ახალქალაქი

ჯავახეთში მოსახლეობამ ყარაბაღის მხარდასაჭერად აქცია გამართა

56
(განახლებულია 21:22 06.10.2020)
აქციის მონაწილეებს თან ჰქონდათ ყარაბაღში საომარ მოქმედებებში დაღუპული ჯარისკაცების ფოტოები, რომლებიც ჯავახეთიდან იყვნენ და სომხეთში ცხოვრობდნენ.

თბილისი, 6 ოქტომბერი – Sputnik. სამცხე-ჯავახეთის მოსახლეობამ არაღიარებული მთიანი ყარაბაღის მხარდამჭერი აქცია მოაწყო, იუწყება ადგილობრივი გამოცემა Jnews.

ახალქალაქის ცენტრალურ მოედანზე რამდენიმე ათასი ადამიანი შეიკრიბა.

აქციის მონაწილეებმა მიიტანეს ყარაბაღში საომარ მოქმედებებში დაღუპული ხუთი ჯარისკაცის ფოტოები, რომლებიც წარმოშობით ჯავახეთიდან იყვნენ და სომხეთში ცხოვრობდნენ.

გარდა ამისა, აქციის ორგანიზატორები დაახლოებით ერთი კვირის განმავლობაში შეკრებილი სახსრებისა და სხვა მატერიალური დახმარების შეჯამებას აპირებენ.

აქციის შემდეგ მონაწილეები მსვლელობით გაემართნენ ეკლესიისკენ, სადაც ილოცეს და სანთლები დაანთეს.

უფრო ადრე სამცხე-ჯავახეთის მოსახლეობამ სომხეთში კვების პროდუქტებით დატვირთული სატვირთო ავტომობილები გაგზავნა ჯარისკაცებისა და მთიანი ყარაბაღის მოსახლეობისთვის.

მთიან ყარაბაღში საომარი მოქმედებები 27 სექტემბრიდან მიმდინარეობს. მხარეები დიდი მსხვერპლის შესახებ ავრცელებენ ინფორმაციას.

აზერბაიჯანისა და სომხეთის ხელისუფლებებმა სამხედრო მდგომარეობა 27 სექტემბერს გამოაცხადეს. ერევანი და ბაქო ესკალაციაში ერთმანეთს ადანაშაულებენ.

გახარიამ აზერბაიჯანსა და სომხეთს თბილისში შეხვედრის გამართვა შესთავაზა>>

რიგმა სახელმწიფოებმა და ორგანიზაციებმა, მათ შორის საქართველომ, მხარეებს თავშეკავებისკენ მოუწოდეს. პრემიერმა გიორგი გახარიამ კონფლიქტის მხარეებს მოლაპარაკებების თბილისში გამართვა შესთავაზა.

56
თემები:
ესკალაცია ყარაბაღში 2020 (91)
ლაბორატორია

დღის სტატისტიკა: კორონავირუსის ბოლო შემთხვევები რეგიონების მიხედვით

17
(განახლებულია 13:50 22.10.2020)
ბოლო დღე-ღამეში დაფიქსირებული კორონავირუსის შემთხვევებიდან ყველაზე მეტი- 563 შემთხვევა თბილისში გამოვლინდა.

თბილისი, 22 ოქტომბერი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდულად – 1595-ით გაიზარდა და საერთო რიცხვმა 22803-ს მიაღწია, ახალი შემთხვევებიდან ყველაზე მეტი - 563 შემთხვევა თბილისში გამოვლინდა, განაცხადა უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილე ბერდია სიჭინავამ.

COVID-19 საქართველოში: რამდენი შემთხვევა გამოვლინდა ბოლო დღე-ღამეში>>

ბოლო დღე-ღამეში გამოვლენილი კორონავირუსის შემთხვევებიდან 389 აჭარაში, ხოლო 335 იმერეთში დაფიქსირდა.

რაც შეეხება სხვა რეგიონებს, ქვემო ქართლში დაფიქსირდა 77 შემთხვევა, შიდა ქართლში 69, გურიაში 53, სამეგრელო-ზემო სვანეთში 42, მცხეთა-მთიანეთში 26, სამცხე-ჯავახეთში 24, ხოლო კახეთში 17. რაჭა–ლეჩხუმსა და ქვემო სვანეთში გასულ დღე–ღამეში ახალი შემთხვევა არ გამოვლენილა.

ბოლო 24 საათში საქართველოში კორონავირუსით ექვსი პაციენტი გარდაიცვალა და მათი საერთო რაოდენობა 178-მდე გაიზარდა.

სიჭინავას განცხადებით, სულ საავადმყოფოებში ამ დროისთვის მკურნალობს 3 155 ადამიანი. ამჟამად მძიმე პაციენტია 381, მათ შორის თბილისში - 190, აჭარაში - 79. აქედან ხელოვნური სუნთქვის აპარატზე არის 77 პირი, მათ შორის თბილისში - 48, აჭარაში - 12.

COVID-19-ის ანტირეკორდების გამო ევროკავშირი საგანგებო სამიტს იწვევს

ამ დროისათვის სულ გამოჯანმრთელდა 9401 ადამიანი, კარანტინის რეჟიმში იმყოფება 4408, სტაციონარებში ექიმების დაკვირვების ქვეშ 3155 პაციენტია, ხოლო კოვიდ–სასტუმროებში 1848 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

17
თემები:
COVID-19 საქართველოში
პოლიცია შემთხვევის ადგილზე

მარტყოფში არასრულწლოვანმა ახალგაზრდა მამაკაცი მოკლა

27
მკვლელობაში ეჭვმიტანილი პირი სამართალდამცავებმა უკვე დააკავეს. მკვლელობის მოტივი ამ დროისთვის უცნობია

თბილისი, 22 ოქტომბერი – Sputnik. გარდაბნის მუნიციპალიტეტის სოფელ მარტყოფში ფიზიკურ დაპირისპირებას ახალგაზრდა მამაკაცის სიცოცხლე ემსხვერპლა, იუწყება შსს–ს პრეს–სამსახური.

არსებული ინფორმაციით, 2001 წელს დაბადებულ მამაკაცს ცივი იარაღით სასიკვდილო ჭრილობა არასრულწლოვანმა, 16 წლის თანასოფლელმა მიაყენა. დაჭრილი საავადმყოფოში მიყვანისთანავე გარდაიცვალა.

მკვლელობის მოტივი ამ დროისთვის უცნობია. მასმედიაში გავრცელებული ინფორმაციით, დაპირისპირებულებს კამათი ადრეც მოსვლიათ.

პოლიციამ ბრალდებული ცხელ კვალზე დააკავა.

გამოძიება დაწყებულია სსკ-ის 108-ე მუხლით, რაც განზრახ მკვლელობას გულისხმობს და ითვალისწინებს შვიდიდან 15 წლამდე ვადით პატიმრობას.

27
თემები:
შემთხვევები საქართველოში