სტადიონი

ინვესტორები კონფლიქტის ზონაში: ერგნეთში სპორტული ინფრასტრუქტურა მოეწყობა

32
(განახლებულია 18:59 10.10.2020)
„სპორტი საზღვრებს გარეშე“ საუკეთესო საშუალებაა დროებით გამყოფ ხაზთან მცხოვრები ქართველებისა და ოსების შერიგების თვალსაზრისით

თბილისი, 10 ოქტომბერი – Sputnik. ერგნეთში, კონფლიქტის ზონაში, დროებით გამყოფ ხაზთან გამართული საერთაშორისო სამშვიდობო-სპორტული ღონისძიების შემდეგ, სოფელში სპორტული ინფრასტრუქტურის მოწყობაში თანადგომის სურვილი ორმა ინვესტორმა გამოთქვა, იუწყება საზოგადოებრივი მაუწყებლის პირველი არხი.

საერთაშორისო სამშვიდობო-სპორტული ღონისძიება ერგნეთში სექტემბერში ჩატარდა.

გავრცელებული ინფორმაციით, აღნიშნული საკითხით „ევრომასტერის“ გენერალური დირექტორი პაატა რუსაძე და საქართველო-თურქეთის ინვესტორთა ასოციაციის პრეზიდენტი ოსმან მჟავანაძე დაინტერესდნენ.

„დაგვიკავშირდა ორი ინვესტორი. კომპანია ევრომასტერის გენერალური დირექტორი პაატა რუსაძე პროექტში სადრენაჟო სისტემის მოწყობით შემოდის, ხოლო საქართველო-თურქეთის ინვესტორთა ასოციაციის პრეზიდენტი ოსმან მჟავანაძე ხელოვნური საფარის შესყიდვით. მინდა აღვნიშნო, რომ ინვესტორებთან ურთიერთობა გარკვეული პერიოდის განმავლობაში მიმდინარეობდა, შეთანხმებას კი ახლა მივაღწიეთ“, — ამბობს საქართველოს სამშვიდობო ორგანიზაცია „ქართლის“ დირექტორი გიორგი სამხარაძე.

მისი განცხადებით, „სპორტი საზღვრებს გარეშე“ საუკეთესო საშუალებაა დროებით გამყოფ ხაზთან მცხოვრები ქართველებისა და ოსების შერიგების თვალსაზრისით, სამოქალაქო დიპლომატიის ხელშესაწყობად და ასევე ახალგაზრდების განსავითარებლად.

გიორგი სამხარაძის თქმით, პროექტს მხარს ევროკავშირი უჭერს.

32
სასწრაფო დახმარება

საქართველოში კორონავირუსით ექიმი გარდაიცვალა

11
ბოლო მონაცემებით, საქართველოში ახალი კორონავირუსით დაავადებულთა რაოდენობამ 28431 -ს მიაღწია. სულ გამოჯანმრთელდა 10767 ადამიანი

 

თბილისი, 26 ოქტომბერი - Sputnik. თბილისში, კლინიკა „ჯერარსში"  კორონავირუსით ექიმი გარდაიცვალა, იუწყება ტელეკომპანია „რუსთავი“.

კლინიკის ინფორმაციით, მედპერსონალი მათი თანამშრომელი არ არის და ის ერთ-ერთი რეგიონიდან უმძიმეს მდგომარეობაში გადმოიყვანეს.

გავრცელებული ინფორმაციით, გარდაცვლილი „სასწრაფო დახმარების“ ექიმია. სხვა დეტალები ამ დროისთვის უცნობია.

ბოლო მონაცემებით, საქართველოში ახალი კორონავირუსით დაავადებულთა რაოდენობამ 28431 -ს მიაღწია. სულ გამოჯანმრთელდა 10767 ადამიანი, გარდაიცვალა – 201, კარანტინის რეჟიმშია 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში 2268 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

11
თემები:
COVID-19 საქართველოში
საკლასო ოთახი

თბილისის №161 საჯარო სკოლა დისტანციურ სწავლებაზე გადადის

23
(განახლებულია 09:00 26.10.2020)
ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ზოგიერთ ქალაქსა და სოფელში სასწავლო პროცესი დისტანციურ რეჟიმში მიმდინარეობს.

თბილისი, 26 ოქტომბერი  — Sputnik. თბილისის №161 სკოლის დაწყებითი კლასის მასწავლებელს კორონავირუსი დაუდასტურდა, იუწყება ტელეკომპანია „რუსთავის 2“.

გავრცელებული ინფორმაციით, პედაგოგთან კონტაქტში მყოფი ყველა პირი ამ დროისთვის თვითიზოლაციაშია გადასული, სკოლის შენობაში კი სადეზინფექციო ღონისძიებები  ჩატარდება. 

სკოლის ადმინისტრაციის განმარტებით, პედაგოგი შეუძლოდ ხუთშაბათს გახდა, მოგვიანებით კი ვირუსი დაუდასტურდა. აღნიშნულიდან გამომდინარე, სკოლა სწავლის დისტანციურ რეჟიმზე გადადის.

„მასწავლებელმა გუშინ საღამოს მაცნობა რომ დაუდასტურდა ვირუსი და  კოვიდ–სასტუმროში შვილთან ერთად გადაიყვანეს. ინფორმაცია ვაცნობე დირექტორს. გადაწყვეტილება იქნა მიღებული, რომ მთელი სკოლა გადავა დისტანციურ სწავლებაზე“, – განაცხადა სკოლის დირექტორის მოადგილე როზა კაკულიამ.

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ზოგიერთ ქალაქსა და სოფელში სასწავლო პროცესი დისტანციურ რეჟიმში მიმდინარეობს.

საქართველოში ბოლო მონაცემებით, ახალი კორონავირუსით დაავადებულთა რაოდენობამ  28431-ს მიაღწია. ამ დროისათვის სულ გამოჯანმრთელდა 10767 ადამიანი, გარდაიცვალა – 201.

საქართველოში კორონავირუსის პირველი შემთხვევა 26 თებერვალს დაფიქსირდა.

23
თემები:
COVID-19 საქართველოში
ლევან მატიაშვილი

ქართველმა ძიუდოისტებმა ბუდაპეშტში ორი მედალი  მოიპოვეს

0
(განახლებულია 10:22 26.10.2020)
„დიდი სლემის“ ტურნირზე ბუდაპეშტში გამართულ ტურნირზე საქართველოს ნაკრები ექვსი ძიუდოისტით იყო წარმოდგენილი.

თბილისი, 26 ოქტომბერი  – Sputnik.  ქართველმა ძიუდოისტებმა ლევან მატიაშვილმა და გელა ზაალიშვილმა  ბუდაპეშტში გამართულ „დიდი სლემის“ სერიის ტურნირზე ბრინჯაოს მედლები მოიპოვეს.

ორივე სპორტსმენმა +100 კგ წონით კატეგორიაში მესამე ადგილი დაიკავეს. მატიაშვილმა ისრაელის წარმომადგენელ ორ სასონს სძლია, ზაალიშვილმა კი ნიდერლანდების წარმომადგენელი იურ  სპიკერსი დაამარცხა. 

ბუდაპეშტში გამართულ ტურნირზე საქართველოს ნაკრები ექვსი ძიუდოისტით იყო წარმოდგენილი. სამწუხაროდ, ბაგრატ ნინიაშვილმა (-66 კგ), ფრიდონ გიგანმა, ლაშა შავდათუაშვილმა (ორივე -73 კგ) და ავთო ჭრიკიშვილმა (-90 კგ)  საპატიო კვარცხლბეკზე ასვლა ვერ მოახერხეს.

საერთოგუნდურ ჩათვლაში საქართველოს ნაკრებმა მერვე ადგილი დაიკავა. გამარჯვებულები გახდნენ რუსეთის(ხუთი ოქროს და ოთხი ვერცხლის მედალი) წარმომადგენლები.

კორონავირუსის პანდემიის გამო IJF–ის ეგიდით ძიუდოში შეჯიბრებები მიმდინარე წლის მარტის დასაწყისიდან არ ჩატარებულა. მოსალოდნელია, რომ წლის ბოლომდე „დიდი სლემის“ სერიიდან კიდევ ერთი ტურნირი  ჩატარდება, რომელიც ტოკიოში 11–13 დეკემბრის პერიოდშია დაგეგმილი.

0
თემები:
სპორტის ამბები