რთველი

რთველი რაჭაში ინაცვლებს: იწყება ალექსანდროულისა და მუჯურეთულის კრეფა

89
(განახლებულია 20:20 09.10.2019)
ამბროლაურში განთავსებულ შტაბში სრულად მობილიზებულია ადამიანური და ტექნიკური რესურსი, რათა ყურძნის მოსავლის დაბინავების პროცესი შეუფერხებლად წარიმართოს.

თბილისი, 9 ოქტომბერი — Sputnik. რთველი რაჭაში ინაცვლებს, სადაც ალექსანდროულისა და მუჯურეთულის ჯიშის ყურძნის 1500 ტონამდე მოსავალს ელოდებიან, ნათქვამია ღვინის ეროვნული სააგენტოს საიტზე

რაც შეეხება კახეთს, იქ რთველი უკვე დასასრულს უახლოვდება. ამ დროისათვის რეგიონში უკვე 263 ათას ტონამდე ყურძენია გადამუშავებული.

გარემოს დაცვისა და სოფლის მეურნეობის მინისტრის მოადგილის სოლომონ პავლიაშვილის თქმით, რაჭაში, ისევე, როგორც კახეთში, დიდი მნიშვნელობა ექნება მევენახეებსა და ღვინის მწარმოებლებს შორის კონსტრუქციულ თანამშრომლობასა და კოორდინირებულ მუშაობას.

„რთველის შეუფერხებლად ჩატარებისთვის განსაკუთრებით მნიშვნელოვანია მევენახეებსა და მეღვინეებს შორის აქტიური კომუნიკაცია და თანამშრომლობა. ისევე, როგორც კახეთში, სახელმწიფო ყველაფერს გააკეთებს, რომ რაჭის მევენახეებს ჩაუბარებელი ყურძენი არ დარჩეთ“, – აღნიშნა პავლიაშვილმა.

როგორც რთველის საკოორდინაციო შტაბის უფროსმა ლევან მეხუზლამ განაცხადა, ამბროლაურში განთავსებულ შტაბში სრულად მობილიზებულია ადამიანური და ტექნიკური რესურსი, რათა ყურძნის მოსავლის დაბინავების პროცესი შეუფერხებლად წარიმართოს. რაჭის მევენახეები ყურძნის კრეფას გამოდარებისთანავე დაიწყებენ.

89
საპატრულო პოლიცია

ავარია სამეგრელოში - დაშავებულთა შორის ორი ბავშვია

10
BMW-ს მარკის მანქანის მძღოლმა საჭე ვერ დაიმორჩილა, ავტომობილი გზის სავალი ნაწილიდან გადავიდა და ხეს დაეჯახა.

თბილისი, 9 ივლისი – Sputnik. შვიდი ადამიანი დაშავდა ხობის მუნიციპალიტეტის სოფელ ჭალადიდში მომხდარი ავარიის შედეგად. დაშავებულთა შორის ორი ბავშვია, იუწყება საზოგადოებრივი მაუწყებლის პირველი არხი.

გავრცელებული ინფორმაციით, BMW-ს მარკის მანქანის მძღოლმა საჭე ვერ დაიმორჩილა, ავტომობილი გზის სავალი ნაწილიდან გადავიდა და ხეს დაეჯახა.

დაშავებულები სასწრაფო-სამედიცინო დახმარების ჯგუფებმა ფოთის ჰოსპიტალში გადაიყვანეს.

„ადგილზე მისულ სასწრაფო დახმარების ბრიგადას დახვდა შვიდი დაზარალებული, მათ შორის ორი ბავშვია. საჭირო გახდა დამატებითი ჯგუფების გამოძახება. ერთ-ერთ დაშავებულს აღენიშნებოდა მრავლობითი ტრავმა და იყო შედარებით მძიმე. ყველა მათგანს ადგილზე გაეწია პირველადი დახმარება და გადაყვანილი არიან ფოთის ჰოსპიტალში“, – განაცხადა საგანგებო სიტუაციების კოორდინირებისა და გადაუდებელი დახმარების ფოთის ცენტრის ხელმძღვანელმა, კესო გელენიძემ.

შსს-მ მომხდართან დაკავშირებით გამოძიება სისხლის სამართლის კოდექსის 276-ე მუხლის მეორე ნაწილით დაიწყო. იგი ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის დაზიანება გამოიწვია.

10
თემები:
შემთხვევები საქართველოში
ავიაკომპანია  Lufthansa-ს თვითმფრინავი

რომელი ქვეყნების მოქალაქეები და რა პირობებით ჩამოვლენ საქართველოში

29
საქართველოში ჩამოსვლა ნებადართულია 18 ქვეყნის მოქალაქეებისთვის, მაგრამ ხუთი მათგანის მოქალაქეებისთვის განსაკუთრებული შეზღუდვები არ იმოქმედებს

თბილისი, 9 ივლისი – Sputnik. თითქმის ოთხთვიანი პაუზის შემდეგ საქართველო თავის საზღვრებს 18 ქვეყნის მოქალაქეებს უხსნის, თუმცა თითოეული მათგანისთვის გარკვეული რეკომენდაციები და შეზღუდვები დაწესდა.

ქვეყნების ჩამონათალი და მოგზაურთათვის ქვეყანაში ყოფნის პირობები მოყვანილია მთავრობის განკარგულებაში, რომელიც 9 ივლისს 00:00 საათიდან ამოქმედდა. ავიაბილეთების გაყიდვის პროტოკოლები ცნობილი გახდება უახლოეს დღეებში.

ხუთი ქვეყნის მოქალაქეებისთვის საქართველოს საზღვარი ყოველგვარი პირობის გარეშე იხსნება, თუმცა მხოლოდ საჰაერო გზით. ეს არის გერმანია, საფრანგეთი, ლატვია, ლიეტუვა და ესტონეთი.

ამ ქვეყნების მოქალაქეები ქვეყანაში უნდა ჩამოვიდნენ პირდაპირი ავიარეისით და შეავსონ სპეციალური ელექტრონული ანკეტა, სადაც უნდა მიუთითონ მოგზაურობის ისტორია ბოლო 14 დღის განმავლობაში, დატოვონ საკონტაქტო ტელეფონი და იმ ადგილის მისამართი, სადაც გაჩერდებიან.

ვიზიტორთა საერთო რაოდენობის - 9 მილიონის გათვალისწინებით, გასულ წელს საქართველოს ამ ხუთი ქვეყნიდან დაახლოებით 170 ათასი ადამიანი ესტუმრა: საფრანგეთიდან - 27 951, გერმანიიდან - 89 051, ლიეტუვიდან - 22 381, ლატვიიდან – 20 514 და ესტონეთიდან - 12 482.

საქართველო ამ ეტაპზე საზღვარს უხსნის კიდევ 13 ქვეყნის მოქალაქეებსა და რეზიდენტებს: ეს არის ესპანეთი, ლუქსემბურგი, ნიდერლანდები, პოლონეთი, პორტუგალია, რუმინეთი, საბერძნეთი, შვედეთი, ხორვატია, იტალია, სლოვაკეთი, ისლანდია და კვიპროსი. მაგრამ მათთვის ორკვირიანი კარანტინის გავლა სავალდებულოა, თანაც საკუთარი ხარჯით.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/9 ივლისი >>

რაც შეეხება სამშობლოში დაბრუნებულ საქართველოს მოქალაქეებს, მათთვის 14-დღიანი კარანტინის გავლა ძალაში რჩება, თუმცა ამ შემთხვევაში ხარჯებს სახელმწიფო ფარავს.

ქვეყნების ჩამონათალი, რომელთათვის საქართველო საზღვრებს ხსნის, ორ კვირაში ერთხელ გადაიხედება და განახლდება.

 

29