საქართველოს გენერალური პროკურატურა

პროკურატურა „გახარიას მუქარის წერილის“ კვლევის სირთულეზე საუბრობს

95
პროკურატურა აპირებს შეისწავლოს ყველა მასალა მუქარის საქმეზე, რომელიც ბიზნესმენმა და საზოგადოებრივი მოძრაობა „ლელოს“ დამფუძნებელმა წარმოადგინა

თბილისი, 22 ოქტომბერი — Sputnik. „მუქარის წერილის დედანმა“, თითქოსდა დაწერილი ამჟამინდელი პრემიერ-მინისტრ გიორგი გახარიას მიერ, ბევრი ადამიანის ხელში გამოიარა, რაც ძალიან ართულებს ექსპერტიზის ჩატარებას, ნათქვამია გენერალური პროკურატურის ვებგვერდზე გავრცელებულ განცხადებაში.

სკანდალური წერილის ისტორია: გზავნილის წარმოშობის ვერსიები >>

ორშაბათს ბიზნესმენმა და საზოგადოებრივი მოძრაობა „ლელოს“ დამფუძნებელმა მამუკა ხაზარაძემ და მისმა პარტნიორმა ბადრი ჯაფარიძემ პროკურატურას გადასცეს წერილი, ასევე უცხოური ექსპერტიზის პასუხები. ხაზარაძემ განაცხადა, რომ წერილი 2018 წლის საპრეზიდენტო არჩევნების მეორე ტურის წინ მაშინდელი შს მინისტრ გახარიასგან შუამავლის მეშვეობით მიიღო.

„აღსანიშნავია, რომ ზემოხსენებული წერილი თვეების განმავლობაში,  სხვადასხვა ქვეყანაში, პირთა განუსაზღვრელი წრისთვის ფიზიკურად იყო ხელმისაწვდომი, რაც მნიშვნელოვნად ართულებს მასზე ეფექტური დაქტილოსკოპიური თუ სხვა სახის კვლევების ჩატარებას“, - ნათქვამია განცხადებაში.

პროკურატურის მონაცემებით, მან მიიღო ბრიტანული კერძო კომპანიის მიერ ჩატარებული დაქტილოსკოპიური ექსპერტიზის დასკვნა, კომპაქტ-დისკი, ასევე, ხაზარაძისა და ჯაფარიძის მტკიცებით, მუქარის შემცველი წერილის დედანი და განცხადება შესაბამისი რეაგირების მოთხოვნით.

საქმის ყველა მასალა დალუქულია.

„საქართველოს პროკურატურა მიმდინარე გამოძიების ფარგლებში, დეტალურად შეისწავლის განმცხადებლების მიერ წარმოდგენილ მასალებს“, - ნათქვამია განცხადებაში.

ტექსტიდან გამომდინარე, ხაზარაძისგან მოითხოვდნენ გაეკეთებინა ოფიციალური განცხადება იმის შესახებ, რომ მისთვის მიუღებელია ყოფილი მმართველი პარტია „ერთიანი ნაციონალური მოძრაობის“ რევანში და სხვა ბიზნესმენებისთვის გაერთიანებისკენ და ერთობლივი მოქმედებებისკენ მოეწოდებინა.

ადრე ხაზარაძის ადვოკატმა ზვიად კორძაძემ განაცხადა, რომ ექსპერტიზამ წერილზე 17 თითის ანაბეჭდი აღმოაჩინა.

ხაზარაძის საქმე – სასამართლოზე ადვოკატმა და პროკურორმა იკამათეს >>

ამასთან ადვოკატმა აღნიშნა, რომ ადამიანი, რომელმაც ხაზარაძეს წერილი გადასცა, ჩვენების მისაცემად მზად არის.

პირველად ეს წერილი ხაზარაძემ მარტში ახსენა. მას შემდეგ, რაც საქმეზე გამოძიება პროკურატურამ დაიწყო, ხაზარაძეს მტკიცებულები მოსთხოვეს, მაგრამ მაშინ მან ამაზე უარი თქვა და განაცხადა, რომ წერილის დედანი ექსპერტიზაზე ლონდონშია. თავდაპირველად მან გადასცა გამომძიებლებს მხოლოდ ასლი, რომლითაც პროკურატურა არ დაკმაყოფილდა.

95
თემები:
სკანდალი TBC BANK–ის წინააღმდეგ (58)
სასწრაფო დახმარება

საქართველოში COVID-19-ით ინფიცირებულთა უმრავლესობა უსიმპტომოა ან მსუბუქი სიმძიმისაა

15
ეპიდემიოლოგები პაციენტების მკურნალობს სახლის პირობებში გეგმავენ - მიმდინარეობს ექიმების გადამზადება

თბილისი, 19 სექტემბერი — Sputnik. საქართველოში კორონავირუსით ინფიცირებულთა შორის ჭარბობენ მსუბუქი, უსიმპტომო ან საშუალო სიმძიმის პაციენტები, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

საქართველოში ამ დროისათვის 1657 პაციენტი მკურნალობს. მათგან 13-ის მდგომარეობა კრიტიკულია, ხუთი კი ხელოვნური სუნთქვის აპარატზეა ჩართული.

„ზოგადად ბოლო ორ კვირაში გვაქვს ახალი შემთხვევების მზარდი დინამიკა და ეს ძირითადად ხდება აჭარის რეგიონის ხარჯზე, სადაც გვაქვს ეპიდაფეთქება, მაგრამ სიტუაცია სრულად მართვადია და მათ შორის აჭარის რეგიონში“, – განაცხადა გამყრელიძემ.

გამყრელიძემ არ გამორიცხა, რომ აჭარაში პაციენტების მართვა სახლში დაიწყოს. მისი თქმით, უახლოეს დღეებში პირველადი ჯანდაცვის ექიმები კიდევ ერთხელ გადამზადდებიან, რათა პაციენტებს სახლის პირობებში უმკურნალონ.

გამყრელიძის თქმით, 30 იანვრიდან საქართველოში 534 ათასი PCR-ტესტი და დაახლოებით 301 ათასი სწრაფი ტესტი გაკეთდა.

ეპიდემიოლოგმა მოუწოდა ყველას ცხელების შემთხვევაში შესაბამის სამსახურებს მიმართონ. მისი თქმით, ეს პირველი წელიწადია, როდესაც გრიპთან და სხვა რესპირატორულ დაავადებებთან ერთად, რომლებიც შემოდგომით აქტიურდება, იარსებებს ასევე კორონავირუსი. საჭიროა მაქსიმალური სიფრთხილე და რეკომენდაციების შესრულება.

გურიაში კორონავირუსი პედაგოგებს დაერია >>

ოქტომბრის დასაწყისში საქართველოს ექნება გრიპის ოთხკომპონენტიანი ვაქცინის 135 ათასამდე დოზა. დაავადებათა კონტროლის ცენტრი ვაქცინის დამატებითი დოზების შემოტანაზე მუშაობს.

„როგორც წესი, ვაქცინა გაუკეთდება რისკჯგუფებს და ეს რისკჯგუფები ყოველწლიურად ისაზღვრება იმუნიზაციის საბჭოს დადგენილებით. ვცდილობთ მაქსიმალურად, გავზარდოთ სახელმწიფოს მიერ შესყიდული ვაქცინის მარაგი. ძალიან ბევრ ბაზარზე და ბევრ მწარმოებელთან გვაქვს კონტაქტი და შესაძლებელია, წელს გრიპის აცრებზე მოთხოვნა იყოს მეტი, ვიდრე ოდესმე ყოფილა. რა თქმა უნდა, ვაქცინა ექნებათ კერძო კომპანიებსაც“, - განაცხადა გამყრელიძემ.

გასულ დღე-ღამეში კორონავირუსით ინფიცირების შემთხვევების რაოდენობა 182-ით გაიზარდა. სამთავრობო ვებგვერდ StopCov-ის მონაცემებით, ინფიცირებულთა საერთო რაოდენობა ქვეყანაში 3119-ე შეადგენს.

 

15
თემები:
COVID-19 საქართველოში
ვალუტის გაცვლის პუნქტი

ლარის კურსი 19 სექტემბერს

17
(განახლებულია 09:13 19.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0254 ლარით გაუფასურდა.

თბილისი, 19 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2140 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0254 ლარით გაუფასურდა.

ლარის კურსი 19 სექტემბერს
ლარის კურსი 19 სექტემბერს
17
თემები:
ლარის კურსი დღეს