ექიმები ოპერაციაზე

გეგმური ოპერაციების დაფინანსება დროებით ჩერდება: მთავრობის გადაწყვეტილება

112
(განახლებულია 21:07 20.11.2020)
მთავრობის ახალი დადგენილება გარკვეულ გამონაკლისებს ითვალისწინებს და ზოგი ტიპის სამედიცინო მომსახურებაზე დაფინანსებას არ აჩერებს.

თბილისი, 20 ნოემბერი — Sputnik. საქართველოს მთავრობის დადგენილებით, ქვეყანაში გეგმური ოპერაციების დაფინანსება საყოველთაო ჯანდაცვის პროგრამის ფარგლებში 2021 წლის მარტამდე წყდება — ზოგი გამონაკლისის დაშვებით.

აღნიშნული გადაწყვეტილება ხელისუფლებამ მძიმე ეპიდემიოლოგიური სიტუაციიდან გამომდინარე მიიღო. შეზღუდვა 10 ნოემბრიდან 2021 წლის 1 მარტამდე იქნება ძალაში.

„შეჩერდეს... „საყოველთაო ჯანმრთელობის დაცვის სახელმწიფო პროგრამით“ განსაზღვრულ გეგმურ ქირურგიულ მომსახურებაზე საგარანტიო ფურცლის გაცემა, გარდა სასწრაფო–დაყოვნებული ტიპის ინტერვენციებისა, ასევე ონკოლოგიური ოპერაციებისა და დანართ 1.8-ით განსაზღვრული კარდიოქირურგიის/ინტერვენციული კარდიოლოგიის/რითმოლოგიის მომსახურებისა“, — ნათქვამია დადგენილების ტექსტში.

ამასთან 2020 წლის 10 ნოემბრამდე გაცემული საგარანტიო ფურცელი ვალიდურად რჩება მისი მოქმედების ვადის ამოწურვამდე.

გარდა ამისა, დღეს ასევე ცნობილი გახდა მთავრობის კიდევ ერთი გადაწყვეტილების შესახებ, რომლის თანახმადაც საქართველოს ყველა სამედიცინო დაწესებულება, რომლებიც COVID-19-ის მართვის პროცესში არ არიან ჩართული, ვალდებულია თავად უმკურნალოს საკუთარ კოვიდ–პაციენტებს. ანუ, თუ სამედიცინო დაწესებულებაში პაციენტი ან პერსონალი დაინფიცირდება, ისინი კოვიდ–სასტუმროებსა და კოვიდ–კლინიკებში კი არ უნდა გადაიყვანონ, არამედ ადგილზე უნდა გაუწიონ სამედიცინო დახმარება.

 

112
თემები:
COVID-19 საქართველოში (2499)
მართლმსაჯულება

ეუთო/ოდირი საქართველოში მოსამართლეთა შერჩევის პროცესს მონიტორინგს გაუწევს

13
(განახლებულია 21:14 24.11.2020)
საქართველოსთვის მნიშვნელოვან პროცესზე დაკვირვების თხოვნით საერთაშორისო ორგანიზაციას ომბუდსმენის აპარატმა მიმართა

 

თბილისი, 25 ნოემბერი – Sputnik. ეუთო/ოდირის მისია მზადაა თვალი მიადევნოს საქართველოს უზენაესი სასამართლოს მოსამართლეების შერჩევის პროცესს, ნათქვამია სახალხო დამცველის განცხადებაში. 

უზენაესი სასამართლოს მოსამართლეების შერჩევა საქართველოსთვის ერთ-ერთი რთული თემაა, რომელმაც 2019 წლის დასაწყისში ხმაურიანი სკანდალი გამოიწვია. ვითარების დასამშვიდებლად მოსამართლეების შერჩევის ახალი წესები შემუშავდა. მათი ნაწილი უკვე შერჩეულია, თუმცა ყველა ადგილი არ შევსებულა, რადგან გადაწყდა, რომ წესები გადაიხედოს და მოსამართლეების დამტკიცების საშუალება 2020 წლის მოწვევის პარლამენტს მიეცეს.
საქართველოს სახალხო დამცველის აპარატმა თხოვნით მიმართა ეუთო/ოდირს, მონიტორინგი გაუწიოს საქართველოში უზენაესი სასამართლოს 10 მოსამართლის ვაკანსიაზე მიმდინარე შერჩევის პროცესს.

როგორც განცხადებაშია ნათქვამი, იმის გამო, რომ 2019 წელს უზენაესი სასამართლოს მოსამართლეების შერჩევის პროცესი მწვავედ იყო გაკრიტიკებული, პარლამენტმა 2020 წლის სექტემბერში მიიღო ახალი საკანონმდებლო ნორმები, რომელთა საფუძველზეც იუსტიციის უმაღლესმა საბჭომ უზენაესი სასამართლოს მოსამართლეთა ვაკანტურ ადგილებზე შერჩევის პროცესი დაიწყო. ცხრა ვაკანსიაზე დოკუმენტების მიღება უკვე დასრულდა.

 „ვინაიდან ეუთო/ოდირს უკვე შეფასებული აქვს წინა შერჩევის პროცესის მიმდინარეობა, ბუნებრივია უაღრესად მნიშვნელოვანია მათი დაკვირვების ქვეშ მოექცეს მიმდინარე პროცესიც, რათა საერთაშორისო სტანდარტების შესაბამისად შეფასდეს ეს უმნიშვნელოვანესი საკითხი. ამ ეტაპისთვის ზუსტდება ეუთო/ოდირის მონიტორინგის განხორციელების უშუალო ფორმა და მეთოდები“, – აღნიშნულია განცხადებაში.

პროცესს თავისი კომპეტენციის  ფარგლებში ზედამხედველობას გაუწევს ასევე საქართველოს სახალხო დამცველი.

მოსამართლეთა შერჩევის წესი

შერჩევა ოთხ ეტაპად მიმდინარეობს, რის შემდეგაც იუსტიციის უმაღლესი საბჭო კანდიდატებს წარუდგენს პარლამენტს, რომელიც თითოეულ კანდიდატურას ცალკე უყრის კენჭს. 

პირველ ეტაპზე იუსტიციის უმაღლესი საბჭო ჩაატარებს ფარულ კენჭისყრას კანდიდატების შესარჩევად. მათი რაოდენობა ვაკანსიების რაოდენობას სამჯერ უნდა აღემატებოდეს.

შემდეგ იუსტიციის უმაღლესი საბჭო თითოეულ კანდიდატს გაესაუბრება საჯაროდ და შეამოწმებს ინფორმაციას მათ შესახებ.

შემდგომ ეტაპზე, გასაუბრების შედეგად, მცირდება კანდიდატების რაოდენობა უზენაეს სასამართლოში ვაკანტური ადგილების შესაბამისად.

ბოლო ეტაპია კენჭისყა, რათა საბოლოოდ შერჩეული კანდიდატები პარლამენტს დასამტკიცებლად წარუდგინონ. სიაში ხვდება ის, რომელსაც იუსტიციის უმაღლესი საბჭოს წევრთა 2/3 მისცემს ხმას.

13
ვალუტის გადამცვლელი პუნქტი

ლარის კურსი 25 ნოემბერს

17
(განახლებულია 08:13 25.11.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,012 ლარით გაუფასურდა.

თბილისი, 25 ნოემბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3193GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,012 ლარით გაუფასურდა. 

ლარის კურსი 25 ნოემბერს
17
თემები:
ლარის კურსი დღეს