ემზარ კვიციანი

დისკრიმინაციული გამონათქვამი: ომბუდსმენი კვიციანს რეკომენდაციას აძლევს

124
(განახლებულია 20:36 19.08.2019)
სახალხო დამცველის შეფასებით, მსგავსი მიდგომები ხელს უწყობს ქართული ენის არმცოდნე ეთნიკური უმცირესობის წარმომადგენლების საჯარო სივრციდან გარიყვას.

თბილისი, 19 აგვისტო - Sputnik. საქართველოს სახალხო დამცველი ნინო ლომჯარია „პატრიოტთა ალიანსის“ დეპუტატ ემზარ კვიციანს მოუწოდებს, რომ დაიცვას პარლამენტის წევრის ეთიკის კოდექსი და „მომავალში რომელიმე დაუცველი ჯგუფის მიმართ დისკრიმინაცია არ წაახალისოს“, აღნიშნულია საქართველოს ახალგაზრდა იურისტთა ასოციაციის (საია) მიერ გავრცელებულ განცხადებაში.  

საიას ინფორმაციით, ომბუდსმენმა ემზარ კვიციანს სრულიად საქართველოს მუსლიმთა უმაღლესი სამმართველოს თავმჯდომარისა და შეიხის, მირტაგი ასადოვის საჩივრის საფუძველზე მიმართა.

კერძოდ, მირტაგი ასადოვის საჩივარში მითითებული იყო, რომ  2019 წლის 21 იანვარს ემზარ კვიციანმა საქართველოს პარლამენტის ადამიანის უფლებების დაცვისა და სამოქალაქო ინტეგრაციის კომიტეტის მიერ შექმნილი სამუშაო ჯგუფის სხდომაზე მის მიმართ დისკრიმინაციული გამონათქვამი გამოიყენა. 

გავრცელებული ინფორმაციით, ასადოვი სხდომაზე აზერბაიჯანულ ენაზე გამოვიდა სიტყვით, რომელსაც ქართულ ენაზე თარჯიმანი თარგმნიდა. სწორედ ამას მოჰყვა ემზარ კვიციანის რეპლიკა: „ვერ მოვისმინე ვინ ბრძანდება მაგი, ვერ გავიგე უბრალოდ, საქართველოს მოქალაქეა?“

„სახალხო დამცველის მიერ გამოცემულ წინადადებაში აღნიშნულია, რომ ემზარ კვიციანის გამონათქვამი ცალსახად იყო მინიშნება, რომ ეთნიკური უმცირესობის წარმომადგენელს, რომელმაც არ იცის ქართული ენა, არა აქვს უფლება, გამოთქვას საკუთარი აზრი პარლამენტში მიმდინარე პროცესებთან დაკავშირებით და ჩაერთოს ქვეყნის პოლიტიკურ ცხოვრებაში“, - აღნიშნულია საია-ს განცხადებაში.

სახალხო დამცველის შეფასებით, მსგავსი მიდგომები ხელს უწყობს ქართული ენის არმცოდნე ეთნიკური უმცირესობის წარმომადგენლების საჯარო სივრციდან გარიყვას.

საქართველოს სახალხო დამცველი მიიჩნევს, რომ ემზარ კვიციანის მიმართვა მირტაგი ასადოვისადმი ეთნიკური წარმომავლობის ნიშნით დისკრიმინაციის წახალისების შემთხვევაა და მიმართავს დეპუტატს, რომ მომავალში არ წაახალისოს დისკრიმინაცია რომელიმე დაუცველი ჯგუფის მიმართ.

 

124
მამუკა მდინარაძე

მამუკა მდინარაძე: ოპოზიცია რევოლუციური სცენარის ამოქმედებას ცდილობს

6
ამ დროისთვის ცენტრალურ საარჩევნო კომისიის შენობასთან სხვადასხვა ოპოზიციური პარტიების ლიდერები და მათი მხარდამჭერები იკრიბებიან. 

თბილისი, 1 ნოემბერი – Sputnik.  ცესკოს თავმჯდომარეს ორჯერ შეაწყვეტინეს ბრიფინგი, რათა ადრე დაანონსებული რევოლუციური სცენარი მოქმედებაში მოიყვანონ, განაცხადა მმართველი პარტია  „ქართული ოცნება–დემოკრატიული საქართველოს“ ერთ-ერთმა ლიდერმა  ცენტრალურ საარჩევნო კომისიაში მომხდარ ინციდენტთან დაკავშირებით. 

დაახლოებით ნახევარი საათის წინ, ცენტრალურ საარჩევნო კომისიაში, როდესაც თავმჯდომარე თამარ ჟვანია საპარლამენტო არჩევნების წინასწარ შედეგებს აცხადებდა, „ნაციონალური მოძრაობისა“ და „ევროპული საქართველოს“ ცესკოს წევრებმა „ქართული ოცნების“ მაღალი შედეგი გააპროტესტეს.

„ცესკოში ადგილი ჰქონდა საბოტაჟის ფაქტს, როდესაც ცენტრალური საარჩევნო კომისიის თავმჯდომარეს ორჯერ შეაწყვეტინეს ბრიფინგი, რათა ის რაღაც რევოლუციური სცენარი, როგორმე მოქმედებაში მოიყვანონ. თუმცა, დარწმუნებით შემიძლია გითხრათ, რომ ქვეყანაში ტყუილზე დაფუძნებული მუხტის აწევას ადგილი ვერ ექნება“, – განაცხადა მამუკა მდინარაძემ.

საქართველოს ცენტრალური საარჩევნო კომისიის თავმჯდომარე თამარ ჟვანიამ ცესკოში მომხდარ ინციდენტთან დაკავშირებით საერთაშორისო სადამკვირვებლო ორგანიზაციებს უკვე მიმართა.

 საქართველოში 31 ოქტომბერს პარლამენტის არჩევნები გაიმართა, რომელშიც 48 პარტია და ორი საარჩევნო ბლოკი მონაწილეობდა. საქართველოში ოირველად არჩევნები პანდემიის პირობებში ჩატარდა.

ამ დროისთვის ცენტრალურ საარჩევნო კომისიის შენობასთან სხვადასხვა ოპოზიციური პარტიების ლიდერები და მათი მხარდამჭერები იკრიბებიან. 

6
თემები:
საქართველოს საპარლამენტო არჩევნები 2020
ცესკო

ინციდენტი ცესკოში: თამარ ჟვანია საერთაშორისო სადამკვირვებლო ორგანიზაციებს მიმართავს

20
(განახლებულია 04:25 01.11.2020)
ამ დროისთვის ცენტრალურმა საარჩევნო კომისიამ 3 847 საარჩევნო უბნიდან 1085 უბნის მონაცემები დაამუშავა,

თბილისი, 1 ნოემბერი – Sputnik. საქართველოს ცენტრალური საარჩევნო კომისიის თავმჯდომარე თამარ ჟვანია ცესკოში მომხდარ ინციდენტთან დაკავშირებით  საერთაშორისო სადამკვირვებლო ორგანიზაციებს მიმართავს. 

ცენტრალურ საარჩევნო კომისიაში, როდესაც თამარ ჟვანია საპარლამენტო არჩევნების წინასწარ შედეგებს აცხადებდა, ინციდენტი მოხდა.  „ნაციონალური მოძრაობისა“ და „ევროპული საქართველოს“ ცესკოს წევრებმა „ქართული ოცნების“ მაღალი შედეგი გააპროტესტეს.

„მოვუწოდებ საერთაშორისო ორგანიზაციებს მოვიდნენ აქ. მათ კარგად იციან, რომ წინასწარი შედეგები არ ნიშნავს საბოლოო შედეგებს. მოვუწოდებ ადგილობრივ დამკვირვებლებს და იმ პირებს, რომლებიც არ არიან პოლიტიკურად დაინტერესებული მხარეები, საარჩევნო ადმინისტრაციას, მათ შორის, ცენტრალურ საარჩევნო კომისიას ხმების დათვლის საშუალება მისცენ“, – განაცხადა თამარ ჟვანიამ.

ჟვანიას განმარტებით, ამ დროისთვის ცენტრალურმა საარჩევნო კომისიამ 3 847 საარჩევნო უბნიდან 1085 უბნის მონაცემები დაამუშავა, რომლის თანახმად, პროპორციული სისტემით ამომრჩეველთა ხმები შემდეგნაირად გადანაწილდა:

„ქართული ოცნება – დემოკრატიული საქართველო“ – 54,72% (193 418 ხმა)

„ნაციონალური მოძრაობა – ძალა ერთობაშია“ – 23,61% (83 447)

 „ევროპული საქართველო“ (დავით ბაქრაძე) – 3,99% (14 117)

 „პატრიოტთა ალიანსი“ (ირმა ინაშვილი) – 3,34 (11810)

„ლელო საქართველოსთვის“ (მამუკა ხაზარაძე)– 2,66% %(9 408)

„გიორგი ვაშაძე – სტრატეგია აღმაშენებელი“ – 2,46% (8705)

„გირჩი“ (ზურაბ ჯაფარიძე) – 1,91% (6 753).

საქართველოში 31 ოქტომბერს პარლამენტის არჩევნები გაიმართა, რომელშიც 48 პარტია და ორი საარჩევნო ბლოკი მონაწილეობდა. საქართველოში ოირველად არჩევნები პანდემიის პირობებში ჩატარდა.

20
თემები:
საქართველოს საპარლამენტო არჩევნები 2020