აბანოთუბანი

„WOW ეფექტი გარანტირებულია“: თბილისი ევროპის საუკეთესო ტურისტული მიმართულებების სამეულშია

112
(განახლებულია 15:15 07.02.2020)
თბილისის ღირსშესანიშნაობებს შორის EBD რეკომენდაციას უწევს ქართვლის დედის მონუმენტს, მშვიდობის ხიდს, მეტეხის ტაძარს, მთაწმინდის პარკს, გოგირდის აბანოებს და დედაქალაქის თეატრებს.

თბილისი, 7 თებერვალი — Sputnik. Europian Best Destination-ის (EBD) ვერსიით, საქართველოს დედაქალაქი, როგორც იდეალური ადგილი კულტურის, გასტრონომიის, მრავალფეროვნებისა და არქიტექტურის მოყვარულთათვის, 2020 წლის ევროპულ ტურისტულ მიმართულებებს შორის ყველაზე პოპულარულ სამეულში შევიდა.

„ევროპის საუკეთესო  მიმართულებები“ (Europian Best Destination) ტურისტული ორგანიზაციაა, რომლის მთავარი ოფისი ბრიუსელში მდებარეობს. იგი ევროპაში ტურიზმისა და კულტურის ხელშეწყობისთვის შეიქმნა.

EBD მსგავს რეიტინგებს ონლაინ-კენჭისყრის შედეგების საფუძველზე 11 წელია ადგენს. წელს მასში მონაწილეობა 600 ათასზე მეტმა ინტერნეტ-მომხმარებელმა მიიღო. ასევე გათვალისწინებული იყო ტურიზმის სფეროს სპეციალისტების აზრი.

სიაში თბილისი მესამე ადგილზე მოხვდა. 

„შეუდარებელი ოსმანური სტილის ნაგებობები ერწყმის შუა საუკუნეების შენობებს, ასევე შეხვდებით ნეოკლასიკურ, საბჭოთა და თანამედროვე შენობებს. თბილისი პატივისცემით ეპყრობა თავის წარსულს, მაგრამ ამასთან იყურება მომავლისკენ, ხვალინდელი დღისკენ“, – წერს EBD.

თბილისის ღირსშესანიშნაობებს შორის, რომლებიც აუცილებლად უნდა ნახოთ, EBD რეკომენდაციას უწევს ქართვლის დედის მონუმენტს, მშვიდობის ხიდს, მეტეხის ტაძარს, მთაწმინდის პარკს, გოგირდის აბანოებს და დედაქალაქის თეატრებს.

სტატიის ავტორების სიტყვებით, საქართველოს დედაქალაქი განსაკუთრებულად ლამაზია გაზაფხულსა და ზაფხულში, როდესაც ბუნება იღვიძებს და ასევე ზამთარში – საშობაო მორთულობებით, ბაზრობებითა და სხვადასხვა ილუმინაციებით.

„თბილისში მოგზაურობისას WOW ეფექტი გარანტირებულია“, – მიაჩნიათ EBD-ში.

საინტერესოა, რომ რეიტინგში პირველ ადგილზე ფრანგული ქალაქი კოლმარია, მეორე ადგილზე – ათენი. ათეულში ასევე მოხვდნენ ვენა (ავსტრია), კაშკაიში (პორტუგალია), სიბიუ (რუმინეთი), ნამიური (ბელგია), რიეკა (ხორვატია), პარიზი (საფრანგეთი) და ბიდგოში (პოლონეთი).

112
თემები:
ტურიზმი საქართველოში (232)
ამირან გამყრელიძე

არავინ იცის, როგორი უნარი ექნება: გამყრელიძე კორონავირუსის ვაქცინის შესახებ

56
(განახლებულია 22:35 05.06.2020)
თანამედროვე ტექნოლოგიების პირობებში კორონავირუსის ვაქცინის შექმნა კი არ არის რთული, არამედ მისი უსაფრთხოებისა და ეფექტურობის დადგენა, მიაჩნია გამყრელიძეს.

თბილისი, 5 ივნისი - Sputnik. მსოფლიოში არ არსებობს საერთო აზრი იმაზე, როგორი დაცვის უნარი ექნება კორონავირუსის საწინააღმდეგო ვაქცინებს, განაცხადა დაავადებათა კონტროლის ეროვნული ცენტრის დირექტორმა ამირან გამყრელიძემ. 

როგორც მან აღნიშნა, დღევანდელი ტექნოლოგიების პირობებში ვაქცინის შექმნა სირთულეს არ წარმოადგენს, რთულია მისი უსაფრთხოებისა და ეფექტურობის დადგენა.

„ასზე მეტი ვაქცინაა შექმნილი, აქედან ათამდე გადის დაჩქარებულ კლინიკურ კვლევებს. ზოგ კვლევაში უკვე აღნიშნულია საკმაოდ კარგი იმუნოგენობა, ანუ იმუნიტეტის გამომუშავების თვისებები. დაიწყო ამ ვაქცინების გამოყენება ადამიანებზეც, მაგრამ, როგორც წამყვანი ლაბორატორიები და კომპანიები ამბობენ, მათი უსაფრთხოების გამოცდამდე ჯერ შორი გზაა“, - განაცხადა ამირან გამყრელიძემ.

მისი თქმით, საერთო აზრი იმის შესახებ, თუ როგორი დაცვის უნარი ექნება ვაქცინებს, არ არსებობს. დღეისათვის უცნობია, საკმარისი იქნება პრეპარატის სიცოცხლეში ერთხელ გაკეთება, როგორც ეს წითელას შემთვევაში ხდება, თუ მას მხოლოდ სეზონური დამცველობითი უნარი ექნება, როგორიც აქვს, მაგალითად, გრიპის ვაქცინას.

ამის პარალელურად დაავადებათა კონტროლის ეროვნული ცენტრის დირექტორის მოადგილემ პაატა იმნაძემ განაცხადა, რომ არავინ აპირებს, ძალით აცრას ადამიანი, რომელსაც ვაქცინაციის სურვილი არ ექნება.

  • „ზოგს ეშინია, რომ ძალით აცრიან, დამერწმუნეთ, ძალით არავინ არავის აცრის“, – აღნიშნა მან.

ბოლო მონაცემებით, საქართველოში კორონავირუსი 805 ადამიანს დაუდასტურდა, აქედან 650 უკვე გამოჯანმრთელდა, 13 ადამიანი კი გარდაიცვალა.

 

56
თემები:
COVID-19 საქართველოში
ქართველი ჯარისკაცები

ფეხსაცმელების სკანდალი ჯარში: მწარმოებელმა ოფიციალური წერილი გამოგზავნა

38
(განახლებულია 20:39 05.06.2020)
თავდაცვის სამინისტროს განცხადებით, სიცრუეზე დაფუძნებული ნეგატიური კამპანია საქართველოს თავდაცვის ძალების წინააღმდეგაა მიმართული

თბილისი, 5 ივნისი - Sputnik. გერმანულმა კომპანია “ლოვამ“ ოფიციალური წერილით დაადასტურა, რომ თავდაცვის ძალებისთვის შეძენილი ფეხსაცმელი ნამდვილად მათ მიერაა წარმოებული, ნათქვამია საქართველოს თავდაცვის სამინისტროს მიერ გავრცელებულ განცხადებაში

მედიაში გავრცელდა ინფორმაცია, რომ საქართველოს თავდაცვის სამინისტრომ  სამხედროებისთვის “ლოვას” და “ჰაიქსის” ფირმის ფეხსაცმელის ნაცვლად მათი ყალბი ანალოგები შეიძინა. უწყებამ აღნიშნული ინფორმაცია კატეგორიულად უარყო.

კომპანიის მიერ გამოგზავნილ წერილში აღნიშნულია, რომ საქართველოს თავდაცვის სამინისტროს მიერ შეძენილი სამხედრო ფეხსაცმელი, იგივე ბათინკი, ნამდვილად აღნიშნული კომპანიის კუთვნილ ქარხანაში, ევროკავშირში არის ნაწარმოები.

„ჩვენ 100%-იან გარანტიას ვიძლევით, რომ „ბათინკები“, რომელიც საქართველოს თავდაცვის სამინისტროს გადაეცა, ევროკავშირში, ჩვენს ქარხანაში არის დამზადებული. ამ ქარხანაში ვაწარმოებთ დაახლოებით 10 000 წყვილ Lowa-ს ფეხსაცმელს დღეში. გთხოვთ, დანართად იხილოთ ჩვენი კომპანიის DIN EN ISO 9001:2015 სერტიფიკატი. დამოუკიდებელი ინსტიტუტი PFI ყოველწლიურად ახორციელებს ჩვენი კომპანიის მთლიან აუდიტს“, -ნათქვამია განცხადებაში.

დღეს  საქართველოს თავდაცვის სამინისტროს სახელმწიფო შესყიდვების დეპარტამენტის უფროსმა გიორგი ხაინდრავამ უწყებაში სპეციალურად გამართულ ბრიფინგზე მედიას მოუწოდა, რომ მაქსიმალურად გადაამოწმონ თავდაცვის ძალებთან დაკავშირებული ნებისმიერი ინფორმაცია და ნუ შეეცდებიან უარყოფითად წარმოაჩინონ ყველა ის სიკეთე, რაც ჯარისთვის კეთდება.

როგორც  გიორგი ხაინდრავამ  აღნიშნა, შესყიდული ფეხსაცმლის ფასი მნიშვნელოვნად დაბალია მათ საბაზრო ღირებულებაზე, რაც განპირობებულია თავდაცვის სამინისტროს წარმატებული მოლაპარაკებებით.

 

38
სავსე მთვარე

მთვარის კალენდარი: 6 ივნისი რისი გაკეთება შეიძლება და რისი არა

0
(განახლებულია 20:37 05.06.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 ივნისი, შაბათი. ამ დღეს სატურნი მართავს. კლებადი მთვარე მშვილდოსნის ნიშანშია.

სავსემთვარეობის შემდეგ, როდესაც ხდება სასიცოცხლო და ფსიქოლოგიური ენერგიის დაგროვება, იწყება ამ ენერგიის თანდათანობითი შემცირება.

მოსალოდნელია მდგომარეობის, იდეებისა და განწყობის ხშირ–ხშირი ცვლა. ეს ეხება როგორც საქმიან სფეროს, ისე პირად ურთიერთობებს. კარგი დღეა კვირის განმავლობაშ დაგროვებული ამოცანების გადასაჭრელად, გეგმების შესადგენად.

თმის შეჭრა, შეღებვა: მშვილდოსანი, მორიელის მსგავსად, არაერთმნიშვნელოვან გავლენას ახდენს თმის ვარცხნილობის შეცვლაზე. მაგალითად, თუ თმის შეჭრა გინდათ და ვარცხნილობის დიდხანს შენარჩუნება, მაშინ, სჯობს, ეს სხვა დროისთვის გადადოთ – თმა მალე გაიზრდება და ვერ დაიმორჩილებთ. თმის შეჭრისთვის კარგი დღეა, თუ თმის ზრდის პროცესის შენელება გსურთ. გაითვალისწინეთ – თუ მაინც გადაწყვეტთ თმის შეჭრას, უპირატესობა სწორ, დავარცხნილ სტილს მიანიჭეთ და არა ხვეულ თმას. ასევე, შეიძლება არ გაამართლოს მოლოდინებმა თმის შეღებვასთან დაკავშირებით – თმა მალე გაფერმკრთალდება.

მთვარის დაბნელება 5 ივნისს: მასშტაბური მოვლენა, რომლითაც დაბნელებების დერეფანი იხსნება>>

მებაღეობა: მშვილდოსანი მთვარის კალენდარში ნაკლებად ნაყოფიერი ნიშანია, მაგრამ ამ დღეს ბაღში სხვადასხვა სამუშაოების შესრულება შეიძლება, მათ შორის, სასუქის მიცემა, გასხვლა, მცოცავი მცენარეების დარგვა და სხვ. მებაღეობის შესახებ ივნისში დეტალურად იხილეთ აქ.

0