პაპანწყურე

იდუმალი ტბა სამეგრელოში, რომელზეც, შესაძლოა, ჯერ არ გსმენიათ

107
(განახლებულია 19:29 27.08.2020)
მოგზაურობა არის წიგნი, სადაც უამრავი საოცარი ისტორია და თავგადასავალია თავმოყრილი. მოგზაურობის დროს გეძლევა საშუალება, უკეთ შეიცნო საკუთარი თავი და სამყარო. ვფიქრობ, მოგზაურობა შენი ქვეყნის შეცნობით უნდა დაიწყო...

ჩვენი მდიდარი ბუნება რომ უხვად გვასაჩუქრებს და მრავალფეროვანი სანახაობებით გვანებივრებს, ამაში ყოველდღიურად ვრწმუნდებით. ძნელია ამოწურო ეს ერთი მუჭა ქვეყანა და ნახო ყველაფერი ის, რაც აქ არის თავმოყრილი.

საქართველოში უამრავი ლამაზი ტბაა – ლისის, ბატეთის, ყვარლის, ილიას, ბაზალეთის და სხვა ტბები, რომლებიც კარგადაა ნაცნობი ტურისტებისა და ადგილობრივებისთვის. დღეს გვსურს წარმოგიდგინოთ ნაკლებად ცნობილი, მაგრამ ულამაზესი ტბა, რომელიც აუცილებლად უნდა მოინახულოთ. პაპანწყურე (პაპანწყვილი) – ეს არის ტბა, რომელიც თავისი სილამაზით გაგაოცებთ.

პაპანწყურე
photo: courtesy of Elene Kapanadze
პაპანწყურე

პაპანწყურე ხობის რაიონის სოფელ ხეთაში მდებარეობს. სოფლის მცხოვრებლები განსაკუთრებულად უფრთხილდებიან ტბას და ამბობენ, რომ ის დიდი ტურისტული პოტენციალის მატარებელია. იდუმალი და კამკამა ტბა ტყის შუაგულშია ჩაკარგული და ირგვლივ ყველაფერს ირეკლავს.

ტბის შესახებ არსებობს ლეგენდა, რომელიც გულგრილს არ დაგტოვებთ.

პაპანწყურე
photo: courtesy of Elene Kapanadze
პაპანწყურე

პაპანწყურე მეგრულიდან დაახლოებით ასე ითარგმნება – „მღვდელი ჩაძირულა“. ლეგენდის თანახმად, აქ ერთი მღვდელი ცხოვრობდა. მუშები ჰყავდა დაქირავებული და სამუშაოს მერე, საღამოს მათ ძაღლის ხორცი აჭამა ისე, რომ მუშებმა ეს არ იცოდნენ. როდესაც მუშები წავიდნენ, მღვდელმა ფანდურზე დაამღერა, თუ როგორ გააცურა მუშები. იქვე მონადირემ ჩამოიარა, მოისმინა ეს ამბავი და დაწყევლა მღვდელი. ამის შემდეგ იქაურობა ჩაიძირა და ტბად იქცა.

პაპანწყურე
photo: courtesy of Elene Kapanadze
პაპანწყურე

თუმცა, როგორც ამბობენ, ეს ვერსია კომუნისტების დროს შეთხზული ისტორიაა. სინამდვილეში ისტორიული წყაროები გვამცნობს, რომ ეს წმინდა ტბაა, სადაც ხალხს ნათლავდნენ. იქვე, მაღლა, ურთის მთაზე ჯეგეთას მონასტერია, სწორედ იქაური ბერები ჩამოდიოდნენ ამ წმინდა ტბაზე და ნათლავდნენ ადამიანებს. მისი ნამდვილი ისტორიული სახელია არა „პაპანწყურე" („მღვდელი ჩაძირულა“), არამედ „პაპაშწყურე" ანუ „მღვდლის წყარო“.

პაპანწყურე
photo: courtesy of Elene Kapanadze
პაპანწყურე

ტბა წლის ნებისმიერ დროს ულამაზესია, ამიტომ შეგიძლიათ ამ უქმეებზე ჩაალაგოთ თქვენი სამოგზაურო ზურგჩანთა და დატკბეთ ულამაზესი სანახაობით...

107
თამო ვაშალომიძე

„ბედნიერებასთან სულ რაღაც 2 თვე და 14 დღე მაშორებს“:თამო ვაშალომიძე პაუზის შემდეგ გამოჩნდა

7
(განახლებულია 15:04 19.09.2020)
სექსუალური ფოტომოდელი და Instagram-ის გამორჩეული ბლოგერი თამო ვაშალომიძე ორსულადაა და ნახევრად შიშველი პოზირებს. მშობიარობამდე 2 თვის ადრე სამახსოვრო ფოტოებს იღებს და თაყვანისმცემლებს უზიარებს. როგორ გამოიყურება ხანგრძლივი პაუზის შემდეგ წონაში მომატებული ფოტომოდელი?

ქალიშვილის გაჩენის შემდეგ ერთ-ერთი ქართველი სექს-სიმბოლო სატელევიზიო სივრციდან თითქმის გაუჩინარდა. ბევრი მითქმა-მოთქმის შემდეგ საჯაროდ თავად განაცხადა, რომ შეყვარებულია და სოციალური აქტიურობისა თუ სატელევიზიო გადაცემებში მონაწილეობისთვის აღარ სცალია. თამო ვაშალომიძე სულ მალე დედა მეორედ გახდება. მან მეორე შვილის სქესი რამდენიმე კვირის წინ გაამხილა, რამაც მორიგი დიდი გამოხმაურება გამოიწვია. ახლა კი ვაჟთან შესახვედრად წუთებსა და წამებს ითვლის. „სულ რაღაც 2 თვე და 14 დღე მაშორებს ბედნიერებასთან... შეგრძნებები და ემოციები შეუცვლელი,“- წერს საკუთარ გვერდზე სექსუალური „სელებრითი“.

თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. თამო ვაშალომიძის განცხადებით, ისინი ერთ წელზე მეტია რაც ერთმანეთს ხვდებიან. ეს ერთი ნახვით შეყვარებას ჰგავს. ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო მყარდება. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.

View this post on Instagram

😍

A post shared by Tamo Vashalomidze (@tamovashalomidze) on

ორი თვის წინ თამო ვაშალომიძემ სოციალური ქსელის მეშვეობით მორიგი გამოკითხვა მოაწყო. გამოცდილი და მომავალი დედიკოები მისი მეორე შვილის სქესის ამოსაცნობად ძალებს არ იშურებდნენ. თამო ვაშალომიძის ერთგული „ფოლოვერების“ გამოკითხულთა უმეტესობამ გადაწყვიტა, რომ მალე ის მეორე ნახევარს ვაჟს აჩუქებს. ცნობილი ფოტომოდელის და „ინფლუენსერის“ გულშემატკივრები არ შეცდნენ. გამოკითხვის შემდეგ ვაშალომიძემ ცისფერი ბუშტებითა და ულამაზესი ლურჯი ყვავილებით მორთულ კაბაში გადაღებული ფოტო გამოაქვეყნა, რომელსაც უკანა ბანერზე წარწერა IT’S A BOY ამშვენებდა. რამდენიმე საათში ფოტოსურათმა 13 ათასზე მეტი მოწონება და უამრავი მილოცვა დაიმსახურა. მათ შორის ცნობილი ქართველებიც იყვნენ.

სკანდალური ფოტოსესიები, თოქ-შოუებში ინტიმურ თემებზე ხმამაღლა საუბარი, გამომწვევი ჩაცმულობა და ინტრიგებით აღსავსე პირადი ცხოვრება – ეს თამო ვაშალომიძის პოპულარობის გზა და მეთოდებია, რომელიც დროებითმა პაუზამ და ვაჟზე ფეხმძიმობამ ჩაანაცვლა.

7
თემები:
სელებრითების ცხოვრება
ქალაქი ზუგდიდი

ზუგდიდში თანამედროვე ხელოვნების ფესტივალი იხსნება

10
(განახლებულია 15:43 19.09.2020)
ფესტივალის მიზნად ისახავს რეგიონებში თანამედროვე ქართული ხელოვნების განვითარებას და კულტურული ცხოვრების გააქტიურებას

თბილისი, 19 სექტემბერი - Sputnik. ცნობილი ქართველი პოეტები, მწერლები, რეჟისორები და მუსიკოსები მიიღებენ მონაწილეობას თანამედროვე ხელოვნების ფესტივალში F5, რომელიც შაბათს, 19 სექტემბერს ზუგდიდში იხსნება.

ფესტივალი ორდღიანია და ბოტანიკურ ბაღში გაიმართება. ღონისძიება, რომელიც ტრადიციულად მოიცავს ლიტერატურულ და მუსიკალურ პროგრამებს, ზუგდიდში უკვე მესამედ იმართება. მისი ორგანიზატორებია ორი ახალგაზრდა ქართველი პოეტი, ნიკა ლაშხია და გიორგი შონია. ფესტივალის მხარდამჭერია განათლების, მეცნიერების, კულტურისა და სპორტის სამინისტრო და მწერალთა სახლი.

ფესტივალი მიზნად ისახავს თანამედროვე ქართული ხელოვნების პოპულარიზაციას და რეგიონების კულტურულ ცხოვრებაში ჩაბმას.

წელს ფესტივალზე პირველად გაიმართება დოკუმენტური კინოს სექცია, რომელსაც ეროვნული კინოცენტრი წარადგენს. ფესტივალის ლიტერატურულ ნაწილში წელს მონაწილეობას მიიღებენ ისეთი ლიტერატორები, როგორიცაა ზურაბ ქარუმიძე, თამთა მელაშვილი, დათო ბარბაქაძე, შაკო ბაკურაძე, ცოტნე ცხვედიანი, ქეთი ქანთარია და სხვ.

ფესტივალის მონაწილეები შეეხებიან ისეთ თემებს, როგორიცაა ქალის ხმა ქართულ ლიტერატურაში, ქართული თარგმანის დღევანდელი პრობლემატიკა, ქალაქები და წმინდანები.

მუსიკალურ პროგრამაში წარდგება ჯგუფი „წერილი“ და ქანთრი-მუსიკოსი შოთა ადამაშვილი. ფესტივალზე დასწრება თავისუფალია.

10
თემები:
საქართველო და კულტურა