სასაზღვრო პუნქტი ზემო ლარსი

ეს მხოლოდ ჭორებია პრემიერი რუსეთთან საზღვარზე შეზღუდვების დაწესების შესახებ

441
(განახლებულია 16:28 12.08.2020)
საქართველოს მთავრობის მეთაური დარწმუნებულია, რომ რუსეთთან საქართველოს საზღვარზე COVID-19-ის გავრცელების რისკი არ არის გაზრდილი.

თბილისი, 12 აგვისტო – Sputnik. საქართველო–რუსეთის საზღვრის ერთადერთ გამშვებ პუნქტზე „ყაზბეგი – ზემო ლარსი“ ეპიდემიური მდგომარეობა მთლიანად ექვემდებარება კონტროლს, განაცხადა საქართველოს პრემიერ-მინისტრმა გიორგი გახარიამ ოთხშაბათს უწყებათშორისი საკოორდინაციო საბჭოს სხდომაზე.

გამყრელიძე: სახმელეთო საზღვრების გახსნა ჯერ არ შეიძლება>>

საქართველოს შინაგან საქმეთა სამინისტრომ გუშინ განაცხადა, რომ ბოლო რამდენიმე დღის განმავლობაში კორონავირუსით დეპარტამენტის 11 თანამშრომელი დაინფიცირდა. მათგან შვიდი „ყაზბეგის“ გამშვები პუნქტის თანამშრომელი აღმოჩნდა. ამის შემდეგ მასმედიაში გამოითქვა ვარაუდი, რომ „ყაზბეგის“ გამშვებ პუნქტზე შეიძლება შეზღუდვები დაწესდეს.

„რაღაც ჭორებიც ვრცელდება სხვადასხვა მედიასივრცეში, რომ მთავრობა ასევე ყაზბეგში აპირებს შეზღუდვების დაწესებას, მაგრამ არანაირი რისკი არ არსებობს. დღეს ყაზბეგში, ისევე, როგორც ლარსის გამშვებ პუნქტზე, ეპიდემიური მდგომარეობა სრულად კონტროლდება. ამიტომ ეს არის მხოლოდ და მხოლოდ ჭორები“, – განაცხადა გახარიამ.

კორონავირუსის ინფექციის გავრცელების შესაჩერებლად საქართველომ 16 მარტიდან, ზოგიერთი გამონაკლისის გარდა, საზღვრები ყველა ქვეყანასთან ჩაკეტა.

კერძოდ, საქართველოს მოქალაქეებს უფლება აქვთ სახმელეთო საზღვარი გადაკვეთონ, თუ ისინი სამშობლოში ბრუნდებიან. საზღვრის გადაკვეთის უფლება აქვთ ასევე ტვირთების სატრანზიტო გადამზიდებსაც.

საქართველოში მოქმედი წესების თანახმად, მოქალაქეები სამშობლოში ჩამოსვლისთანავე გადიან სავალდებულო 14-დღიან კარანტინს. მკაცრ კონტროლს გადის ასევე ყველა სატვირთო ავტომობილის მძღოლი.

„დღევანდელი მონაცემებით, 54 205 მძღოლს ჩაუტარდა ტესტირება, რომელთაგან ვირუსი დაუდასტურდა 788 ადამიანს. შეიძლება გვეგონოს, რომ ეს არ არის დიდი რიცხვი, მაგრამ ქვეყანაში უკონტროლოდ შემოსული ერთი ასეთი ადამიანი შეიძლება ყოფილიყო უდიდესი გამწვავების შედეგი. ეს ის მიმართულებებია, რომელიც დიდი ყურადღებით და დიდი სიფრთხილით უნდა ვაკონტროლოთ“, – განაცხადა გახარიამ.

ბოლო მონაცემებით, ინფიცირებულთა საერთო რაოდენობა საქართველოში 1278-ს შეადგენს, რომელთაგან 1258 ადამიანი გამოჯანმრთელდა, ხოლო 17 გარდაიცვალა.

441
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 25 სექტემბერს

8
(განახლებულია 20:56 24.09.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 25 სექტემბერი — Sputnik. სააქციო საზოგადოება „თელასი" იუწყება, რომ 25 სექტემბერს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

საბურთალოს რაიონი

 11:00 საათიდან 16:00 საათამდე შეზღუდვა შეეხება: ვაჟა-ფშაველას VI კვარტლის (ნაწილობრივ) და ავთო ვარაზის ქუჩის მოსახლეობას.

კრწანისის რაიონი

11:00 საათიდან 17:00 საათამდე შეზღუდვა შეეხება: ხეივნის დასახლების მოსახლეობას.

დიდუბის რაიონი

11:00 საათიდან 18:00 საათამდე შეზღუდვა შეეხება: აკაკი წერეთლის გამზირის (ნაწილობრივ) მოსახლეობას.

 

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

8
თემები:
თბილისი დღეს
ბლოკპოსტი

ამჯერად გურია: ოზურგეთის მუნიციპალიტეტის დაბა ლაითური ჩაიკეტა

26
(განახლებულია 08:51 25.09.2020)
სპეციალურად დაბა ლაითურის მოსახლეობისთვის, სადაც კორონავირუსი რამდენიმე მოსწავლეს და მასწავლებელს დაუდასტურდა, გურიის სამხარეო ადმინისტრაციაში ამოქმედდა ცხელი ხაზი.

თბილისი, 25 სექტემბერი — Sputnik. კორონავისუსით ინფიცირების შემთხვევების მატების გამო ოზურგეთის მუნიციპალიტეტის დაბა ლაითურში გადაადგილება შეიზღუდა.

გურიის რეგიონში, რომელიც ამ დრომდე „მწვანე ზონად" ითვლებოდა, კორონავირუსის უკვე 84 შემთხვევაა დაფიქსირებული. პირველი შემთხვევა 4 სექტემბერს დაფიქსირდა – ინფექცია ჩოხატაურში ახალგაზრდა ქალს დაუდგინდა. ბოლო ინფორმაციით,  ოზურგეთში ინფიცირებულთა რაოდენობამ 61 შეადგინა, აქედან 11 შემთხვევა დაბა ლაითურს უკავშირდება. 

დაბა ლაითურში კორონავირუსი რამდენიმე მოსწავლეს და მასწავლებელს აქვს  დადასტურებული, რის გამოც საჯარო სკოლამ  შეწყვიტა სასწავლო პროცესი და ორი კვირით სწავლების დისტანციურ რეჟიმზე გადავიდა. 

ამ დროისთვის გურიის რეგიონში თერმოსკრინინგი და ფართო ეპიდკვლევა მიმდინარეობს.

სპეციალურად დაბა ლაითურის მოსახლეობისთვის გურიის სამხარეო ადმინისტრაციაში ამოქმედდა ცხელი ხაზი.

„ლაითურში მოსახლეობის შესვლა-გამოსვლა გაკონტროლდება სამართალდამცავთა მიერ. განხორციელდება მოსახლეობის თერმოსკრინინგი. მოვუწოდებთ მოსახლეობას, გაგებით მოეკიდონ აღნიშნულ გადაწყვეტილებას, რათა თავიდან იქნეს აცილებული კორონავირუსის გავრცელება“,- აცხადებენ ოზურგეთის მერიაში.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 259-ით გაიზარდა და 4399-ს მიაღწია, გამოჯანმრთელდა 1705 ადამიანი, გარდაიცვალა 26 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

26
თემები:
COVID-19 საქართველოში