პრემიერი გიორგი გახარია

გახარია: ვიცავდი ყველა წესს, თუმცა უფრო მეტი ყურადღება უნდა გამომეჩინა

221
ინფიცირების შემთხვევაში მშვიდად უნდა მისდიოთ ექიმების რჩევებსმ შესაძლებლობის შემთხვევაში იმკურნალოთ სახლში, ხოლო გართულების დროს – საავადმყოფოში, გვირჩევს პრემიერი

თბილისი, 6 ნოემბერი – Sputnik. საქართველოს პრემიერ–მინისტრის გიორგი გახარიას ჯანმრთელობის მდგომარეობა, რომელიც კორონავირუსით არის ინფიცირებული, უკეთესია, ის სახლში განაგრძობს მკურნალობს. ამის შესახებ პრემიერმა ტელეკომპანია „იმედთან“ ინტერვიუს დროს განაცხადა.

პრემიერი თვითიზოლაციაში 31 ოქტომბერს გადავიდა. ორ დღეში ცნობილი გახდა, რომ მას კორონავირუსი დაუდასტურდა.

„ჯანმრთელობის მდგომარეობა გაცილებით უკეთესია, ვიმყოფები სახლში, ვმკურნალობ სახლის პირობებში, სრულად ვასრულებ ოჯახის ექიმის რეკომენდაციებს და ვცდილობ, რაც შეიძლება სწრაფად მოვახერხო სამსახურში დაბრუნება“, – განაცხადა გახარიამ.

ჟურნალისტის კითხვაზე, თუ რატომ ვერ მოახერხა მან ვირუსისგან თავის დაცვა, მთავრობის მეთაურმა უპასუხა, რომ ვირუსი არ ცნობს არც თანამდებობას და არც პოლიტიკურ გემოვნებას.

„რა თქმა უნდა, ვცდილობდი და ვიცავდი ყველა წესს, რომელსაც ეპიდემიოლოგები გვირჩევდნენ, თუმცა როგორც ჩანს, კიდევ უფრო მეტი ყურადღება უნდა გამომეჩინა და ეს არის კიდევ ერთი მაგალითი ჩვენი თითოეული მოქალაქისთვის, რამდენად დიდი მნიშვნელობა აქვს, ზედმიწევნით დავიცვათ ყველა წესი, რომელსაც ეპიდემიოლოგები გვიდგენენ“, – აღნიშნა პრემიერმა.

მისი თქმით, ეს ვირუსის შეჩერების ერთადერთი ყველაზე სწორი გზაა. პრემიერმა აღნიშნა, რომ ინფიცირების შემთხვევაშიც არაფერია საგანგაშო, მშვიდად უნდა მივყვეთ ექიმის რჩევებს, ვიმკურნალოთ, თუ შესაძლებელია ბინაზე ან კოვიდ-სასტუმროში და მხოლოდ და მხოლოდ გართულებულ შემთხვევაში – ჰოსპიტალებში.

კორონავირუსმა ქართველ პოლიტიკოსებთანაც უკვე დიდი ხანია, შეაღწია. ამ დროისთვის ინფიცირებულია მთავრობის რამდენიმე წევრი და ზოგიერთი ოპოზიციონერი ლიდერი.

ბოლო ორ თვეში საქართველოში მკვეთრად გაუარესდა ეპიდემიური ვითარება. ბოლო მონაცემებით, ქვეყანაში ინფიცირებულთა რაოდენობა 52 ათასს მიუახლოვდა, ხოლო ბოლო დღე–ღამეში რეკორდული მაჩვენებელი – 2775 შემთხვევა დაფიქსირდა. ხელისუფლება მოქალაქეებს მოუწოდებს, მაქსიმალურად შეიკავონ თავი მასობრივი შეკრებებისგან და დაიცვან უსაფრთხოების ზომები.

221
თემები:
COVID-19 საქართველოში (2607)
სასწრაფო დახმარება

საქართველოში ერთ საღამოს ქვეითთან შეჯახების ორი შემთხვევა მოხდა: არის მსხვერპლი

40
1 იანვრიდან 30 სექტემბრამდე ქვეითთან შეჯახების 802 შემთხვევა მოხდა, დაიღუპა 77 ადამიანი, დაშავდა გაცილებით მეტი - 776.

თბილისი, 1 დეკემბერია - Sputnik. აღმოსავლეთ საქართველოში ქვეითთან შეჯახების ერთბაშად ორი შემთხვევა მოხდა, დაიღუპა ერთი ადამიანი.

პირველი არხის მონაცემებით, რუსთავში Chevrolet-ის მარკის ავტომობილი ქვეითად მოსიარულე 60 წლამდე ქალს დაეჯახა, რომელიც ადგილზე გარდაიცვალა.

შედარებით გაუმართლა მამაკაცს, რომელსაც ავტომობილი ყვარლის მუნიციპალიტეტის სოფელ შილდაში მისსავე საცხოვრებელი სახლის წინ შეეჯახა. ის მძიმე მდგომარეობაში კლინიკაში გადაიყვანეს.

ქვეითთან შეჯახება - საკმაოდ გავრცელებული მოვლენაა საქართველოში. 1 იანვრიდან 30 სექტემბრამდე პერიოდში 802 ასეთი შემთხვევა მოხდა, დაიღუპა 77 ადამიანი, დაშავდა გაცილებით მეტი - 776.

სულ ამ პერიოდში მოხდა 3 644 ავარია, რომელსაც მძიმე შედეგები მოჰყვა. ავარიებმა 337 ადამიანის სიცოცხლე იმსხვერპლა, 5 ათასზე მეტი ადამიანი კი  დაშავდა.

საქართველოში ავტოავარიების ყველაზე ხშირი მიზეზია შემხვედრ ზოლზე გასვლა ან გასწრების წესების დარღვევა. მეორე ადგილზე სიჩქარის გადაჭარბებაა, მესამე ადგილზე - დისტანციის დარღვევა მოძრაობისას.

40
თემები:
შემთხვევები საქართველოში
ცესკო

არჩევნების შედეგების გამოცხადების თარიღი ცნობილია: რას მოიმოქმედებს ოპოზიცია

32
საბოლოო შედეგების შეჯამების შემდეგ საქართველოს პრეზიდენტი 10 დღის განმავლობაში მეათე მოწვევის პარლამენტის პირველ სხდომას დანიშნავს

თბილისი, 1 დეკემბერი – Sputnik. ცენტრალური საარჩევნო კომისია 3 დეკემბრის სხდომაზე საპარლამენტო არჩევნების საბოლოო შედეგებს შეაჯამებს, ნათქვამია უწყების განცხადებაში.

ცესკოს ვებგვერდზე განთავსებული განცხადების თანახმად, სხდომაზე დაგეგმილია მაჟორიტარული არჩევნების მეორე ტურის შედეგების და საპარლამენტო არჩევნების საერთო შედეგების შეჯამება.

საქართველოში საპარლამენტო არჩევნები 31 ოქტომბერს ჩატარდა. შედეგად, 30 მაჟორიტარული ოლქიდან 17-ში დაინიშნა მეორე ტური. 22 ნოემბერს მაჟორიტარ დეპუტატთა არჩევნების მეორე ტური გაიმართა. ოპოზიციის კანდიდატებმა უარი თქვეს მასში მონაწილეობაზე, თუმცა ნომინალურად მაინც იყვნენ ბიულეტენებში.

საბოლოო შედეგების შეჯამების შემდეგ, საქართველოს პრეზიდენტი სალომე ზურაბიშვილი მეათე მოწვევის პარლამენტის პირველ სხდომას დანიშნავს. ამისთვის მას 10 დღე ექნება.

რთული არჩევნები

ოფიციალური შედეგების თანახმად, ქვეყნის მმართველმა პარტიამ პირველად საქართველოს პოლიტიკურ ისტორიაში ძალაუფლების შენარჩუნება შეძლო.

წინასწარი გათვლებით, პარტია „ქართული ოცნება - დემოკრატიულ საქართველოს" ქვეყნის საკანონმდებლო ორგანოში 90 ადგილი ექნება, რაც მას საშუალებას მისცემს პარლამენტის თავმჯდომარე და კომიტეტის თავმჯდომარეები აირჩიოს, ჩამოაყალიბოს მთავრობა და მიიღოს ნებისმიერი კანონი, ოპოზიციასთან შეთანხმების გარეშე.

რვა ოპოზიციური პარტია და ბლოკი, რომლებმაც საარჩევნო ბარიერი გადალახეს, გაინაწილებენ დარჩენილ 60 ადგილს და გავლენის მოხდენას მხოლოდ საქართველოს კონსტიტუციასა და მიწის შესახებ კანონში ცვლილებების მიღებაზე შეძლებენ.

ამასთან, ოპოზიცია არ ეთანხმება არჩევნების შედეგებს და ამტკიცებს, რომ მმართველმა პარტიამ გამოიყენა თავისი გავლენა ცესკოში და არჩევნები გააყალბა. უფრო მეტიც, ოპოზიციური პარტიები არ აპირებენ თავიანთი საპარლამენტო მანდატების გამოყენებას და თავიანთი პროპორციული სიების ჩახსნას აპირებენ.

გარდა ამისა, ბოლო რამდენიმე დღის განმავლობაში ოპოზიციამ აქტიური კონსულტაციები დაიწყო აქციის მომზადებაზე, რომელიც პარლამენტის სხდომის პირველ დღეს გაიმართება. ის ჩატარდება მეტეხის ტაძრის ეზოში, სადაც პარლამენტში შესული ოპოზიციონერი დეპუტატები ხელს მოაწერენ მემორანდუმს, რომ არ შევლენ პარლამენტში და რიგგარეშე სამართლიან არჩევნებს მოითხოვენ.

ოპოზიციის მხრიდან საბოლოო ბოიკოტამდე, საერთაშორისო შუამავლები - ევროკავშირისა და აშშ-ს საელჩოები კვლავ ცდილობენ იპოვონ კომპრომისი მმართველ პარტიასა და ოპოზიციას შორის, რათა მან მანდატებზე უარი არ თქვას.

მხარეებმა უკვე ჩაატარეს მოლაპარაკებების ორი რაუნდი, რომელიც ოპოზიციის მხრიდან რიგგარეშე არჩევნების მოთხოვნით დასრულდა. რაც შეეხება მმართველ პარტიას, „ქართულმა ოცნებამ“ თავისი წინადადებები უნდა წარადგინოს მოლაპარაკებების მესამე რაუნდში, რომლის თარიღი ჯერ არ არის ჩანიშნული.

იმავდროულად, პარლამენტის პირველი სხდომა უნდა ჩატარდეს 13 დეკემბრამდე და თუ შეთანხმება ვერ იქნება მიღწეული, მას მხოლოდ და მხოლოდ პარტია „ქართული ოცნება - დემოკრატიული საქართველო“ დაესწრება და პარლამენტის მთელ სტრუქტურას თავისი რიგებიდან აირჩევს.

ამ შემთხვევაში პარლამენტში იქნება 90 კაციანი ერთი ფრაქცია, რომელიც მომდევნო ოთხი წლის განმავლობაში გამართავს სხდომებს და მიიღებს ყველა კანონს ოპონენტების კრიტიკის გარეშე.

მისი პირველი ორი გადაწყვეტილება იქნება მინისტრთა კაბინეტის დამტკიცება და 2021 წლის ბიუჯეტის მიღება.

32
თემები:
საქართველოს საპარლამენტო არჩევნები 2020
სულისა და სხეულის ჰარმონია- ქალი ზღვის პირას

2021 წლის ჰოროსკოპი: სასწორი ფინანსები, სიყვარული, ჯანმრთელობა

0
(განახლებულია 11:11 01.12.2020)
როგორი იქნება 2021 წელი სასწორებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

ასტროლოგების აზრით, 2021 წელს ვითარება გაუმჯობესდება და წელი უფრო მშვიდი იქნება, ვიდრე 2020 ნაკიანი წელიწადი. და მაინც, ხარის წელიწადს მოდუნება არ ივარგებს, რადგან ამ წლის მფარველი კეთილგანწყობილია მათ მიმართ, ვისაც შრომა უყვარს და პასუხისმგებლობას არ გაურბის.

ასე რომ, სასწორის ნიშნით დაბადებულებს 2021 წელს ბევრში შრომა მოგიწევთ. მთავარია, თქვენი ენერგია და ძალა საჭირო მიმართულებით დახარჯოთ.

სასწორები საჭიროებენ განმარტოებას, რათა დაფიქრდნენ ამ ცხოვრებაზე და მშვიდ ვითარებაში შეადგინონ მოქმედებების გეგმა. მაგრამ 2021 წელს ასტროლოგები აქტიურ მოქმედებებს ურჩევენ მათ, წინააღმდეგ შემთხვევაში საკუთარ სამყაროში დიდი ხნით ყოფნა და უმოქმედობა, შესაძლოა, არაერთი უსიამოვნების მიზზი გახდეს.

მამაკაცი სასწორი

სასწორ მამაკაცებს 2021 წელს დაგეხმარებათ სერიოზული საკითხების გადაწყვეტისადმი არასტანდარტული დამოკიდებულების უნარი. ამ წელს ხელს შეგიშლით დიდხანს ფიქრი, ასევე იმპულსურობა და ცვალებადობა. სირთულეებთან გამკლავებაში საკუთარ საქციელზე პასუხისმგებლობის აღება დაგეხმარებათ. თუ ისწავლით უარყოფით ემოციებთან გამკლავებას და ამპარტავნებას მოთოკავთ, თეთრი ხარი თქვენთვის საიმედო მფარველი გახდება.

ზოდიაქოს ნიშნები, რომლებსაც ამ სამყაროში ჰარმონია და წონასწორობა შემოაქვთ>>

ფინანსები და სამუშაო: ასტროლოგები გირჩევენ, მოერიდოთ დაუსრულებელ საქმეებს, რომლებსაც ბევრი ძალა და ენერგია მიაქვს და ხელს გიშლით ახალი იდეების ხორცშესხმაში, რადგან საამისოდ დრო აღარ გყოფნით. ფინანსური მხარე პოზიტიური იქნება, თუ სამუშაოს არ შეუშინდებით და ვალებს მინიმუმამდე დაიყვანთ. მოერიდეთ საეჭვო გარიგებებს – გაქვთ იმის უნარი, რომ ადამიანების ზრახვები ამოიცნოთ.

სიყვარული და ურთიერთობები: სასწორებს ურთიერთობების ახლებურად აწყობა მოგიწევთ – კომპრომისული გადაწყვეტილებების მიღწევითა და იმის აღიარებით, რომ პარტნიორსაც აქვს ხმის უფლება. წარმატება პირად ცხოვრებაში ელოდება მათ, ვინც მზადაა ცვლილებებისთვის და რჩეულთან ერთად კეთილდღეობის გზაზე სიარულისთვის. წინააღმდეგ შემთხვევაში ურთიერთობები შეიძლება დასრულდეს.

განწყობა და ჯანმრთელობა: 2021 წელს თქვენი განწყობაცა და ჯანმრთელობაც სათანადო დონეზე იქნება, მაგრამ ეს არ ნიშნავს, რომ ჯანმრთელობაზე ზრუნვა აღარ გჭრიდებათ. საშიშროება ემუქრება მათ, ვინც ძალიან ბევრს მუშაობს და გადაღლას ყურადღებას არ აქცევს. დროული დასვენება და ფიზიკური დატვირთვები სასარგებლოა როგორც ჯანმრთელობის, ისე კარგი განწყობის შესანარჩუნებლად.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ქალი სასწორი

ასტროლოგები გირჩევენ, „არას“ თქმა ისწავლოთ როგორც საკუთარი წამიერი სურვილების, ისე ტოქსიკური ადამიანებისთვის. ახალ წელს ვინც თავის სისუსტეებს აჰყვება, ფინანსური გაჭირვება ელოდება, ხოლო თუ ტოქსიკურ ადამიანებს დროულად არ შეაჩერებთ, უსიამოვნებების კასკადი გარდაუვალი გახდება. პრობლემებთან გამკლავებაში თავდაჯერებულობა დაგეხმარებათ.

ფინანსები და სამუშაო: ნუ ეცდებით, მთელი ოჯახის ბიუჯეტი თქვენ შეავსოთ. ამ შემთხვევაში ძლიერი გადაღლა და ძალების გამოფიტვა გელოდებათ, ასევე გახდებით გაღიზიანებული. წარმატება ერთბაშად არ მოვა, თუმცა, თუ დროულად დაისვენებთ და ამასთან, ისწავლით ერთპიროვნული გადაწყვეტილებების მიღებას დაყოვნების გარეშე, წარმატებაც მალე გეწვევათ.

სიყვარული და ურთიერთობები: ურთიერთობებში ჰარმონიას ვერ მიაღწევთ, თუ ყველას გულის მოგებას შეეცდებით. მკაფიოდ უნდა გამოკვეთოთ თქვენი პოზიცია, რათა დროულად გაიყვანოთ თქვენი საურთიერთობო წრიდან ის ადამიანები, რომლებსაც თქვენთვის ბედნიერებისა და კეთილდღეობის მოტანა არ შეუძლია. ეს ეხება როგორც ახლობელ ადამიანებთან, ისე კოლეგებთან ურთიერთობებს.

ინდივიდუალური დიეტა ზოდიაქოს ნიშნებისთვის>>

განწყობა და ჯანმრთელობა: ხარის წელიწადში თქვენს განწყობასა და ჯანმრთელობას სერიოზული საფრთხეები არ ელოდება, მაგრამ პოზიტიური განწყობა უნდა შეინარჩუნოთ არა მხოლოდ მაშინ, როცა ყველაფერი კარგად მიდის, არამედ მაშინაც, როცა რთული დრო გიდგათ. ასევე ასტროლოგების რჩევაა, გადახედოთ კვების რაციონს და მასში რაც შეიძლება მეტი სასარგებლო პროდუქტი შეიტანოთ. ეს დაგეხმარებათ, რომ დატკბეთ აქტიური ცხოვრებით და თან ახალგაზრდული იერი შეინარჩუნოთ.

გაეცანით ასევე 2021 წლის ჰოროსკოპს ვერძებისკუროებისტყუპებისკირჩხიბების, ლომებისა და ქალწულებისთვის.

0