომობილო გზების დეპარტამენტის მიერ გავრცელებულ განცხადებაში.

გზის აღნიშნულ მონაკვეთზე კვირაზე მეტია რთული მეტეოროლოგიური პირობების გამო ყველა სახის ტრანსპორტის გადაადგილება აკრძალულია. ინტენსიური თოვისა და დაბალი ტემპერატურის გამო გზის აღნიშნულ მონაკვეთზე ზვავსაშიშროების საფრთხის მაღალი დონეა.

გავრცელებული ინფორმაციით, გზის ძირითადი ნაწილი უკვე გაწმენდილია.

„რჩება მხოლოდ 3 კილომეტრი (99-101–ე კმ), საიდაც 101-ე კილომეტრზე ზვავსაშიშროება ნარჩუნდება და გაწმენდითი სამუშაოების დაწყება აღნიშნულ 1 კილომეტრზე ჯერ ვერ ხერხდება“, - ნათქვამია განცხადებაში.

უწყების ინფორმაციით, აღნიშნულ მონაკვეთზე გაწმენდითი სამუშაოები ზვავსაშიშროების რეჟიმის მოხსნისთანავე დაიწყება, რათა უმოკლეს ვადებში აღდგეს ავტოტრანსპორტის მოძრაობა.

მცხეთა–სტეფანწმინდა–ლარსის ტრასა დღეისათვის ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს.

7
თემები:
ტრანსპორტი საქართველოში
ლაბორატორია

COVID-19 საქართველოში: ვითარება სამეგრელო–ზემო სვანეთის რეგიონში

16
(განახლებულია 15:24 20.01.2021)
ამ დროისათვის სამეგრელო–ზემო სვანეთის რეგიონის მასშტაბით მოქმედ საკარანტინო სივრცეებში მოთავსებულია 43 ადამიანი.

თბილისი, 20 იანვარი – Sputnik. ბოლო 24 საათის განმავლობაში სამეგრელო–ზემო სვანეთის რეგიონის მასშტაბით კორონავირუსის 32 ახალი შემთხვევა გამოვლინდა, იუწყება „Sputnik-საქართველოს“ კორესპონდენტი. 

რეგიონში სახელმწიფო რწმუნებულის ადმინისტრაციის ინფორმაციით, რეგიონის მასშტაბით მოქმედ ექვს კოვიდ–ცენტრში 226 პაციენტი აგრძელებს მკურნალობას, მათგან 18-ის მდგომარეობა მძიმეა. 

რუხის კლინიკაში მკურნალობის კურსს გადის 79 კოვიდ–პაციენტი, ფოთის ჰოსპიტალში – 40, აქედან ოთხი პაციენტის მდგომარეობა მძიმეა. სენაკის კლინიკა „სენამედში“ იმყოფება 35 პაციენტი, მათ შორის მძიმეა სამი პაციენტის მდგომარეობა. ზუგდიდის რეფერალურ ჰოსპიტალში 17 კოვიდ–ინფიცირებულია მოთავსებული – ოთხის პაციენტის მდგომარეობა მძიმეა. აბაშის „ევექსის“ კლინიკაში მკურნალობს 22 პაციენტი. სენაკის „ლაზიკა მედიში“ კი 33.

გასულ დღე-ღამეში კორონავირუსით ორი პაციენტი გარდაიცვალა,  გამოჯანმრთელდა 58ადამიანი.

ბოლო 24 საათში ქვეყნის მასშტაბით კორონავირუსის 469 ახალი შემთხვევა დაფიქსირდა და ინფიცირებულთა საერთო რიცხვმა 249.934 -ს მიაღწია.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

ნიკა ლატარია

16
თემები:
კორონავირუსი საქართველოში: ბოლო ცნობები