პრემიერი გიორგი გახარია

დასახელდა თარიღები, როდის გაიხსნება საბავშვო ბაღები, კინოთეატრები და თეატრები

251
(განახლებულია 14:56 26.08.2020)
რაც შეეხება დაბა მესტიასა და სოფელ ლენჯერს, მთავრობის მეთაურის გიორგი გახარიას ცნობით, ისინი 2 სექტემბრიდან გაიხსნება.

თბილისი, 26 აგვისტო – Sputnik. საქართველოში საბავშვო ბაღები 1 ოქტომბრიდან, ხოლო სკოლები 15 სექტემბრიდან გაიხსნება. ამის შესახებ პრემიერ-მინისტრმა გიორგი გახარიამ სოციალურ ქსელში დაწერა.

ამასთან, როგორც პრემიერი წერს, 15 სექტემბრიდან განაახლებენ მუშაობას კინოთეატრები, ხოლო თეატრები – 1 ოქტომბრიდან.

რაც შეეხება დაბა მესტიასა და სოფელ ლენჯერს, მთავრობის მეთაურის ცნობით, ისინი 2 სექტემბრიდან გაიხსნება.

„კოვიდ-19“-თან ბრძოლაში ვინარჩუნებთ თანმიმდევრულ მიდგომას და ეტაპობრივად ვხსნით: საბავშვო ბაღებს და თეატრებს – 1 ოქტომბრიდან, სკოლებს და კინოთეატრებს – 15 სექტემბრიდან, დაბა მესტიას და ლენჯერს – 2 სექტემბრიდან“, – წერს გახარია.

უწყებათშორისი საკოორდინაციო საბჭოს ოპერაციული შტაბის უფროსმა ალექსანდრე ხოჯევანიშვილმა ბრიფინგზე განაცხადა, რომ კორონავირუსის პანდემიასთან ბრძოლის მსოფლიო პრაქტიკა აჩვენებს, რომ შეზღუდვების ეტაპობრივი მოხსნა უფრო ეფექტურია. აქედან გამომდინარე, მთავრობამ სწავლის, ასევე თეატრებისა და კინოთეატრების მუშაობის ეტაპობრივი განახლების გადაწყვეტილება მიიღო.

უფრო ადრე თბილისის ბაგა-ბაღების სააგენტოს ხელმძღვანელმა კახაბერ გვანცელაძემ განაცხადა, რომ თბილისის საბავშვო ბაღებში სასწავლო წლის დაწყება 14 სექტემბერს იგეგმებოდა. 

251
თემები:
COVID-19 საქართველოში (1741)
კაცი პისტოლეტით ხელში

ხაშურში კომპანიის მენეჯერმა ყოფილი თანამშრომელი მოკლა

36
(განახლებულია 16:03 19.09.2020)
ინციდენტის დროს მაღაზიის მენეჯერმა ჯერ ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა

თბილისი, 19 სექტემბერი – Sputnik. ხაშურის მუნიციპალიტეტში დანით შეიარაღებული მამაკაცი სამშენებლო კომპანიის ოფისში შეიჭრა - ის ამავე კომპანიის მენეჯერმა მოკლა, იუწყება „პირველი არხი“.

ტელეარხის ინფორმაციით, მენეჯერმა ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა. დაჭრილი მამაკაცი საავადმყოფოში მიყვანისთანავე გარდაიცვალა.

მოკლული ამავე კომპანიის ყოფილი თანამშრომელია.

შემთხვევა პარასკევს მოხდა.

გამოძიება სსკ-ის 117-ე (ჯანმრთელობის განზრახ მძიმე დაზიანება) და 236-ე (ცეცხლსასროლი იარაღის მართლსაწინააღმდეგო შეძენა, შენახვა, ტარება) მუხლებით მიმდინარეობს.

36
თემები:
კრიმინალი საქართველოში
თამო ვაშალომიძე

„ბედნიერებასთან სულ რაღაც 2 თვე და 14 დღე მაშორებს“:თამო ვაშალომიძე პაუზის შემდეგ გამოჩნდა

44
(განახლებულია 15:04 19.09.2020)
სექსუალური ფოტომოდელი და Instagram-ის გამორჩეული ბლოგერი თამო ვაშალომიძე ორსულადაა და ნახევრად შიშველი პოზირებს. მშობიარობამდე 2 თვის ადრე სამახსოვრო ფოტოებს იღებს და თაყვანისმცემლებს უზიარებს. როგორ გამოიყურება ხანგრძლივი პაუზის შემდეგ წონაში მომატებული ფოტომოდელი?

ქალიშვილის გაჩენის შემდეგ ერთ-ერთი ქართველი სექს-სიმბოლო სატელევიზიო სივრციდან თითქმის გაუჩინარდა. ბევრი მითქმა-მოთქმის შემდეგ საჯაროდ თავად განაცხადა, რომ შეყვარებულია და სოციალური აქტიურობისა თუ სატელევიზიო გადაცემებში მონაწილეობისთვის აღარ სცალია. თამო ვაშალომიძე სულ მალე დედა მეორედ გახდება. მან მეორე შვილის სქესი რამდენიმე კვირის წინ გაამხილა, რამაც მორიგი დიდი გამოხმაურება გამოიწვია. ახლა კი ვაჟთან შესახვედრად წუთებსა და წამებს ითვლის. „სულ რაღაც 2 თვე და 14 დღე მაშორებს ბედნიერებასთან... შეგრძნებები და ემოციები შეუცვლელი,“- წერს საკუთარ გვერდზე სექსუალური „სელებრითი“.

თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. თამო ვაშალომიძის განცხადებით, ისინი ერთ წელზე მეტია რაც ერთმანეთს ხვდებიან. ეს ერთი ნახვით შეყვარებას ჰგავს. ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო მყარდება. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.

View this post on Instagram

😍

A post shared by Tamo Vashalomidze (@tamovashalomidze) on

ორი თვის წინ თამო ვაშალომიძემ სოციალური ქსელის მეშვეობით მორიგი გამოკითხვა მოაწყო. გამოცდილი და მომავალი დედიკოები მისი მეორე შვილის სქესის ამოსაცნობად ძალებს არ იშურებდნენ. თამო ვაშალომიძის ერთგული „ფოლოვერების“ გამოკითხულთა უმეტესობამ გადაწყვიტა, რომ მალე ის მეორე ნახევარს ვაჟს აჩუქებს. ცნობილი ფოტომოდელის და „ინფლუენსერის“ გულშემატკივრები არ შეცდნენ. გამოკითხვის შემდეგ ვაშალომიძემ ცისფერი ბუშტებითა და ულამაზესი ლურჯი ყვავილებით მორთულ კაბაში გადაღებული ფოტო გამოაქვეყნა, რომელსაც უკანა ბანერზე წარწერა IT’S A BOY ამშვენებდა. რამდენიმე საათში ფოტოსურათმა 13 ათასზე მეტი მოწონება და უამრავი მილოცვა დაიმსახურა. მათ შორის ცნობილი ქართველებიც იყვნენ.

სკანდალური ფოტოსესიები, თოქ-შოუებში ინტიმურ თემებზე ხმამაღლა საუბარი, გამომწვევი ჩაცმულობა და ინტრიგებით აღსავსე პირადი ცხოვრება – ეს თამო ვაშალომიძის პოპულარობის გზა და მეთოდებია, რომელიც დროებითმა პაუზამ და ვაჟზე ფეხმძიმობამ ჩაანაცვლა.

44
თემები:
სელებრითების ცხოვრება