გიორგი გახარია

გახარია: ყველანაირი შესაძლებლობა გვაქვს, რომ მეორე ტალღასაც წარმატებით გავუმკლავდეთ

329
(განახლებულია 20:25 12.10.2020)
სექტემბრის დასაწყისიდან საქართველოში მკვეთრად იმატა კორონავირუსით ინფიცირებულთა რაოდენობამ. ბოლო მონაცემებით, ქვეყანაში COVID-19-ის დადასტურებული შემთხვევები 12 ათასს აღემატება.

თბილისი, 12 ოქტომბერი – Sputnik. ჩვენ ყველანაირი შესაძლებლობა გვაქვს იმისთვის, რომ რა წარმატებითაც გავუმკლავდით ვირუსის პირველ ტალღას, ასევე გავუმკლავდეთ მეორესაც და ვიყოთ წარმატებული ქვეყნების მოწინავე რიგებში, განაცხადა საქართველოს პრემიერ-მინისტრმა გიორგი გახარიამ ბორჯომში „ქართული ოცნების“ მაჟორიტარი დეპუტატობის კანდიდატის ანტონ ობოლაშვილის წარდგენისას.

გახარიამ ახალციხეში, ადიგენში, ბორჯომსა და ასპინძაში მაჟორიტარობის კანდიდატის წარდგენის ღონისძიებაზე ქვეყანაში არსებულ ეპიდსიტუაციაზე ისაუბრა და აღნიშნა, რომ ამ ეტაპზე ძირითადი მიზანი ეკონომიკის რაც შეიძლება სწრაფად აღდგენაა.

„მესმის და ყველას გვესმის, რომ ტურისტი დაგვაკლდა, კოვიდის გამო მთლიანად მსოფლიოში მოგზაურობა შემცირდა, მაგრამ ეს ხომ დროებითია, ყველა ხომ კარგად ხვდებით, რომ ჩვენ პირველ ტალღას გავუმკლავდით, როგორც ერთ-ერთი საუკეთესო ქვეყანა ევროპაში. ჩვენ ყველანაირი შესაძლებლობა გვაქვს იმისთვის, რომ მეორე ტალღის გამკლავებაშიც ვიყოთ წარმატებული ქვეყნების მოწინავე რიგებში. ძირითადი მიზანი არის ის, რომ სწრაფად დავიწყოთ ეკონომიკის აღდგენა და სწრაფად აღვადგინოთ სამუშაო ადგილები“, – განაცხადა პრემიერმა.

მთავრობის მეთაურმა მოახლოებულ საპარლამენტო არჩევნებზეც ისაუბრა და განაცხადა, რომ მიუხედავად მძიმე ეკონომიკური და ეპიდემიოლოგიური პირობებისა, 31 ოქტომბრის არჩევნები მშვიდ, ღირსეულ და ყველა სახის ძალადობისგან თავისუფალ გარემოში უნდა ჩატარდეს.

გამყრელიძე: პოლიტიკოსებს მოვუწოდებ, შეხვედრები ღია სივრცეში პირბადის გამოყენებით გამართონ>>

სექტემბრის დასაწყისიდან საქართველოში მკვეთრად იმატა კორონავირუსით ინფიცირებულთა რაოდენობამ. ბოლო დღეების ყოველდღიური მაჩვენებელი 500-ის ფარგლებში მერყეობს. 

ამ დროისათვის საქართველოში კორონავირუსის 12 272 შემთხვევაა დადასტურებული, გამოჯანმრთელებულია 6 538 ადამიანი, 93 პაციენტი კი გარდაიცვალა.

329
თემები:
საქართველოს საპარლამენტო არჩევნები 2020 (244)
თბილისის ერთ-ერთი ღამის კლუბი

თბილისში ღამის ბარების მფლობელების წინააღმდეგ სისხლის სამართლის საქმე აღიძრა

22
ობიექტების წამომადგენლების თქმით, ბარები ერთ-ერთი პოლიტიკური პარტიის შტაბი იყო, თუმცა შესაბამისი დამადასტურებელი დოკუმენტები ობიექტების მესაკუთრეებს საგამოძიებო უწყებისთვის არ წარუდგენიათ.

თბილისი, 19 ოქტომბერი – Sputnik. საქართველოს შინაგან საქმეთა სამინისტრომ თბილისში მდებარე კვების ობიექტებში იზოლაციის და კარანტინის წესის დარღვევის ორ ფაქტზე გამოძიება დაიწყო, ნათქვამია უწყების განცხადებაში.

სექტემბრის დასაწყისიდან საქართველოში ეპიდემიოლოგიური სიტუაცია მკვეთრად გაუარესდა. ინფიცირებულთა დღე-ღამური მატება უკვე ოთხნიშნა რიცხვებში აისახება. ამასთან დაკავშირებით 15 ოქტომბრიდან თბილისში, ბათუმში და იმერეთის რეგიონში არსებული ბარები და რესტორნები შეზღუდულ რეჟიმზე გადავიდნენ - ისინი სტუმრებს მხოლოდ 07:00 საათიდან 22:00 საათამდე პერიოდში ემსახურებიან.

შსს-ს ინფორმაციით, დარღვევები დაფიქსირდა კომპანია „ათონელის" კუთვნილ კვების ობიექტსა და ბარ FELLERS-ში, რომელიც კოტე აფხაზის ქუჩაზე მდებარეობს.

გამოძიებით დადგინდა, რომ აღნიშნული კვების ობიექტები 22:00 საათის შემდეგ განაგრძობდნენ ეკონომიკურ საქმიანობას. ობიექტების წამომადგენლების განცხადებით, ორივე ბარი ერთ-ერთი პოლიტიკური პარტიის შტაბი იყო, რისი დამადასტურებელი დოკუმენტაციაც ობიექტების მესაკუთრეებს საგამოძიებო უწყებისთვის არ წარუდგენიათ.

იზოლაციის და კარანტინის წესის დარღვევის ორივე ფაქტზე გამოძიება საქართველოს სსკ-ის 248-ე პრიმა მუხლით მიმდინარეობს, რაც ფიზიკური პირის შემთხვევაში 3 წლამდე ვადით თავისუფლების აღკვეთას ითვალისწინებს, ხოლო იურიდიული პირი ისჯება ჯარიმით, საქმიანობის უფლების ჩამორთმევით ან ლიკვიდაციითა და ჯარიმით.

22
თემები:
COVID-19 საქართველოში
პაციენტი რეანიმაციაში

კულუმბეგოვი: როდის ხდება აუცილებელი კოვიდინფიცირებული პაციენტის ჰოსპიტალიზაცია

87
ცნობილმა ქართველმა ექიმმა კორონავირუსით დაავადებულ ადამიანებს ურჩია ბევრი სითხის მიღება და შეძლებისდაგვარად მუცელზე ძილი.

თბილისი, 19 ოქტომბერი – Sputnik. თუ ადამიანს მოსვენებულ მდგომარეობაში სუნთქვის გაძნელება აქვს, ის დაუყოვნებლივ უნდა გადაყვანილ იქნას საავადმყოფოში, აცხადებს ცნობილი ქართველი ექიმი-ალერგოლოგი ბიძინა კულუმბეგოვი.

მისი თქმით, კორონავირუსის შემთხვევების 80% არის მსუბუქი ან საშუალო ფორმა, რომელთა მართვაც სახლში შესაძლებელია. თუმცა რისკჯგუფებში შემავალი პირები - ონკოპაციენტები, ასაკოვნები, ქრონიკული დაავადების მატარებლები, ჰიპერტენზიის და დიაბეტის მქონე პირები, თუნდაც კორონავირუსისთვის დამახასიათებელი მინიმალური სიმპტომებით, ოჯახის ექიმთან უფრო მეტ და ახლო კომუნიკაციაში უნდა იყვნენ.

ასევე, კულუმბეგოვი აცხადებს, რომ კორონავირუსის ყველაზე საშიში სიმპტომია სუნთქვის გაძნელება, რადგან ის ფილტვის ქსოვილს აზიანებს. და ეს სუნთქვის გაძნელებაც არის სხვადასხვაგვარი.

„სუნთქვის გაძნელება შეიძლება იყოს მსუბუქი, საშუალო და მძიმე. თუ თქვენ მოსვენებულ მდგომარეობაში, წამოწოლილი ან დამჯდარი არავითარ სუნთქვის გაძნელებას არ გრძნობთ, გრძნობთ მაშინ, როცა გაქვთ ძლიერი ფიზიკური აქტივობა, როგორიცაა კიბეზე ან აღმართზე ასვლა, ეს ნორმალურია, დასაშვებია. ხოლო, თუ სუნთქვის გაძლებას ან გულმკერდის არეში გრძნობთ ტკივილს მოსვენებულ მდგომარეობაში, როცა არაფერს  აკეთებთ, ეს იმას ნიშნავს რომ ამ ადამიანებისთვის უკვე მნიშვნელოვანია მოხდეს ჰოსპიტალიზაცია დაუყოვნებლივ“, - განაცხადა კულუმბეგოვმა.

რაც შეეხება მედიკამენტებს, რომელთა მიღება შეუძლიათ სახლში მყოფ კოვიდინფიცირებულებს, კულუმბეგოვის თქმით, ეს არის სიცხის დამწევი - პარაცეტამოლი, ასევე ტკივილის შემთხვევაში შეიძლება ტკივილგამაყუჩებლების მიღება.

მან ასევე კორონავირუსით დაავადებულ ადამიანებს ურჩია ბევრი სითხის მიღება და შეძლებისდაგვარად მუცელზე ძილი.

„სასურველია, რაც შეიძლება მეტი სითხის მიღება. თუ ადამიანს აქვს ხველა, უძნელდება სუნთქვა და არის სახლში, აუცილებელია, შეეცადოს ძილის დროს დაიძინოს მუცელზე და არა ზურგზე. ეს არის სასუნთქი სისტემის და ფილტვის უკეთესი ფუნქციონირებისთვის საუკეთესო“, – განაცხადა კულუმბეგოვმა.

საქართველოში კორონავირუსით ინფიცირების ყოველდღიური მაჩვენებელი უკვე ათასს აჭარბებს, ხოლო ყველაზე მეტი შემთხვევა თბილისში, აჭარასა და იმერეთში დასტურდება.

COVID-19 საქართველოში: ეყოფათ თუ არა პაციენტებს ადგილები საავადმყოფოებში >>

ბოლო 24 საათში 1186 ახალი შემთხვევა გამოვლინდა და ინფიცირებულთა საერთო რიცხვმა 18663-ს მიაღწია.  ბოლო 24 საათში საქართველოში კორონავირუსით შვიდი პაციენტი გარდაიცვალა და მათი საერთო რაოდენობა 143-მდე გაიზარდა. სულ გამოჯანმრთელდა 8338 ადამიანი. კარანტინის რეჟიმში იმყოფება 6407, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1420 ადამიანი იმყოფება.

ახალი კორონავირუსი საქართველოში პირველად 26 თებერვალს დაფიქსირდა.

87
თემები:
COVID-19 საქართველოში
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0