თბილისი–სტამბულის მიმართულებით ჩარტერული ფრენები შესრულდება

© photo: Sputnik / StringerTurkish Airlines-ის თვითმფრინავი თბილისის აეროპორტში
Turkish Airlines-ის თვითმფრინავი თბილისის აეროპორტში - Sputnik საქართველო
გამოწერა
აღნიშნული ფრენები იქნება გამყვანი, რაც გულისხმობს, რომ ავიაკომპანია მგზავრებს მხოლოდ თბილისი–სტამბულის მიმართულებაზე მოემსახურება.

თბილისი, 9 სექტემბერი – Sputnik. Turkish Airlines-ის შვილობილი ავიაკომპანია „ანადოლუჯეტი“ 20, 23 და 27 სექტემბერს თბილისი–სტამბულის (საბიჰა გოქჩენის აეროპორტი) მიმართულებით ჩარტერულ ფრენებს განახორციელებს, იუწყება საზოგადოებრივი მაუწყებლის „პირველი არხი“.

 MyWay Airlines - Sputnik საქართველო
ქართველი სტუდენტები ბუდაპეშტში სპეცრეისით 8 სექტემბერს გაფრინდებიან

არსებული ინფორმაციით, აღნიშნული ფრენები იქნება გამყვანი, რაც გულისხმობს, რომ ავიაკომპანია მგზავრებს მხოლოდ თბილისი–სტამბულის მიმართულებაზე მოემსახურება.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები მარტში სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა 21 მარტიდან ყველა მიმართულებით შეწყვიტა.

ივლისის ბოლოს საქართველომ საჰაერო სივრცე გაუხსნა ხუთ ქვეყანას, რომელთა მოქალაქეებს ქვეყანაში უპირობო შემოსვლის უფლება აქვთ. ესენია გერმანია, საფრანგეთი, ლატვია, ლიეტუვა და ესტონეთი. დანარჩენ ქვეყნებში კი მოქალაქეთა ჩასაყვანად და წამოსაყვანად საქართველოს მთავრობა სპეცრეისებს ნიშნავს.

ყველა ახალი ამბავი
0