საპროტესტო აქცია კინოთეატრ „ამირანთან“ Акция протеста у кинотеатра Амирани в Тбилиси

კინოთეატრ „ამირანთან“ სპეცრაზმი გამოჩნდა, ნაცემია ყოფილი დეპუტატი: ვიდეო

245
(განახლებულია 11:38 09.11.2019)
პოლიციამ აქციის მონაწილეებს მოუწოდა, დაემორჩილონ სამართალდამცველთა მითითებებს, წინააღმდეგ შემთხვევაში პოლიცია იმოქმედებს კანონის შესაბამისად.

თბილისი, 8 ნოემბერი – Sputnik. თბილისში, კინოთეატრ „ამირანთან“, სადაც „ქართული მარშის“ წარმომადგენლები და მათი მხარდამჭერები ლევან აკინის შვედურ-ქართული დრამის „და ჩვენ ვიცეკვეთ“ ჩვენებას აპროტესტებენ, სპეცრაზმი გამოჩნდა. 

პოლიციამ აქციის მონაწილეებს მოუწოდა, დაემორჩილონ სამართალდამცველთა მითითებებს, წინააღმდეგ შემთხვევაში პოლიცია იმოქმედებს კანონის შესაბამისად. 

ამ დროისათვის საპროტესტო აქციის მონაწილეები კინოთეატრში შესვლას ცდილობენ. რამდენიმე მათგანმა პიროტექნიკა ისროლა, რის შემდეგაც სამართალდამცველებმა კინოთეატრში შესასვლელი კარი ჩაკეტეს. 

აღსანიშნავია, რომ გეი-წყვილის სიყვარულზე გადაღებული ფილმის „და ჩვენ ვიცეკვეთ“ ჩვენება თბილისისა და ბათუმის კინოთეატრებში 8-10 ნოემბერსაა დაგეგმილი. ფილმის ჩვენების მოწინააღმდეგეებმა ვერის პარკსა და ფილარმონიასთან შეკრება დაახლოებით 16:00 საათისთვის დაიწყეს. საღამოს ადგილზე უკვე რამდენიმე ასეულმა ადამიანმა მოიყარა თავი, რის შემდეგაც მათ კინოთეატრ „ამირანთან“ გადაინაცვლეს. 

აქციის მონაწილეებმა გადაკეტეს საავტომობილო გზა და ცდილობენ გაარღვიონ პოლიციის კორდონი. ზოგ მათგანს ხელში ფაიერები უჭირავს, ისმის შეძახილები „საქართველო“ და „საქართველოს გაუმარჯოს“. 

მას შემდეგ, რაც მომიტინგეებმა პოლიციის კორდონს შეუტიეს, შინაგან საქმეთა სამინისტრომ უსაფრთხოების ზომების გაძლიერების გადაწყვეტილება მიიღო. უშუალოდ კინოთეატრის წინ ჩაფხუტებითა და ფარებით აღჭურვილი პოლიციელები დგანან. 

ამ წუთებში ცნობილი ხდება, რომ „რესპუბლიკური პარტიის“ წევრ დავით ბერძენიშვილს „ამირანთან“ ფიზიკურად დაუპირისპირდნენ იმის გამო, რომ ის ფილმის სანახავად იყო მისული. გავრცელებული ინფორმაციით, ბერძენიშვილი საპატრულო პოლიციის მანქანით გაჰყავთ ტერიტორიიდან.

კინოთეატრ „ამირანთან“ დგანან ადამიანები, რომლებსაც აქვთ დღევანდელ პრემიერაზე დასასწრები ბილეთები, თუმცა შენობაში შესვლას ვერ ახერხებენ. როგორც ისინი ჟურნალისტებთან საუბარში აცხადებენ, მათ კინოთეატრში შესვლის უფლებას პოლიცია არ აძლევს, რომელსაც კორდონი აქვს გაკეთებული „ამირანთან“. მათი პასუხი ისაა, რომ ისინი სტუმრების უსაფრთხოებაზე ზრუნავენ.

245
თემები:
თბილისი დღეს (2041)
გოგონა პირბადით

COVID-19 რეგიონებში: სად დაფიქსირდა ინფიცირების ყველაზე მეტი შემთხვევა

0
(განახლებულია 12:43 13.06.2021)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 522-ით გაიზარდა და ინფიცირებულთა საერთო რიცხვმა 353.965-ს. მიაღწია.

თბილისი, 13 ივნისი – Sputnik. საქართველოში ბოლო 24 საათში გამოვლენილი კორონავირუსის 522 შემთხვევიდან ყველაზე მეტი – 276 შემთხვევა დედაქალაქში დაფიქსირდა. ინფორმაციას საქართველოს მთავრობის ადმინისტრაცია ავრცელებს.

ინფიცირებულთა შემთხვევების რაოდენობით მეორე ადგილზე აჭარაა, შემდეგ კი იმერეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია:

აჭარა - 45, იმერეთი - 44, სამეგრელო - ზემო სვანეთი - 36, ქვემო ქართლი - 34, კახეთი - 32,  შიდა ქართლი - 25, მცხეთა-მთიანეთი - 16, სამცხე-ჯავახეთი - 10, გურია - 4, რაჭა-ლეჩხუმი და ქვემო სვანეთი - 0.

ბოლო 24 საათში ვირუსისგან გამოჯანმრთელდა 1.074 პირი, ხოლო ჯამში გამოჯანმრთელებულთა რაოდენობა 339.392-მდე. -მდე გაიზარდა.

ბოლო დღე-ღამის განმავლობაში გარდაიცვალა 14  ადამიანი და გარდაცვლილთა საერთო რაოდენობამ 5.048 მიაღწია.

ამ დროის მონაცემებით, საქართველოში 9.499 აქტიური შემთხვევაა. კოვიდ-კლინიკებში მოთავსებულია 3.155 პაციენტი, მათ შორის, თბილისში -  1.771, აჭარაში - 284, იმერეთში - 403.

688 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 190 პირი, მათგან თბილისში - 118, აჭარაში - 13, იმერეთში - 13. კოვიდ-სასტუმროში მოთავსებულია  610 ადამიანი. მათ შორის 345 - თბილისში, 232- აჭარაში.  5.734 პირი ვირუსის მკურნალობის კურსს გადის საცხოვრებელ ბინაზე.

დღევანდელი მდგომარეობით, საკარანტინო სივრცეში მოთავსებულია 41 ადამიანი (ყველა მათგანი თბილისში).

ამ ეტაპისთვის თვითიზოლაციაში იმყოფება 13.198 ადამიანი, მათ შორის თბილისში - 5.377, პირი, აჭარაში - 1.621, იმერეთში - 1.054.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 522-ით გაიზარდა და ინფიცირებულთა საერთო რიცხვმა 353.965-ს. მიაღწია.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

0
მეხანძრე-მაშველებმა 13 ივნისს დაღუპულთა ხსოვნას პატივი მიაგეს

მეხანძრე-მაშველებმა 13 ივნისს დაღუპულთა ხსოვნას პატივი მიაგეს

15
(განახლებულია 12:32 13.06.2021)
13 ივნისის სტიქიამ 21 ადამიანის სიცოცხლე იმსხვერპლა, ორი ადამიანი კი ამ დრომდე დაკარგულად ითვლება. დაიღუპა დაახლოებით 300 ცხოველი

თბილისი, 13 ივნისი - Sputnik. საგანგებო სიტუაციების მართვის სამსახურის თანამშრომლები 13 ივნისს გარდაცვლილთა მემორიალთან მივიდნენ და დაღუპულთა ხსოვნას პატივი მიაგეს, ნათქვამია უწყების მიერ გავრცელებულ განცხადებაში.

მემორიალთან იმყოფებოდნენ საგანგებო სიტუაციების მართვის სამსახურის სახანძრო-სამაშველო ძალების დეპარტამენტის უფროსის მოადგილე სამოქალაქო უსაფრთხოების პოლკოვნიკი მამუკა სეფიაშვილი და თბილისის მთავარი სამმართველოს უფროსი, სამოქალაქო უსაფრთხოების ვიცე-პოლკოვნიკი ოთარ კერესელიძე.

ზურაბ მუზაშვილი 13 ივნისის მოვლენების დროს ერთ-ერთი პირველი იყო იმ მაშველთაგან, ვინც სტიქიის ეპიცენტრში გამოცხადდა. სამაშველო ოპერაციის მსვლელობისას მან 6 ადამიანის სიცოცხლის გადარჩენა შეძლო, თვითონ კი წყლიდან გამოსვლა ვეღარ მოახერხა.

Разрушенная наводнением трасса Ваке-Сабуртало и ущелье, где текла речка Вере. Из серии Тбилисское наводнение 13 июня
© Sputnik / Alexander Imedashvili
2015 წლის 13 ივნისის დამანგრეველი წყალდიდობა თბილისში2015 წლის 13 ივნისის დამანგრეველი წყალდიდობა თბილისში

2015 წლის 13 ივნისს ადიდებულმა მდინარე ვერემ დატბორა საცხოვრებელი სახლები, ზოოპარკი, „მზიურის" პარკი, თამაზ ელიზბარაშვილის ძაღლების კერძო თავშესაფარი და ასევე მოშალა ქალაქის ინფრასტრუქტურა. სტიქიამ 21 ადამიანის სიცოცხლე იმსხვერპლა, ორი ადამიანი კი ამ დრომდე დაკარგულად ითვლება. დაიღუპა დაახლოებით 300 ცხოველი.

Разрушенная наводнением трасса Ваке-Сабуртало. Из серии Тбилисское наводнение 13 июня
photo: Sputnik / Kakhi Bilanishvili
Разрушенная наводнением трасса Ваке-Сабуртало. Из серии "Тбилисское наводнение 13 июня"

ოფიციალური ვერსიით, ტრაგედიის მიზეზი წყნეთი-ბეთანიის დამაკავშირებელ გზაზე ჩამოწოლილი მეწყერი გახდა. დაახლოებით ერთი მილიონი კუბური მეტრი მიწის მასის ჩამოსვლამ ვერეს ხეობაში წყალდიდობა და გამანადგურებელი პროცესები გამოიწვია. მოვარდნილმა ღვარცოფმა გაანადგურა საცხოვრებელი სახლები, გზები, ხიდები, გვირაბები, საყრდენი კედლები, საკომუნიკაციო სისტემები. თითქმის მთლიანად დაიტბორა „მზიურისა" და ზოოპარკის ტერიტორია.

 

ზარალმა დაახლოებით 90 მილიონი დოლარი შეადგინა.

15