რუსთავი 2

პაატა სალია „რუსთავი 2“-დან თანამშრომლებს ათავისუფლებს: მიზეზები და განმარტებები

198
(განახლებულია 17:48 20.08.2019)
არხიდან გათავისუფლებულთა შორის არიან ნოდარ მელაძე, ეკა კვესიტაძე, გიორგი გაბუნია, გიორგი ლაფერაშვილი, ასევე არხს დატოვებს ნანუკა ჟორჟოლიანიც.

თბილისი, 20 აგვისტო — Sputnik. „რუსთავი 2“-ის გენერალურმა დირექტორმა პაატა სალიამ ცოტა ხნის წინ გამართულ პრესკონფერენციაზე არხიდან რამდენიმე თანამშრომლის გათავისუფლება დაადასტურა და მიზეზები განმარტა. 

გათავისუფლებულთა შორის არის საინფორმაციო სამსახურის უფროსი ნოდარ მელაძე და კიდევ რამდენიმე ადამიანი, რომლებიც ამ ეტაპზე შვებულებაში იმყოფებიან. მათ შორის არიან ეკა კვესიტაძე, გიორგი გაბუნია, გიორგი ლაფერაშვილი. მათთან ერთად არხს დატოვებს ნანუკა ჟორჟოლიანიც.

„ვადასტურებ, რომ ნოდარ მელაძე გათავისუფლებულია და მასთან ერთად გათავისუფლდება რამდენიმე ადამიანი, თუმცა ისინი ამ ეტაპზე შვებულებაში იმყოფებიან და შვებულებიდან დაბრუნების შემდეგ იქნება მიღებული შესაბამისი გადაწყვეტილება. არ შეიძლება ადამიანი, რომელიც ეწინააღმდეგება არხს და მის მესაკუთრეს, იყოს კომპანიაში დასაქმებული“, – განაცხადა სალიამ.

სალიას განმარტებით, არხის ახალმა ხელმძღვანელობამ მელაძის, ლაფერაშვილის, ანჯაფარიძის, გაბუნიას გათავისუფლების შესახებ გადაწყვეტილება იმ ფინანსური ზარალის გამო მიიღო, რომელიც მათი საქმიანობის შედეგად მიადგა კომპანიას.

ამასთან, „რუსთავი 2“-ის გენერალური დირექტორის თქმით, ჩამოთვლილი პირების მიმართ არხის ხელმძღვანელობამ შესაძლოა სასამართლო დავა წამოიწყოს, რაც ინტერესთა კონფლიქტს გამოიწვევდა იმ შემთხვევაში, თუ ისინი არხზე სამუშაოდ დარჩებოდნენ. 

„ვერ წარმოგვიდგენია, რომ ვედავოთ იმ ადამიანებს, რომლებიც ჩვენთან არიან წამყვან თანამდებობებზე. აშკარად შეუთავსებლობა და ინტერესთა კონფლიქტი იქნება“, — განაცხადა სალიამ. 

მისი თქმით, სარჩელზე მუშაობა დაწყებულია და გარკვეული დასაბუთებაც უკვე არსებობს „იმაზე, რაც 2015 წელს მოხდა. შემდგომ იყო შეძენილი ბინები 2016-ში. რაღაც თანხების განაწილება მოხდა 2017-ში“. გენერალური დირექტორი აღნიშნავს, რომ ყოველივე ამაზე აუცილებლად იქნება საუბარი სამოქალაქო სარჩელში. 

პაატა სალია აცხადებს, რომ ნინო შუბლაძე ერთ-ერთია მათ შორის, ვისი კანდიდატურაც საინფორმაციო სამსახურის უფროსის თანამდებობაზე მოიაზრება, თუმცა მის პარალელურად განიხილება სხვა კანდიდატურებიც, რომელთა ვინაობაც არ დააკონკრეტა. 

გარდა ამისა, პაატა სალიამ განმარტა, რომ თუ არხის ჟურნალისტებს მიაჩნიათ, რომ ისინი ახალ ხელმძღვანელობასთან, ანუ მესაკუთრესთან და მენეჯმენტთან „ბრძოლის რეჟიმში არიან“, თანამშრომლობა არ გამოვა. მით უმეტეს, თუ ზოგი ჟურნალისტი ფინანსურადაა დავალებული სხვისგან. 

„ჩვენი შეფასებით, დადებულია თვალთმაქცური გარიგებები სარეკლამო კომპანია „ინტერმედია პლუსთან“, საიდანაც ის მოგება, რომელიც უნდა მიეღო „რუსთავი 2“-ს, მოხვდა სხვა კომპანიაში. აღნიშნული კომპანიიდან ერთ-ერთი თანამშრომლის მიერ გატანილ იქნა ეს ფული როგორც დივიდენდი და შემდეგ დარიგებული იქნა კონკრეტულ პირებზე — არ ვიცი, საჩუქრის თუ რა სახით, რის შედეგადაც შეძენილია გარკვეული უძრავი ქონება. აქედან გამომდინარე... როდესაც არხზე მომუშავე ჟურნალისტები თვლიან, რომ ბრძოლის რეჟიმში არიან ჩვენთან, ანუ მესაკუთრესთან და მენეჯმენტთან და ისეთ ვითარებაში, როდესაც არსებობენ ადამიანები, რომლებიც, ჩვენი აზრით, დავალებული არიან სხვისგან, მიღებული აქვთ ფინანსური სარგებელი, ვერ იქნებიან არხის ერთგული. ჩვენი ამოცანაა, რომ ეს გუნდი იყოს ერთიანი, ეს გუნდი იყოს ძლიერი და კრიტიკული“, — განაცხადა პაატა სალიამ.

ამასთან, პაატა სალიამ ჟურნალისტებს გააცნო ახალი ხელმძღვანელობის თხოვნა, რომ არხმა სიმშვიდე, ხოლო „კურიერმა“ სიმწვავე შეინარჩუნოს.

 

198
თემები:
დავა „რუსთავი 2"-ის ირგვლივ (194)

საბავშვო ევროვიზია 2020: ფინალამდე რჩება ორი დღე - ვიდეო

5
წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone

საერთაშორისო სიმღერის კონკურს „საბავშვო ევროვიზია 2020“-ის ოფიციალურ ვებ-გვერდზე მაყურებლის ონლაინ–კენჭისყრამ სტარტი პარასკევს, 27 ნოემბერს, 23:00 საათიდან აიღო.

ხმის მიცემა შესაძლებელია ვებ-გვერდზე junioreurovision.tv. მაყურებელს ყველა კონკურსანტის გამოსვლის ნახვის შემდეგ შესაძლებლობა ექნება ხმა მისცეს სამ კონკურსანტს, მათ შორის – საკუთარი ქვეყნის წარმომადგენელს.

წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის. საქართველოს წარმომადგენელი კონკურსზე მეშვიდე ნომრად გამოვა.

კონკურსის ფინალს ქართველი მაყურებელი საზოგადოებრივი მაუწყებლის „პირველ არხზე“ კვირას, 29 ნოემბერს, 20:00 საათიდან იხილავს.

 

5
რესტორნები და კაფეები

რას აცხადებენ საქართველოს ბიზნეს–ასოციაციაში ახალი ლოკდაუნის შესახებ

27
ასოციაცია სამწუხაროდ ფაქტად მიიჩნევს, რომ ახალი კორონავირუსის გავრცელების შეჩერება მნიშვნელოვანი შეზღუდვების გარეშე ვერ მოხერხდა

თბილისი, 27 ნოემბერი – Sputnik. მიუხედავად მაღალი ფასისა, რომლის გადახდაც მოუწევს მოქალაქეებსა და მეწარმეებს დამატებითი შეზღუდვების ამოქმედების გამო, ქვეყნის თითოეული მოქალაქის სიცოცხლე ყველაზე ძვირფასი და უმაღლესი ფასეულობაა, ნათქვამია საქართველოს ბიზნეს–ასოციაციის (BAG) განცხადებაში.

სავაჭრო ცენტრების გახსნის საკითხი, შესაძლოა, გადაიხედოს>>

ეპიდემიოლოგიური ვითარების გაუარესების გამო, საქართველოს მთავრობამ ხუთშაბათს კორონავირუსთან ბრძოლის ორთვიანი გეგმა დაამტკიცა. 28 ნოემბრიდან საქართველოს რვა დიდ ქალაქში შეჩერდება საზოგადოებრივი ტრანსპორტის მუშაობა. მთელ ქვეყანაში აიკრძალა სპორტდარბაზებისა და საცუარაო აუზების ფუნქციონირება, რესტორნები მხოლოდ მიტანის სერვისით იმუშავებენ, დაიკეტება სავაჭრო ცენტრები, გარდა პირველადი მოხმარების საქონლის მაღაზიებისა.

 „ჩვენი ქვეყნის თითოეული მოქალაქის სიცოცხლე ყველაზე ძვირფასი და უმაღლესი ფასეულობაა, რომელიც საჭიროებს განსაკუთრებულ დაცვას მიუხედავად იმ მაღალი ფასისა, რომლის გადახდაც ყველას, ბიზნეს სუბიექტსა თუ რიგით მოქალაქეს ერთობლივად  მოგვიწევს... ბუნებრივია, საქართველოს მთავრობის მიერ შემუშავებული დამატებითი შეზღუდვები ნეგატიურ ზეგავლენას იქონიებს ბიზნეს ოპერატორების საქმიანობაზე და შესაბამისად ეკონომიკაზე“, – ნათქვამია განცხადებაში.

ასოციაცია, როგორც ასობით ბიზნეს–ოპერატორის ინტერესების დამცველი ყველაზე მსხვილი გაერთიანება, სამწუხაროდ მიიჩნევს იმ ფაქტს, რომ კორონავირუსის გავრცელების შეკავება მნიშვნელოვანი შეზღუდვების გარეშე ვერ მოხერხდა.

რა შეიძლება და რა - არა? მთავრობა განმარტავს, როგორ იმოქმედებს ახალი შეზღუდვები>>

ორგანიზაციაში მიესალმებიან იმ ფაქტს, რომეკონომიკური სტიმულირების სამთავრობო პაკეტში გათვალისწინებულია BAG–ის წინადადებები. კერძოდ, 750 ლარამდე ხელფასის შემთხვევაში საშემოსავლო გადასახადისგან სრულად გათავისუფლება, 1500 ლარამდე არსებულ ხელფასებზე საშემოსავლო გადასახადისგან ბიზნესის ნაწილობრივ განთავისუფლების პროგრამის დამატებით 6 თვით გაგრძელება, ასევე ტურიზმისა და მომსახურების სექტორში მოქმედი ბიზნეს–ოპერატორებისთვის გადავადებული 4 თვის საშემოსავლო გადასახადის ჩამოწერა. 

მიუხედავად იმისა, რომ ახალი შეზღუდვები მხოლოდ გარკვეულ სფეროებს ეხება, საშემოსავლო გადასახადზე შეღავათებით სარგებლობას ყველა კომპანია შეძლებს.

ასოციაციაში აღნიშნავენ, რომ გლობალური პანდემიისა და ეკონომიკური კრიზისის ფონზე ქართველი ბიზნესმენების ძირითადი ამოცანაა კომპანიების გადარჩენა და სამუშაო ადგილების მაქსიმალურად შენარჩუნება.

BAG–ის განცხადებით, ასოციაციის მთავრობისადმი შეთავაზებული წინადადებები ემსახურება სამუშაო ადგილების მასიმალურ შენარჩუნებასა და პოსტ-პანდემიურ ფაზაში ეკონომიკის დროული აღდგენისთვის ბიზნესის მზადყოფნის უზრუნველყოფას.

ორგანიზაციაში სტიმულირების ახალ პაკეტს ბიზნესისთვის აუცილებელ მინიმუმად მიიჩნევენ, რომელიც შეიძლება ბოლომდე ვერ ითვალისწინებდეს მის საჭიროებებს.

საქართველოს ბიზნეს–ასოციაცია აქტიურად დააკვირდება შეზღუდვების ახალი გეგმის მიმდინარეობას და ასოციაციის წევრი კომპანიების მოსაზრებების გათვალისწინებით, საჭიროების შემთხვევაში, წარმოადგენს დამატებით წინადადებებს, რომლებიც შეიძლება გულისხმობდნენ მხარდაჭერისა და სტიმულირების ახალ მექანიზმებსაც.

ვიცე-პრემიერი: სამსახურდაკარგულთათვის კომპენსაციების გაცემა ბიზნესზეა დამოკიდებული>>

ბიზნესის დახმარება კორონავირუსის მეორე ტალღის დროს

ბიზნესის მხარდაჭერისთვის 515 მილიონი ლარია გათვალისწინებული.

საშემოსავლო გადასახადის შეღავათი – 1,5 ათას ლარამდე ხელფასის მქონე პირები 750 ლარამდე თანხის საშემოსავლო გადასახადისგან გათავისუფლდებიან 2021 წლის დეკემბერი–მაისის პერიოდში. ბენეფიციართა სავარაუდო რაოდენობა 33 ათასი კომპანია და 425 ათასი დასაქმებულია. ბიუჯეტი – 260 მლნ ლარი. 

ქონების გადასახადის შეღავათი ტურიზმის სექტორისთვის – სასტუმროები, რესტორნები 2021 წელს გათავისუფლდებიან ქონების გადასახადისგან. ბიუჯეტი – 45 მლნ ლარი.

2020 წლის 4 თვის გადავადებული საშემოსავლო გადასახადის ჩამოწერა – განხორციელდება ტურიზმის სექტორში (სასტუმროები, რესტორნები და მსგავს საქმიანობაში ჩართული კომპანიები) 2020 წლის 1დეკემბრამდე გადავადებული საშემოსავლო გადასახადის ჩამოწერა. ბიუჯეტი – 20 მლნ ლარი;

გაგრძელდება სასტუმროების საბანკო სესხების პროცენტის სუბსიდირება, ასევე ამოქმედდება რესტორნების საბანკო სესხების პროცენტის სუბსიდირება 6 თვის განმავლობაში. ბენეფიციართა სავარაუდო რაოდენობა – 3,7 ათასი კომპანია. 

გაგრძელდება მიკროგრანტების პროგრამა, რომლის ფარგლებშიც ათასობით ახალი ბიზნეს-პროექტი დაფინანსდება. ბიუჯეტი – 40 მლნ ლარი.

გახარია: თვითდასაქმებულებისთვის 300-ლარიან დახმარებას ვაწესებთ>>

საკრედიტო-საგარანტიო ფონდი – 2021 წელს აქტიურად გაგრძელდება საკრედიტო-საგარანტიო ფონდის მუშაობა, რომელიც დაეხმარება კერძო სექტორს როგორც არსებული სესხების რესტრუქტურიზაციაში, ასევე ახალი სახსრების მოზიდვაში. ბიუჯეტი – 100 მლნ ლარი.

საბანკო სესხების გადავადების შესაძლებლობა ექნებათ იმ კომპანიებს, რომლებსაც შეეზღუდებათ საქმიანობა დეკემბერი-იანვრის პერიოდში.

27
თემები:
COVID-19 საქართველოში