სმარტფონი

გახარია: ყველას მოგიწოდებთ, მაქსიმალურად ისარგებლოთ აპლიკაციით Stop Covid

68
(განახლებულია 15:03 08.10.2020)
აპლიკაციის დახმარებით შესაძლებელია სტრუქტურა დალაგდეს ისე, რომ სტაციონარში მივიდეს მხოლოდ ის ადამიანი, ვისაც სტაციონარი სჭირდება, განაცხადა პრემიერმა.

თბილისი, 8 ოქტომბერი – Sputnik. მაქსიმალურად ისარგებლეთ აპლიკაციით Stop Covid, რომელიც ინფიცირებულ პირთან შესაძლო კონტაქტის შესახებ აფრთხილებს მოსახლეობას, განაცხადა საქართველოს პრემიერ-მინისტრმა გიორგი გახარიამ.

მთავრობის ადმინისტრაციაში გიორგი გახარია და საქართველოს ჯანდაცვის მინისტრი ეკატერინე ტიკარაძე კლინიკების წარმომადგენლებს შეხვდნენ. შეხვედრაზე პრემიერმა მოისმინა კლინიკების წარმომადგენლებისა და მედიკოსების კონკრეტული მოსაზრებები და რეკომენდაციები საქართველოს მასშტაბით არსებულ კლინიკებში კლინიკურ, მათ შორის, მძიმე პაციენტების მართვის პროცესთან დაკავშირებით.

ქართული აპლიკაციით Stop Covid ფრანგული მასმედია დაინტერესდა>>

პრემიერ-მინისტრის განცხადებით, კოვიდ-ინფიცირებულების რაოდენობის ზრდის ეტაპზე ყველაზე მნიშვნელოვანია – სწრაფად მოხდეს ინფიცირებულთა ტესტირება, მათი კავშირების დადგენა და ამ ხალხის იზოლაციაში სწრაფად გადაყვანა.

„ამისთვის ძალიან კარგია აპლიკაცია Stop Covid, რომელიც ჯანდაცვის სამინისტრომ გააკეთა. მეც მაქვს ტელეფონში ჩატვირთული და ყველა ადამიანს, რომელიც საავადმყოფოში ხვდება, უნდა ვუთხრათ, რომ ჩატვირთოს ეს აპლიკაცია. ჩვენი მთავარი მიზანია, სტრუქტურა დავალაგოთ ისე, რომ სტაციონარში მივიდეს მხოლოდ და მხოლოდ ის ადამიანი, ვისაც სტაციონარი სჭირდება“, – განაცხადა გახარიამ.

პრემიერ-მინისტრის პრეს-სამსახურის ცნობით, შეიქმნება რეანიმატოლოგთა ცალკე ჯგუფი, რომელიც მთელი ქვეყნის მასშტაბით მძიმე და კრიტიკული პაციენტების მართვას უხელმძღვანელებს. პროცესი თენგიზ ცერცვაძის ხელმძღვანელობით მოქმედ კლინიკურ ჯგუფთან სრული კოორდინაციით განხორციელდება.

„როგორც კი ადამიანი ხვდება საავადმყოფოში, მისი მდგომარეობა მძიმეა ან კრიტიკული, მისი მართვა უკვე საერთო საქმეა, ეს ყველამ ერთად უნდა გავაკეთოთ. ამიტომ ვთვლით, რომ რეანიმატოლოგების ცალკე ჯგუფის გაკეთება იქნება სწორი. რა თქმა უნდა, კლინიკური ჯგუფის ის ცოდნა, რომელიც დაგროვილია, ყველამ უნდა გამოვიყენოთ. პირველი ტალღის წარმატებას ჰყავდა თავისი გმირები და სახეები; ახლა შევდივართ მეორე ტალღაში, სადაც სხვა რიგის პრობლემები დგას“, – განაცხადა გიორგი გახარიამ.

საქართველოს ჯანდაცვის სამინისტროს ინიციატივით 16 აპრილს გავრცელებული ინოვაციური პროგრამა Stop Covid შექმნილია კორონავირუსის ადრეული გამოვლენისა და მისი გავრცელების აღკვეთის მიზნით. კერძოდ, აპლიკაცია საშუალებას იძლევა, შეაჩეროს ვირუსის გავრცელება იმ პირების დროული ინფორმირების მეშვეობით, რომლებსაც, შესაძლოა, კონტაქტი ჰქონოდათ პირებთან, რომელთაც დაუდასტურდათ კორონავირუსი.

აპლიკაციის ატვირთვისთანავე პირი შეიტყობს, ჰქონდა თუ არა მას კონტაქტი კორონავირუსით ინფიცირების დადასტურებულ შემთხვევასთან.

აპლიკაცია ვერ იმუშავებს ეფექტურად, თუ მას ბევრი ადამიანი არ გადაიწერს. სწორედ ასეთ შემთხვევაში გამარტივდება ინფიცირების ჯაჭვების, ე.წ. კლასტერების ყველა რგოლის გამოვლენა STOP COVID-ის დახმარებით.

ბოლო მონაცემებით, საქართველოში ინფიცირებულთა რაოდენობამ 10225-ს მიაღწია. ამ დროისათვის სულ გამოჯანმრთელდა 5553 ადამიანი, გარდაიცვალა 66 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა. 

68
თემები:
COVID-19 საქართველოში (2186)
წინასაარჩევნო სიმბოლიკა

„ერთიანმა ნაციონალურმა მოძრაობამ“ ამომრჩევლებთან შემაჯამებელი შეხვედრა გამართა

14
პარტიის ლიდერმა სამეგრელოს მოსახლეობას ახალი მთავრობის ამოქმედებისთანავე ქალაქ ლაზიკის მშენებლობის პროექტის განახლების პირობა მისცა

თბილისი, 25 ოქტომბერი – Sputnik. ოპოზიციურმა პარტია „ერთიანმა ნაციონალურმა მოძრაობამ“ კვირას საღამოს ზუგდიდში ამომრჩევლებთან დასკვნითი შეხვედრა გამართა, რა დროსაც შეკრებილებს ვიდეოზარით საქართველოს ყოფილმა პრეზიდენტმა მიხეიოლ სააკაშვილმა მიმართა.

სააკაშვილმა გააფრთხილა მმართველი პარტია „ქართული ოცნება - დემოკრატიული საქართველოს“ თავმჯდომარე, ბიძინა ივანიშვილი „ხელი არ წაუცდეს“ არჩევნების შედეგების გაყალბებაზე.

„შეხედე კარგად ზუგდიდს და დაიმახსოვრე, ხუთ დღეში ან წყნარად ჩამოშორდები ხელისუფლებას ან არ შეშურდება შენი ბედის არც ერთ მომავალ თაობას. ეს იქნება ერთ-ერთი ყველაზე საზიზღარი, სამაგალითო ხვედრი ნებისმიერი ადამიანის საქართველოს ისტორიაში. შენი ბოლო გაფრთხილება ზუგდიდიდან. ბოლო გაფრთხილება საქართველოს სახელით“, – განაცხადა სააკაშვილმა.

„ნაცმოძრაობის“ და ბლოკ „ძალა ერთობაშიას“ პრემიერ-მინისტრობის კანდიდატმა ასევე სამეგრელოს მოსახლეობას ახალი მთავრობის ამოქმედებისთანავე შავი ზღვის სანაპიროზე ქალაქ ლაზიკის მშენებლობის პროექტის განახლების პირობა მისცა, რომელიც, მისი თქმით, ივანიშვილმა „მოკლა“.

მიხეილ სააკაშვილის თავდაპირველი ჩანაფიქრით, ქალაქი ლაზიკა უნდა გამხდარიყო ტურისტული, საცხოვრებელი და ეკონომიკური ზონა, შემდგომში კი საპორტო ქალაქი. თუმცა ყოფილი პრეზიდენტის გეგმები 2012 წელს არჩევნების წაგებამ ჩაშალა.

ლომჯარია: ბათუმში ათასობით ადამიანის შეკრება უკიდურესი უპასუხისმგებლობის გამოვლინებაა >>

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

საქართველოში არჩევნები პანდემიის პირობებში პირველად ტარდება.

14
თემები:
საქართველოს საპარლამენტო არჩევნები 2020
ცესკო

არჩევნებამდე ერთ კვირაზე ნაკლები რჩება - რა წესები უნდა დაიცვათ უბანზე

29
კორონავირუსის პანდემიის გამო კაბინა მთლიანად დახურული არ იქნება, ხოლო კალამი, რომლითაც ამომრჩეველმა ბიულეტენი შეავსო, მან უბანზე სპეციალურ ყუთში უნდა გადააგდოს

თბილისი, 25 ოქტომბერი – Sputnik. ცენტრალურმა საარჩევნო კომისიამ (ცესკო) გააცნო მედიას ის წესები, რომლებიც არჩევნების დღეს ამომრჩევლებმა უბნებზე უნდა დაიცვან.

ცესკოს თავმჯდომარე თამარ ჟვანიას თქმით, საარჩევნო უბანზე შესვლისას ამომრჩეველს პირბადე უნდა ეკეთოს.

„ვისაც პირბადე არ ექნება, მას ადგილზე მისცემენ. ამის შემდეგ ის დეზობარიერს გაივლის... ამის შემდეგ ამომრჩეველი რიგის მომწესრიგებელთან მიდის, აჩვენებს პირადობის მოწმობას და პირბადეს იხსნის, რადგან მისი იდენტიფიცირება მოხდეს. პირბადის გაკეთების შემდეგ, მარკირება მოწმდება და ამის შემდეგ ხელზე დეზინფექცია უტარდება, მიდის მაგიდასთან“, – განაცხადა ჟვანიამ.

ამის შემდეგ ამომრჩეველი კვლავ მოიხსნის პირბადეს და აიღებს ინდივიდუალურ კალამს, რომლითაც ხელს მოაწერს. იღებს მისთვის განკუთვნილ ბიულეტენს და ამის შემდეგ შედის კაბინაში.

კორონავირუსის პანდემიის გამო კაბინა მთლიანად დახურული არ იქნება.

ცესკო: გადასატანი საარჩევნო ყუთის მიტანა 900-მდე ამომრჩეველმა მოითხოვა >>

„როდესაც ამომრჩეველი დააფიქსირებს საკუთარ არჩევანს, კალამს სპეციალურ ურნაში აგდებს და ამის შემდეგ ხდება ბიულეტენის ყუთში ჩაგდება. ამის შემდეგ ამომრჩეველი დატოვებს საარჩევნო უბანს“, - განაცხადა ჟვანიამ.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

საქართველოში არჩევნები პანდემიის პირობებში პირველად ტარდება.

 

 

29
თემები:
საქართველოს საპარლამენტო არჩევნები 2020
საბადურის

კვირის ასტროპროგნოზი: სიყვარული, ფინანსები, სამუშაო 25 ოქტომბერი - 1 ნოემბერი

0
(განახლებულია 12:11 25.10.2020)
როგორი იქნება ეს კვირა ზოდიაქოს ნიშნების წარმომადგენლებისთვის, როგორ მივაღწიოთ წარმატებებს, როგორ ავარიდოთ თავი განსაცდელს – ყოველივე ამის შესახებ ასტროლოგები გვიამბობენ.

ვარსკვლავების განწყობა ამ კვირაში ცვალებადი იქნება, თუმცა ერთი რამის თქმა მაინც შეიძლება – კვირის მეორე ნახევარი პირველზე გაცილებით პოზიტიური იქნება.

ვერძი

ამ კვირაში სიბრძნე და ძალა მოგემატებათ. ამისთვის უნდა მისდიოთ სასარგებლო რჩევებს, ასევე ენდოთ ინტუიციას, რომელიც ახლა სათანადო სიმაღლეზეა. ასტროლოგები გირჩევენ, შეაკავოთ ნეგატიური ემოციები და გამოხატოთ პოზიტიური. აჩვენეთ სიყვარული ახლობლებს და თავი შეიკავეთ, თუ ვინმე სკანდალის პროვოცირებას შეეცდება.

როგორი დასვენება უყვართ ზოდიაქოს ნიშნებს>>

კვირის მეორე ნახევარი იდეალურია იმიჯის შეცვლისთვის. ეს განსაკუთრებით წაადგება მათ, ვინც სამუშაოს ეძებს. ძალზე მნიშვნელოვანია, რომ ყურადღება მიაქციოთ ჯანმრთელობას და არ გადაიღალოთ.

კურო

კვირის დასაწყისი მერკურისა და მზის ძალაუფლების ქვეშ იქნება. კუროებს ცხოვრებაში არცთუ სასიამოვნო ცვლილებები გელოდებათ. შესუსტებული იქნება საინფორმაციო ნაკადები, ამიტომ ექსპერტები გირჩევენ, სიმართლე და სიცრუე ერთმანეთისგან განაცალკევოთ. კვირის პირველ დღეებში მატყუარა და ანგარებიანი ადამიანები გააქტიურდებიან – არ აიღოთ მათგან მაგალითი.

28 ოქტომბრიდან ძალზე ხელსაყრელი პერიოდი დადგება, როდესაც გაგიმართლებთ სიყვარულშიცა და საქმიანობაშიც.  ამისთვის კი აუცილებელია, რომ იზრუნოთ ჯანმრთელობასა და ენერგეტიკაზე. წაგადგებათ მოძრაობა, სეირნობა, სპორტი. კვირის ბოლო ასევე კარგი დროა მოგზაურობისთვის, მივლინებებისთვის.

ტყუპი

26 და 27 ოქტომბერი შეიძლება ნეგატიური ენერგიით იყოს დატვირთული. ეცადეთ, გონება უარყოფითი აზრებისგან გაწმინდოთ. ოთხშაბათიდან ვითარება მკვეთრად შეიცვლება. სამუშაო კვირის ბოლო ნებისმიერი პროფესიის წარმომადგენლებისთვის ძალზე პროდუქტიული იქნება.

იდეალური ქვეყანა ზოდიაქოს თითოეული ნიშნისთვის>>

ოთხშაბათიდან შაბათის ჩათვლით ვარსკვლავები და პლანეტები დიდ იღბლიანობასა და პოზიტივს მოიტანენ. შეგიძლიათ ახალი საქმეების დაწყება, რამე მნიშვნელოვანსა და საპასუხისმგებლოზე შეჭიდება, შესაძლებელია ფულის გამომუშავება და მისი გონივრულად დახარჯვა.

კირჩხიბი

ბედნიერება მხოლოდ ის არაა, როცა რაღაცას ვიღებთ, არამედ ისიც, როდესაც ვიწმინდებით არასაჭირო და ტოქსიკურისგან. მაგალითად, უნდა გათავისუფლდეთ წუწუნის, ყველაფრის სხვებისთვის დაბრალების  ჩვევისგან, ნეგატიური აზროვნებისგან, საკუთარი თავის მართლების, შიშების, ჭორებისგან და ასევე სიყვარულზე „ნარკოტიკული“ დამოკიდებულებისგან. ამ ყველაფრისთვის ეს იდეალური კვირაა.

არ არის გამორიცხული, რომ რაღაც მნიშვნელოვანი საიდუმლო შეიტყოთ, რომელიც დიდი ხანი დამალული იყო. ღამის მანათობლები ასევე დაგეხმარებიანსხვადასხვა ნივთის შეძენაში, მნიშვნელოვანი გარიგებების დადებაში, იურიდიული პრობლემების გადაჭრაში. კვირის მიწურულს გამძაფრდება ურთიერთობებისა და რომანტიკის მოთხოვნილება.

ლომი

ლომები ყველანაირად უნდა ეცადოთ, რომ ნეგატიურ ადამიანებს მოერიდოთ. მათ შეუძლიათ, უარყოფითი ენერგიით დაგმუხტონ და თან – გაუცნობიერებლად, არა სპეციალურად. მარტოხელა ლომებს ექსპერტები გირჩევენ, რომანტიკასა და ახალი ნაცნობობების ძიებას სწავლა და ახალი უნარების გამომუშავება ამჯობინოთ, მით უმეტეს, რომ თქვენი მეხსიერება და ყურადღება უფრო გამახვილდება.

სად იმალება ზოდიაქოს თითოეული ნიშნის ბედნიერების საიდუმლო>>

ინტელექტუალური სამუშაო შესანაშნავად შესრულდება, მაგრამ მგზავრობა და მივლინებები, სჯობს, გადადოთ, აუცილებლობის შემთხვევაში კი გზისთვის დიდი ყურადღებით გაემზადეთ და იფრთხილეთ.

ქალწული

ქალწულებმა ენერგია, სჯობს, სამუშაოზე, ბიზნესსა და ფინანსურ საკითხებზე დახარჯოთ. მოსალოდნელია პროდუქტიულობის ზრდა, გაგიმართლებთ სამუშაო სფეროში. გააქტიურება ასევე საჭიროა სიყვარულშიც. არაა გამორიცხული, რომ შეხვდეთ სასიამოვნო ადამიანს, რომელიც მომავალში, შესაძლოა, თქვენი მეორე ნახევარი ან კარგი მეგობარი გახდეს.

უპრიანია, კვირა სახლის საფუძვლიანი დალაგებითა და მოწესრიგებით დაიწყოთ. გათავისუფლდით და გადაყარეთ უსარგებლო და ძველი ნივთები – მათ თქვენი უარყოფითი ენერგიით დამუხტვა შეუძლიათ. შეამოწმეთ ფინანსები, შეადგინეთ საყიდლების სია, გეგმა. ასევე მნიშვნელოვანია, რომ მეტი დრო დაუთმოთ ოჯახის წევრებსა და ნათესავებს.

სასწორი

სასწორებისთვის კვირის პირველი ორი დღე შეიძლება ძალზე ნერვული აღმოჩნდეს, რადგან ვარსკვლავები და პლანეტები დისონანსში იქნებიან. კარგი პერიოდია ნათესავებთან დაახლოების, რემონტის ან ერთობლივი საქმეების დაწყებისთვის. შეიძლება შოპინგი, საჩუქრების გაკეთება საყვარელი ადამიანებისთვის.

ზოდიაქოს ნიშნები, რომლებსაც განსაკუთრებული მისია აკისრიათ>>

უქმეებზე ასტროლოგები კარგად დასვენებასა და გართობას გირჩევენ. ამასთან, გაფრთხილებენ, რომ მოერიდოთ ზედმეტ აზარტსა და რისკს. ვარსკვლავები მოტივაციით დაგასაჩუქრებენ, დაგეხმარებიან ახალი ცოდნისა და სურვილების წყაროს პოვნაში. შემოქმედებითი პროფესიების წარმომადგენლებს 28 ოქტომბრიდან დიდი შთაგონება გელოდებათ.

მორიელი

ასტროლოგები გირჩევენ, შურის გრძნობას შეებრძოლოთ. ეს გრძნობა თქვენთვის დამანგრეველია განსაკუთრებით ამ კვირაში. მან შეიძლება გავლენა მოახდინოს თქვენს სამუშაო გეგმაზე, ჯანმრთელობაზე. სამუშაო სფეროში წესიერება და პატიოსნება დაგჭირდებათ – ამ ორი თვისების წყალობით წარმატებებს უფრო მალე მიაღწევთ.

სხვების წარმატებებს ყურადღებას ნუ მიაქციევთ, არამედ მთელი ყურადღება საკუთარ მიღწევებზე გაამახვილეთ. ვარსკვლავები დაგეხმარებიან შრომისმოყვარეობის გაძლიერებაში, განამტკიცებენ თქვენს ჯანმრთელობასა და მორალურ სულს. ასევე ექსპერტების რჩევაა, რომ წარსულში არ გაიხედოთ, მზერა მომავლისკენ მიმართეთ და იზრუნეთ აწმყოზე. არ ღირს საკუთარი თავის კრიტიკა და დასჯა წარსულის შეცდომების გამო.

მშვილდოსანი

მშვილდოსნებისთვის დგება იმის დრო, რომ თავი მიუძღვნათ სიყვარულს, ოჯახსა და მეგობრებს. ახლობელ ადამიანებთან ურთიერთობები აამაღლებს თქვენს ენერგეტიკას და მოგმატებთ იღბალს. ახლობლებზე ზრუნვა აწმყოსა და მომავალში მათი მხრიდან დახმარების გარანტი იქნება.

ზოდიაქოს ხუთი ყველაზე კაშკაშა ნიშანი, რომელთა შეყვარება ძალიან ადვილია>>

რაც შეეხება ფინანსურ სფეროს, აქ მშვილდოსნებს ყველა მიმართულებით გაგიმართლებთ. შესაძლებელია შემოსავლების გაზრდა, შემოსავლების მიღების ახალი წყაროების მოძებნა და პოვნა, ფულის სწორად დახარჯვა. შოპინგი განწყობის ამაღლებასა და პოზიტიური ენერგიით დამუხტვაში დაგეხმარებათ.

თხის რქა

ამ კვირაში წაგადგებათ ახალი შეხვედრები, ნაცნობობა, ურთიერთობები. არ ღირს საკუთარ თავში ჩაკეტვა. მოუსმინეთ გარშემომყოფების რჩევებს, განსაკუთრებით 28 ოქტომბრის შემდეგ. კვირის პირველ ორ დღეს არის რისკი იმისა, რომ სამუშაოსა და ბიზნესში მძლავ დაპირისპირებას შეეჯახოთ. არ არის გამორიცხული, რომ გააქტიურდნენ მტრები და არაკეთილმოსურნეები.

კოლეგებთან, პარტნიორებთან ან კლიენტებთან მეტი მოქნილობა გმართებთ. თხის რქები ბრძენ ნიშანთა რიცხვს განეკუთვნებით, მაგრამ პირველ ორ დღეს მაინც შეიძლება ადვილად გაანაწყენოთ ვინმე. თუ გარშემომყოფები თავიანთი პირობების კარნახს შეეცდებიან, დათმობაზე წასვლა თქვენს საზიანოდ არ ღირს. ექსპერტები ასევე ვარაუდობენ, რომ შესაძლებელია გაუთვალისწინებელი ხარჯები.

მერწყული

როგორც ეზოთერიკოსები ამბობენ, სწორად შერჩეული სიტყვები იღბლიანობას ზრდის. მიზიდულობის კანონი ნამდვილად მუშაობს, ამიტომ სჯობს, ჯერ დაფიქრდეთ და შემდეგ ილაპარაკოთ პოზიტიურ რამეებზე, მეტად გწამდეთ საკუთარი თავის და არ დაიწყოთ ურთიერთობების გამორკვევა მეორე ნახევართან. ჩხუბი და ნეგატივი პრობლემების პროვოცირებას მოაწყობს სხვა სფეროებშიც.

ზოდიაქოს ნიშნები, რომლებსაც ერთი ნახვით უყვარდებათ>>

მარტოხელა მერწყულებმა, სჯობს, შეაჩეროთ პარტნიორის ძებნის პროცესი და სამუშაოზე გადაერთოთ. განსაკუთრებული ყურადღება უნდა დაუთმოთ საოჯახო საქმეებსაც. წაგადგებათ გარეგნობის შეცვლა, გარდერობის განახლება. უქმეებზე კი კარგი იქნება გართობა.

თევზები

თევზებისთვის ძალზე წარმატებული და პოზიტიური კვირაა. შეგიძლიათ ახალი ცხოვრების დაწყება, რომელიც ბედნიერებამდე მიგიყვანთ. კარგად აეწყობა ახალი საქმეები, ახალი სამსახურის ძებნა, საყვარელი ადამიანის პოვნის პროცესი. ექსპერტების რჩევაა, გააქტიურდეთ სოციალურ ქსელებში.

ასტროლოგები ასევე გირჩევენ, გაწმინდოთ საინფორმაციო ველი. წაშალეთ არასაჭირო კონტაქტები ტელეფონიდან, სოციალური ქსელებიდან. ახლა ენერგეტიკული აღმავლობის გზაზე ხართ. გეყოფათ ძალა, რომ მთები გადადგათ. ძალზე მნიშვნელოვანია, რომ პოზიტიური განწყობა გარშემომყოფებს გაუზიაროთ.

0