აივ-ინფექციის ექსპრეს-ანალიზი

შიდსი საქართველოში: ერთ თვეში აივ ინფიცირების 48 ახალი შემთხვევა დაფიქსირდა

95
(განახლებულია 18:57 04.02.2020)
ბოლო მონაცემებით, საქართველოში აივ-ინფიცირებულია ექვსი  ათასზე მეტი მამაკაცი და ორი ათასზე მეტი ქალი.

თბილისი, 4 თებერვალი - Sputnik. საქართველოში, 2020  წლის 31 იანვრის მონაცემებით, აივ-ინფიცირების 48  ახალი შემთხვევა გამოვლინდა, გასული წლის შესაბამის პერიოდში კი 41ახალი შემთხვევა იყო გამოვლენილი, აღნიშნულია ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის ვებგვერდზე გამოქვეყნებულ მასალებში. 

შიდსის ცენტრის ინფორმაციით, საქართველოში მთლიანად 8 150  აივ-ინფიცირებულია. მათგან 6 081  მამაკაცია, ხოლო ქალი – 2069.  ათასზე მეტი. პაციენტების უმრავლესობის ასაკი 29-დან 39 წლამდეა.   სულ საქართველოში გამოვლენილია 116 აივ ინფიცირებული ბავშვი. მათ შორის 70 - ვაჟი, 46 - გოგონა. დღემდე შიდსი განუვითარდა 4,2  ათასზე მეტ პაციენტს, დაიღუპა 1,6  ათას ადამიანზე მეტი.

რაც შეეხება დაავადების გადაცემის გზებს, აივ-ინფიცირების ძირითადი მიზეზი კვლავ ნარკოტიკების ინექციის გზით მიღება (38.0%) და ჰეტეროსექსუალური კონტაქტებია (48.4%). 

აივ-ინფიცირების ყველაზე მეტი შემთხვევა რეგისტრირებულია თბილისში (3  ათას შემთხვევაზე მეტი, მათგან 87 უცხოეთის მოქალაქეა), შემდეგ მოდიან სამეგრელო (1,1 ათასზე  შემთხვევა) და იმერეთი (928 შემთხვევა). 

აღმოჩენილია აივ-ინფექციის ახალი შტამი: არსებობს თუ არა პანიკის საფუძველი

ინფექციური პათოლოგიის, შიდსისა და კლინიკური იმუნოლოგიის ცენტრის ინფორმაციით, ბოლო წლებში აღინიშნება ახალი შემთხვევების სტაბილური ზრდის ტენდენცია. საქართველოს მოქალაქეებისთვის აივ კონსულტირება-ტესტირება კონფიდენციალური და უფასოა. 

აივ — ადამიანის იმუნოდეფიციტის ვირუსის აბრევიატურა. ვირუსი ანადგურებს იმუნურ სისტემას. აივ-ვირუსი ცხოვრობს და მრავლდება მხოლოდ ადამიანის ორგანიზმში. ვირუსი თანდათან ანადგურებს იმუნურ სისტემას, ამცირებს ორგანიზმის წინააღმდეგობის უნარს ინფექციებისადმი. გარკვეულ მომენტში ორგანიზმის წინააღმდეგობის უნარი იმდენად მცირდება, რომ ადამიანი შეიძლება დაავადდეს ისეთი ინფექციური დაავადებებით, რომლებითაც ადამიანები საერთოდ არ, ან ძალიან იშვიათად ავადდებიან.


95
ხანდაზმული ადამიანები პირბადეებით

რა მოხდება მოსახლეობის 60 პროცენტის აცრის შემთხვევაში: ცერცვაძის განმარტება

34
აშშ–ის ეროვნულ–დემოკრატიული ინსტიტუტის (NDI) მიერ საქართველოში  ჩატარებული საზოგადოებრივი აზრის კვლევის ფარგლებში გამოკითხულთა მხოლოდ 41%-მაკორონავირუსის ვაქცინის გაკეთებაზე თანხმობა განაცხადა.

თბილისი, 25 იანვარი - Sputnik. ყველა პოლიტიკური ორიენტაციის თუ განსხვავებული შეხედულების ექსპერტი უნდა დადგეს ერთად და დავარწმუნოთ მოსახლეობის რაც შეიძლება დიდი მასა, რომ კორონავირუსის საწინააღმდეგო ვაქცინა გაიკეთონ, განუცხადა პირველ არხს ინფექციური საავადმყოფოს დირექტორმა თენგიზ ცერცვაძემ.

საქართველოს მოსახლეობის დიდ ნაწილს კორონავირუსის საწინააღმდეგო ვაქცინის ჩატარება სურს >>

აშშ–ის ეროვნულ–დემოკრატიული ინსტიტუტის (NDI) მიერ ჩატარებული საზოგადოებრივი აზრის კვლევის თანახმად, საქართველოს მოსახლეობის 41% თანახმაა, აიცრას კორონავირუსზე, წინააღმდეგია ასევე 41%.

ცერცვაძის თვალსაზრისით, ის, რომ ვაქცინაციას გამოკითხულთა  მხოლოდ 41% ემხრობა, ძალიან მცირე რიცხვია. რადგან ქვეყანაში სამიზნედ ითვლება მოსახლეობის 60-65%.

„თუ ჩვენ მივაღწიეთ იმას, რომ ქვეყანაში 60-65% აიცრა, ეს იმას ნიშნავს, რომ ქვეყანაში გვეყოლება იმუნური ფენა, ამას დაემატება ის პაციენტები, ვინც კოვიდი გადაიტანა და ბუნებრივი იმუნიტეტი აქვს. ეს იქნება პრაქტიკულად 100%-იანი გარანტია, რომ ქვეყანაში პანდემიის და ეპიდემიის შემდეგი ტალღები არ იქნება“, - განაცხადა ცერცვაძემ.

ინფექციური საავადმყოფოს დირექტორის თქმით, ის 20 პროცენტი, ვინც დარჩება აუცრელი ან იმუნიტეტის გარეშე, მათთან იქნება ცალკეული შეხვედრები, მაგრამ ეს ვერ მოახდენს გავლენას ვერც ქვეყნის ეკონომიკაზე, ვერც საქმიანი წრეების აქტივობაზე, რადგან მათ კლინიკური სექტორი იოლად გაუმკლავდება.

ვაქცინაციის ეროვნული გეგმის მიხედვით, მოსახლეობის იმუნიზაცია მხოლოდ ჯანდაცვის მსოფლიო ორგანიზაციის (ჯანმო) მიერ დამტკიცებული ვაქცინებით მოხდება,

საქართველო COVAX–პლატფორმის მეშვეობით Pfizer-ისა AstraZeneca-ს ვაქცინის შესყიდვასთან დაკავშირებით აქტიურ მოლაპარაკებებს აწარმოებს. COVAX–პლატფორმით საქართველომ ვაქცინა მოსახლეობის 20%-სთვის – 700 ათასი ადამიანისთვის შეუკვეთა. ქვეყანამ უკვე გადაიხადა 4 მლნ დოლარი.

რა იცავს მათ, ვინც კონტაქტის მიუხედავად COVID-19-ით არ ინფიცირდებიან: ცერცვაძის განმარტება >>

COVAX–პლატფორმამ საქართველოსგან 18 იანვარს დასტური მიიღო იმასთან დაკავშირებით, რომ ქვეყანა მზადაა მიმდინარე წლის პირველ კვარტალში კორონავირუსის საწინააღმდეგო ვაქცინა მიიღოს. ვაქცინის პირველი პარტია – დაახლოებით 20 ათასი დოზა საქართველოში დაახლოებით ერთ თვეში, თებერვლის ბოლოს გამოჩნდება. ქვეყანაში შემოიტანენ ამერიკული კომპანია Pfizer-ისა და მისი გერმანული პარტნიორი BioNTech-ის პრეპარატს BNT162b2.

34
საერთო რეჟიმის კოლონია

ქართული ციხეებიდან ამნისტიის საფუძველზე უკვე 90 პატიმარი გათავისუფლდა

29
ამნისტიის კანონის თანახმად, თითოეული გათავისუფლებული საპატიმროს სასამართლოს გადაწყვეტილების საფუძველზე ტოვებს

თბილისი, 25 იანვარი - Sputnik. „ამნისტიის შესახებ“ კანონის ძალაში შესვლის მომენტიდან საქართველოს პენიტენციური დაწესებულებებიდან 90 პატიმარი გათავისუფლდა, იუწყება სპეციალური პენიტენციური სამსახური.

კანონი „ამნისტიის შესახებ“ პარლამენტმა 2021 წლის 11 იანვარს მიიღო და ის 1,5 ათასი პატიმრის გათავისუფლებას ითვალისწინებს. თუმცა მის აღსრულებას ერთი თვე დასჭირდება. ამ დროის განმავლობაში სასამართლო თითოეული ამნისტირებულის საქმეს განიხილავს.

სამსახურის ინფორმაციით, გათავისუფლებულთა შორის ექვსი ქალია.

დღეს ამნისტიის შესახებ კანონის საფუძველზე ქსნის №15 კოლონიიდან 11 პატიმარი გათავისუფლდა.

ვის შეეხება ამნისტია, შეგიძლიათ იხილოთ ბმულზე.

29
ვაქცინა Спутник V

ინდოეთმა რუსული ვაქცინის გამოცდის მეორე ეტაპი დაასრულა

6
რუსეთში ინდოეთის ელჩის სიტყვებით, ცდების პირველი ორი ფაზა წარმატებით დასრულდა და დაიწყო მესამე ეტაპი

თბილისი, 25 იანვარი - Sputnik. კორონავირუსის საწინააღმდეგო რუსული ვაქცინა „სპუტნიკ  V“ ინდოეთში ცდების მესამე ეტაპის შემდეგ დარეგისტრირდება, იუწყება РИА Новости მოსკოვში ინდოეთის ელჩის, ვენკატეშ ვარმას სიტყვებზე დაყრდნობით.

„ინდოეთისა და რუსეთის თანამშრომლობა ჯანდაცვის სფეროში, მათ შორის, ვაქცინების მიმართულებით, პანდემიის პირობებში ძალიან კარგ დონეზეა, მიმდინარეობს რეგულარული კონტაქტები პირდაპირი ინვესტიციების რუსეთის ფონდსა და ინდურ კომპანიებს შორის“, - განაცხადა მან.

ვარმას თქმით, „სპუტნიკ  V“-ს გამოცდის ორი ფაზა წარმატებით დასრულდა და დაიწყო მესამე.

„როგორც კი ის დასრულდება, ჩატარდება რეგისტრაცია და დაიწყება მისი წარმოება ინდოეთში სარეალიზაციოდ. ვფიქრობ, ეს მომდევნო ორი კვირის განმავლობაში მოხდება“, - აღნიშნა დიპლომატმა.

„როგორც კი ცდების მესამე ფაზა დასრულდება და ის ნებართვას მიიღებს, ჩვენ ვხედავთ ვაქცინის წარმოების შესაძლებლობას, ინდოეთისთვის, რუსეთისთვის, მთელი მსოფლიოსთვის ინდოეთის სიმძლავრეების გამოყენების გზით... ჩვენთან ვაქცინების წარმოებისთვის მნიშვნელოვანი სიმძლავრეებია განთავსებული - მსოფლიო წარმოების დაახლოებით 60 პროცენტი“, - აღნიშნა ელჩმა.

კორონავირუსის საწინააღმდეგო მსოფლიოში პირველი ვაქცინა რუსეთმა 2020 წლის აგვისტოში დაარეგისტრირა. პრეპარატ „სპუტნიკ V"-ს უპირატესობად სპეციალისტები მის უსაფრთხოებას, ეფექტურობასა და ხანგრძლივი ნეგატიური შედეგების არარსებობას ასახელებენ. „სპუტნიკV"-ს ეფექტურობა 90%-ს აღემატება, დაავადების მძიმე შემთხვევებში ვაქცინა სრულ დაცვას უზრუნველყოფს.

6